سوال
مسیح دی خدائی
جواب
مزید یسوع دے اپݨےآپ دے بارے خاص دعوے ، اوندے شاگرداں نے مسیح دی خدائی کوں منیا ، انہاں نے اعلان کیتا ھا جو یسوع ہی گناہ معاف کر سڳدے جو صر فخدا ہی کر سڳدے ، جیویں خدا ، جو گناہ توں بیزار ہا(اعمال ٥ باب ٣١ آیت، کلسیوں ٣ باب ١٣ آیت ، ١٣٠ زبور ٤ آیت ، یرمیا٣١ باب ٣٤ آیت) ۔ ایں چھیکڑی دعویٰ دا قریبی تعلق ہے ، یسوع نے خود آکھیا جو اوہ "زندہ اتے مُردیں دی عدالت" کریسے( ٢۔تیمتھیس ٤ باب ١ آیت) ۔ توما نے چلا کر یسوع کوں آکھیا ، " اے میݙے خداوند اے میݙے خدا" (یوحنا٢٠ باب ٢٨ آیت) ۔ پولوس یسوع کوں آکھدا ، عظیم خداوند اتے نجات دھندہ " (ططس ٢ باب ١٣ آیت) ، اتے ݙسیندا ہے جو یسوع مجسم ہووݨ توں پہلے " خدا دی صورت " اچ موجود ہا(فلیپوں ٢ باب ٥ توں ٨ آیت) ۔ عبرانیوں دا مصنف یسوع دے بارے آہدے ، اتے کلام خدا دے نال ہا اتے کلام (یسوع) خدا ہا (یوحنا ١ باب ١ آیت) کلامِ مقدس اچ یسوع دی خدائی دی تعلیم دیاں مثالاں بکثرت موجود ہن ( ڈیکھو مکاشفہ ١ باب ١٧ آیت ، ٢ باب ٨ آیت ، ٢٢ باب ١٣ آیت ، ١۔کرنتھیوں ١٠ باب ٤ آیت)
١۔ پطرس ٢ باب ٦ توں ٨ آیت ، ١٨ زبور ٢ آیت ، ٩٥ زبور ١ آیت ، ١۔ پطرس ٥ باب ٤ آیت ، عبرانیوں ١٣ باب ٢٠ آیت) ، لیکن انہاں وچوں ہک ہی کافی ہے جو اوندے شاگرداں دے مطابق مسیح دی خدائی کوں ظاہر کریندی ہے۔
یسوع کوں پراݨے عہد نامے اچ ہک منفرد خطاب یھواہ (خدا دا رسمی ناں) ݙتا ویندا ہے ۔ پراݨے عہدنامے اچ خطاب " شافی" (١٣٠ زبور ٧ آیت ، ھوسیع ١٣ باب ١٤ آیت) یسوع واسطے نویں عہدنامے اچ ورتیا ھویا (ططس ٢ باب ١٣ آیت، مکاشفہ ٥ باب ٩ آیت)۔ یسوع عمانوایل آکھویندے ("خدا اساݙے نال " متی ١ باب ) زکریاہ ١٢ باب ١٠ آیت اچ ، اے یھواہ ہے جو آہدے ، " او ایندے تے جیکوں چہیدا ہے نظر کریسن " ۔ پر نویں عہدنامے اچ اے یسوع دی مصلوبیت واسطے لاگو کیتا ڳیا (یوحنا ١٩ باب ٣٧ آیت، مکاشفہ ١ باب ٧ آیت) ۔ اگر اے یھواہ ھے جیکوں انہاں نے چہیدا ہے اتے ایندے تے نظر کیتی ہے ، اتے یسوع کوں چھیدا ڳیا اتے نظر کیتا ڳیا ، تاں ول یسوع یھواہ ہے ۔ پولوس یسعیاہ ٤٥ باب ٢٢ اتے ٢٣ آیت دی تشریح کریندا ہے جیویں یسوع کوں فلیپوں ٢ باب ١٠ اتے ١١ آیت اچ ݙسایا ڳیا مزید یسوع دا ناں دعا اچ یھواہ دے نال استعمال کیتا ڳیا " خدا پیو اتے اساݙے خداوند یسوع مسیح دی طرفوں تہاکوں فصل اتے اطمینان حاصل تھیندا رہے : (گلتیوں ١ باب ٣ آیت ، افسیوں ١ باب ٢ آیت) ۔ اے گستاخی ہوسے اگر یسوع خدا کائنی ۔ یسوع ناں یھواہ دے نال نظر آندا ہے ، جݙاں یسوع نے پبتسمہ گھدا" ناں اچ (واحد ہے پیو اتے پُتر اتے پاک روح " (متی ٢٨ باب ١٩ آیت ، ݙیکھو ٢ کرنتھیوں ١٣ باب ١٤ آیت ۔ مکاشفہ اچ یوحنا آہدے تمام مخلوق یسوع(برا ) حمد کیتی بس یسوع خلق دا حصہ نئیں ( مکاشفہ ٥ باب ١٣ آیت)۔
