سوال
ابدی زندگی حاسل کیتی ونڄ سڳدی ہے؟
جواب
کلامِ مقدس ابدی زندگی دا واضع رستہ ݙکھیندے ۔ پہلے ، اساکوں اے ڄاݨݨ چاہیدے جو اساں خدا دے خلاف گناہ کیتے ، ایں واسطے سبھ نے گناہ کیتے اتے خدا دے جلال توں محروم ہن " (رومیوں ٣ باب ٢٣ آیت) ۔ اساں اوہ سبھ کم کیتے جو خدا کوں ناخوش کریندن ، جیڑھے اساکوں سزاوار بݨیندن ۔ شروع ہی توں اساݙے تمام گناہ ابدی خدا دے خلاف ہن ، صرف ابدی سزا ہی کافی ہے ۔ " کیوں جو گناہ دی مزدوری موت ہے ، پر خدا دی بخشش اساݙے خدا وند یسوع مسیح اچ زندگی ہمیشاں دی زندگی ہے " (رومیوں ٦ باب ٢٣ آیت)۔
ایندے باوجود یسوع مسیح گناہ توں پاک ہے (١۔ پطرس ٢ باب ٢٢ آیت) ، خدا دا ابدی پُتر انسان بݨیا(یوحنا ١ باب ١ اتے ١٤ آیت) اتے اساݙے گناہاں دی خاطر " مُوا" پر خدا اپݨی محبت دی خوبی اساں تے ایں ظاہر کریندے جو جݙاں اساں گنہگار ہی ہاسے تاں مسیح اساݙی خاطر مُوا " (رومیوں ٥ باب ٨ آیت) ۔یسوع مسیح نے صلیب تے جان ݙتی (یوحنا ١٩ باب ٣١ توں ٤٢ آیت) ، جیں سزا دے اساں مستحق ہاسے او انہاں نے سہی ( ٢۔ کرنتھیوں ٥ باب ٢١ آیت) ۔ ترائے ݙینہاں دے بعد او مُردیں وچوں جی پیا(١۔ کرنتھیوں ١٥ باب ١ توں ٤ آیت) ، اوں نے گناہ اتے موت تے فتح پاتی، اساݙے خداوند یسوع مسیح دے خدا اتے پیو دی حمد ہووے جئیں یسوع مسیح دے مُردیں وچوں جی پووݨ دے باعث اپݨی وݙی رحمت نال اساکوں زندہ امید واسطے نویں سروں پیدا کیتا(١۔ پطرس ١ باب ٣ آیت)۔
ایمان نال اساں واقعی اپݨے گنہاں توں کنارہ کشی اختیار کر سڳدے ہیں اتے نجات واسطے مسیح دی طرف مُڑدے ہیں (اعمال ٣ باب ١٩ آیت) ۔ اگر اساں اپݨا ایمان اوندے تے قائم کریندون اتے اوندی صلیبی موت تے یقین رکھیندوں جو اوں نے اساݙے گناہاں دی معافی واسطے ݙتی تاں اساکوں وعدہ کیتی ھوئی ابدی زندگی مل ویسے ۔" کیوں جو خدا نے دنیا نال ایجھی محبت رکھی جو اوں نے اپݨا ہکو پُتر بخش ݙتا تاں جو کوئی اوندے تے ایمان گھن آوے ہلاک نہ تھیوے بھلکہ ہمیشاں دی زندگی پاوے " (یوحنا ٣ باب ١٦ آیت) " اگر توں اپݨی زبان نال یسوع دے خداوند ہووݨ دا اقرار کرے اتے اپݨے دل نال ایمان گھن آویں جو خدا نے اونکوں مُردیں وچ جلایا تاں نجات پیسیں " (رومیوں ١٠ باب ٩ آیت) ۔ صرف ایں تے ایمان جو مسیح دا صلیب تے ختم کیتا ہویا کم ہی ابدی زندگی اچ ونڄݨ دا رستہ ہے " کیوں جو تہاکوں ایمان دے وسیلہ نال فضل ہی نال نجات مل ہے اتے اے تہاݙی طرفوں نئیں خدا دی بخشش ہے اتے نہ اعمال دے سببوں ہے تاں جو کوئی فخر نہ کرے " ( افسیوں ٢ باب ٨ توں ٩ آیت) ۔
اگر تساں یسوع مسیح کوں اپݨا نجات دھندہ قبول کرݨ چاہندے ہیوے تاں اتھاں دعا دا ہک طریقہ ہے ۔ یاد رکھو ، ایں دعا کوں پڑھن یا کہیں ٻئی دعا کوں پڑھن نال تہاکوں نجات نئیں مل سڳدی ۔ صرف مسیح تے ایمان گھن آوݨ اتے تہاکوں تہاݙے گناہاں توں نجات مل سڳدی ہے ۔ اے دعا سادہ جیہا ہک رستہ ہے ۔ خدا توں اظہار کرݨ دا جو تہاڈا ایمان ایندے تے ہے اتے اوندا شکریہ ادا کرو جو اوں نے تہاکوں نجات بخشی " خداوند" میں ڄاݨداں جو میں نے تیݙے خلاف گناہ کیتے اتے مییں سزا دا مستحق ہاں ، لیکن جیں سزا دا میں مستحق ہم یسوع مسیح نے او سزا اپݨے اُتے گھن گھدی ، بس اوندے تے ایمان گھن آوݨ نال میں معافی پا گھدی ، میں اپݨے گناہ توں کنارہ کشی اختیار کرینداں اتے اپݨا ایمان تیݙے تے رکھینداں اپݨی نجات واسطے ۔ میں شکریہ ادا کرینداں جو تہاݙے حیرت انگیز فضل اتے بخشش دا جو ابدی زندگی دا تحفہ ہے آمین"۔
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
ابدی زندگی حاسل کیتی ونڄ سڳدی ہے؟
