پاک روح کون

اِتھاں پاکج روح دی سنڄاݨ بارے ٻہوں ساریاں غلط رائے قائم ہن ، کجھ دا خیال ہے جو پاک روح کئی غیر مرئی قوت ہے ۔ ݙوجھے سمجھدن جو پاک روح غیر شخصی خدائی طاقت ہے جو مسیح دے پیروکاراں کوں میسر ہے۔ پاک روح دی سنڄاݨ دے بارے اچ کلامِ مقدس کیا آہدے؟ کلامِ مقدس آہدے جو پاک روح خدا ہے کلامِ مقدس ݙسیندے جو پاک روح ہک شخص وی ہے ، ہک ذہین مخلوق ، جذبات اتے ہک ارادہ۔

حقیقت اچ پاک روح خدا ہے جو ٻہوں جہے نوشتاں اچ نظر آندے جیویں اعمال ٥ باب ٣ توں ٤ آیت) ۔ ایں آیت اچ پطرس نے حنیاہ کوں آکھیا جو کیوں تساں روح القدس نال کوڑ ٻویے اتے اونکوں ݙسایا جو اوں نے صرف " آدمیاں نال کوڑ نئیں ٻولیا بھلکہ خدا نال" ۔ اے واضع اعلان کریندے جو پارک روح نال کوڑ ٻولݨ خدا نال کوڑ ٻولݨ ہے۔ اساں ڄاݨ سڳدوں جو پاک روح ہی کدا ہے کیونکہ جو او خدا دے کردار دی صفات رکھیندے ۔ مثال دے طور تے حیقیقت اچ پاک روح ہر ویلے ہر جاہ موجود ہوندے ١٣٩ زبور ٧ توں ٨ آیت اچ ݙہدوں " میں تیݙی روح توں بچ تے کتھاں ونڄاں یا تیݙی حضوری توں کِݙے بھڄاں؟ اگر اَسمان تے چڑھ ونڄاں تاں توں اُتھاں ہیں ۔ اگر میں پاتال اچ بسترا وچھاواں تاں توں اُتھاں وی ہیں " ۔ ول ١۔ کرنتھیوں ٢ باب ١٠ آیت اچ اساں پاک روح کوں سبھ کجھ ڄاݨݨ والے جو کردار اچ ݙِہدوں ۔ " لیکن اساں تے خدا نے انہاں کو روح دے وسیلہ نال ظاہر کیتے کیوں جو روح سبھ ڳالھیں بلکہ خدا دی تہہ دیاں ڳالھیں وی دریافت کر گھندے ۔ کیوں جو انساناں اچ کون کیڑھے انسان دیاں ڳالھیں ڄاݨدے ، سوائے اانسان دی اپݨی روح دے جو ایندے اچ ہے؟ ایں طرحاں خدا دے روح دے سوائے کوئی خدا دیاں ڳالھیں نئیں ڄاݨدا۔"

اساں ڄاݨ سڳدوں جو پاک روک یقیناً ہک شخص ہےکیوں جو او ذہن ، جذبات اتے ارادہ رکھیندے ۔ پاک روح ڄاݨدے اتے سوچیندے (١۔کرنتھیوں ٢ باب ١٠ آیت)۔ پاک روح رنجیدہ ہوندے (افسیوں ٤ باب ٣٠ آیت)۔ روح اساݙی شفات کریندے (رومیوں ٨ باب ٢٦ توں ٢٧ آیت) ۔ پاک روح اپݨی مرضی نال فیصلے کریندے (١۔ کرنتھیوں ١٢ باب ٧ توں ١١ آیت) ۔ پاک روح خدا ہے ، تثلیث دا تریجھا "شخص" ہے۔ جیویں خدا ، پاک روح حقیقی طور تے تسلی ݙیوݨ والا اتے مشورہ ݙیوݨ والے دی طرحاں کم کریندے جیویں یسوع نے وعدہ کیتا تھا جو او کریسے (یوحنا ١٤ باب ١٦ آیت ، یوحنا ١٥ باب ٢٦ آیت)

English

---

واپس سراییکی / ملتانی زبان دے پہلے صفے تے

پاک روح کون