Fesili
O le a le mea e soso'o ma le oti?
Tali
O le fesili e uiga i le tulaga e soso'o ane ma le oti e le mautonu ai le tele o tagata. E le o matua manino lelei le Tusi Paia i le taimi e taunuu ai le tagata i lona nofoaga mau. Ua ta'ua i le Tusi Paia afai e oti le tagata, ona avea loa lea o ia i le Lagi poo Seoli, e faatatau lava i lona talia--poo le le talia foi--o Keriso e fai ma faaola. Mo e talitonu, e uma loa lenei soifuaga ona faatasi loa lava lea ma le Alii (2 Korinito 5:6-8; Filipi 1:23). Mo e le talitonu, o le iuga o le olaga o le faataugaina lea e faavavau i Seoli (Luka 16:22-23).
O loo iai sina fenumia'i o mafaufauga e uiga i le tulaga e tupu ina ua mavae le oti. O loo faamatalaina i le Faaaliga 20:11-15 i latou uma o i seoli e lafoina i le lepa afi. O loo faamatalaina mai foi i le Faaaliga e 21-22 le Lagi Fou ma le Lalolagi Fou. O lea, e foliga mai se'i iloga ua mae'a le toe tu mulimuli, a maliu la le tagata ona faatalitali lea o ia i nofoaga le tumau e ta'ua lava o le Lagi ma Seoli. E le suia le nofoaga mau o le tagata, ae e suia le "tulaga" o le nofoaga mau. Afai e oo mai le oti, ona auina lea o le tagata talitonu i le Lagi Fou ma le Lalolagi Fou (Faaaliga 21:1). Afai foi e oo mai le oti i le tagata le talitonu, e lafoina o ia i le lepa afi (Faaaliga 20:11-15). O nofoaga nei, e faavavau mo tagata uma -- e faatatau lava i luga o le talitonu ia Iesu Keriso e toatasi mo le faaolaina o i tatou mai le agasala.
English
O le a le mea e soso'o ma le oti?