سوال
کیا یسوع خدا ھے ؟ کیا یسوع نے کݙاہیں دعویٰ کیتے جو او خدا ھے؟
جواب
یسوع کوں کݙاہیں وی کلامِ مقدس اچ ٹھیک ایجھے الفاظ اچ تحریر نئیں کیتا ڳیا جو ، " میں خدا ہاں" ۔ ایندے باوجود ایندا اے مطلب نئیں ، اوں نے دعویٰ نئیں کیتا جو او خدا ھے ۔ " یسوع" دے الفاظ دی مثال گھندوں ٰیوحنا ١٠ باب ٣٠ آیت ، " میں اتے پیو ہک ہیں" ، پہلی نظر اچ ، ایجھا ݙکھائی نئین ݙیندا جو او خدا ھووݨ دا اعلان کریندن ۔ ایندے برعکس ، اوندے بیان تے یہودیاں دا ردِ عمل ݙیکھو، " چنڳے کم دے سببوں نئیں بھل کہ کفر دے سببوں تیکوں سنگسار کریندوں اتے ایں واسطے کہ تُو آدمی تھی تے اپݨے آپ کوں خدا بݨیندیں" (یوحنا ١٠ باب ٣٣ آیت)۔ یھودی سمجھدن جو یسوع دا بیان خدا ھووݨ دا دعویٰ ھے ۔ ذیل اچ ݙتی ڳئی آیات اچ یسوع یہودیاں دی تصحیح نئیں کریندے ، " میں خدا ھووݨ دا دعویٰ نئیں کریندا" ۔ جو ظاہر کریندا ھے جو یسوع حقیقی طور تے اعلانیہ آہدے پئے ہن جو خدا ھا ، " میں اتے پیو ہک ہیں " (یوحنا ١٠ باب ٣٠ آیت) ۔ یوحنا ٨ باب ٨٥ آیت ہک ٻئی مثال ھے ، " یسوع نے آکھیا ، میں تہاکوں سچ سچ آہداں جو پیشتر ایں توں جو ابرہام پیدا تھیا ھویا میں ہاں "دوبارہ ، ایندے جواب اچ ، یہودیاں نے یسوع کوں مارݨ کیتے پتھر چاتے ( یوحنا ٨ باب ٥٩ آیت)۔ کیوں جو یہودی یسوع کوں سنگسار کرݨ چاہندے ہن اگر او اینویں نہ آہدا جو اُنہاں دے ایمان دے مطابق گستاخی ھووے ، ناں گھنݨ نال خدا ھووݨ دا دعویٰ"؟
یوحنا ١ باب ١ آیت آہدے جو " کلام خدا ہا" ۔ یوحنا ١ باب ١٤ آیت آہدے جو " کلام مجسم تھیا" ۔ اے واضع طور تے ظٓہر کریندے جو یسوع ھی انسانی شکل اچ خدا ھے ۔ اعمال ٢٠ باب ٢٨ آیت اساکوں ݙسیندی ھے ، " پس اپݨی اتے اوں سارے گلہ دی خبرداری کرو جیندا روح القدس نے تہاکوں نگہبان ٹھہرائے تاں جو خدا دی کلیسیا دی گلہ بانی کرو جینکوں اوں نے خاص اپݨے خون نال مُل گھدا۔ کئیں کلیسیا کوں اپݨے خون نال مُل ڳھدا؟ یسوع مسیح۔ اعمال ٢٠ باب ٢٨ آیت اعلان کریندے جو خدا نے کلیسیا کوں خاص اپݨے خون نال مُل گھدے ، ایں واسطے ، یسوع خدا ھے ۔
تو ما رسول یسوع دے بارے اچ اعلان کریندے ، "اے میݙے خداوند اے میݙے خدا "(یوحنا ٢٠ باب ٢٨ آیت) ۔ یسوع نے اوندی اصلاح نہ کیتی ۔ ططس ٢ باب ١٣ آیت اساݙی حوصلہ افزائی کریندی ھے جو اساں انتظار کروں ۔ اپݨے خداوند اتے نجات دھندہ دے آوݨ دا یسوع مسیح (ݙیکھو ٢ پطرس ١ باب ١ آیت) ۔ عبرانیوں ١ باب ٨ آیت اچ باپ یسوع دا اعلان کریندا ھے ، " پر پُتر دی بابت او آہدے جو ، اے خدا تیݙا تخت ابدا لآباد راہسے اتے تیݙی بادشاہی دا عصا راستی دا عصا ھے ۔" مکاشفہ اچ ، ہک فرشتہ نے یوحنا رسول کوں صرف خدا دی عبادت کرݨ دی تعلیم ݙتی ( مکاشفہ ١٩ باب ١٠ آیت)۔
کئی واری کلاݨ مقدس اچ یسوع عبادت کوں قبول کریندا ھے ( متی ٢ باب ١١ آیت ، ١٤ باب ٣٣ آیت ، ٢٨ باب ٩ اتے ١٧ آیت، لوقا ٢٤ باب ٥٢ آیت ، یوحنا ٩ باب ٣٨ آیت )۔ اوں کݙاہیں ملامت نئیں کیتی جو اوندی عبادت کریندے ہیں ۔ اگر یسوع خدا کائنا ہا ، او لوکاں کوں ݙسا سڳدا ھا جو میݙی عبادت نہ کرو ، جیویں فرشتے نئیں مکاشفہ اچ آکھیا ۔ ٻہوں سارے حوالہ جات ہن جو یسوع کوں ابدی خدا ثابت کرݨ دی دلیل ݙیندن۔
سبھ توں زیادہ ضروری وجہ یسوع دے خدا ھووݨ دی اے ھے جو اگر او خدا کائنی ، اوندی موت ناکافی ھے ساری دنیا دے گناہاں دا کفارہ ادا کرݨ کیتے (١ یوحنا ٢ باب ٢ آیت) ۔ صرف خدا ھی ایں بے انتہا کفارے کوں ادا کر سڳدے ۔ صرف خدا ھی دنیا دے گناہاں کوں چا سڳدے (٢، کرنتھیوں ٥ باب ٢١ آیت) ، مرݨا، اتے جی پووݨ اوندی موت اتے گناہ تے فتح ثابت کریندا پے
English
کیا یسوع خدا ھے ؟ کیا یسوع نے کݙاہیں دعویٰ کیتے جو او خدا ھے؟