جیرھا کم خدا نے مکمل کیتے اوہ سبھ یسوع دی بدولت ہِن۔ یسوع صرف مُردیں وچوں زندہ نئیں تھیا(یوحنا ٥ باب ٢١ آیت، یوحنا ١١ باب ٣٨ توں ٤٤ آیت) اتے گناہاں کوں معاف کیتا (اعمال ٥ باب ٣١ آیت، اعمال ١٣ باب ٣٨ آیت) ،اوں نے کائنات کوں بݨایا اتے قائم رکھا( یوحنا ١ باب ٢ آیت ، کلسیوں ١ باب ١٦ توں ١٧ آیت) اے نقطہ اتے ٻیا وی مضبوط تھی ویندا ہے جݙاں کوئی اے خیال کرے جو یھواہ نے آکھیا جو اوں نے کلہے کائنات کوں خلق کیتا(یسعیاہ ٤٤ باب ٢٤ آیت) ۔ مزید ، مسیح اچ ایجھیاں صفتاں ہن جو صرف خدا اچ ہن : ابدیت (یوحنا ٨ باب ٥٨ آیت) ، ہر جاہ موجود ہووݨ ( متی ١٨ باب ٢٠ آیت ، متی ٢٨ باب ٢٠ آیت) ، سب کجھ ڄاݨݨ والا ( متی ١٦ باب ٢١ آیت) ، قادرِ مطلق (یوحنا ١١ باب ٣٨ توں ٤٤ آیت)۔
ہُݨ ، کوئی ہک خدا ہووݨ دا دعویٰ کریندے یا کہیں کوں بیوقف بݨیندے جو او ایں سچائی تے یقین کرے ، اتے کہیں چیز دے علاوہ مکمل طور تے ثابت تھیوے جو ایں طرح ہی ہے۔ مسیح ٻہوں سارے معجزات دے ثبوت دے نال خدا ہووݨ دا دعویٰ کریندے اتے اتھاں تک جو او مردیں وچوں جی پیا ۔ یسوع دی کجھ معجزات جیویں ، پاݨی دا معہ بݨ ونڄݨ ( یوحنا ٢ باب ٨ آیت) پاݨی تے چلݨ ( متی ١٤ باب ٢٥ آیت) ، مادی چیزاں کوں زیادہ کرݨ (یوحنا ٦ باب ١١ آیت) ، اندھے کوں شفا بینا کرݨ (یوحنا ٩ باب ٧ آیت) لنگڑیں کوں چلاوݨ (مرقس ٢ باب ٣ آیت) اتے بیماریں کوں شفا ݙیوݨ ( متی ٩ باب ٣٥ آیت) مرقس ١ باب ٤٠ توں ٤٢ آیت) اتے اتھاں تک جو مردیں کوں زندہ کرݨ ( یوحنا ١١ باب ٤٣ توں ٤٤ آیت ، لوقا ٧ باب ١١ توں ١٥ آیت مرقس ٥ باب ٣٥ آیت) مزید برآں ، مسیح خود مردیں وچوں جی پیا ، نام نہاد مرے ہوئیں توں دور اتے اُبھردے ہوئے بتیں دے قصے ، دوبارہ دے بارے اچ ݙوجھے مذاہب سنجیدگی نال بیان نئیںکریندے اتے ݙوجھے کہیں دعویٰ دی کلامِ مقدس دے مطابق تصدیق وی نئیں تھیندی ۔ ڈاکٹر ھبر دے مطابق ، اتھاں کم از کم ٻارہاں تاریخی سچائیاں ہن جنہاں کوں غیر مسیحی تنقید نگار عالم وی منیندن۔
پہلا: یسوع دی صلیبی موت
ݙوجھا: اونکوں دفنایا ڳیا ۔
تریجھا: اوندی موت شاگرداں واسطے مایوسی اتے ناامیدی دی وجہ بݨی۔
چوتھا : یسوع دی قبر کجھ ݙینہاں دے بعد( خالی پاتی ڳئی ) خالی ھئی۔
پنجواں: شاگرد یقین رکھیندے ہن جو انہاں نے زندہ یسوع کوں کئی واری ݙٹھا۔
چھیواں : اوندے بعد شاگرد شک کرݨ والیں اچ تبدیل تھی تے نڈر ایماندار بݨ ڳئے
ستواں: اے پیغام ابتدائی کلیسیا دی تبلیغ دا مرکز ہا
اَٹھواں : ایں پیغام دی تبلیغ یروشلیم اچ تھئی۔
نواں: ایں تبلیغ دے نتیجہ اچ ، کلیسیا پیدا ٹھی اتے ودھی
ݙاہواں : جی پووݨ آلے ݙینھ ، آݙت وار ، سبت کوں تبدیل کیتا (چھݨ چھݨ ) جو پہلے عبادت دا ݙینھ ہا۔
یارہواں : یعقوب ، ہک شکی ، اوں ویلے بدلیا جݙاں اوں نے یسوع کوں مُردیں وچوں جی پوندے ݙِٹھا اتے یقین کیتا ۔
ٻارہواں: پولوس ، مسیحیت دا دشمن ، اوں ویلے تبدیل تھیا جݙاں اوں نے جی پئے مسیح دے دیدار دا تجربہ کیتا۔
اگر کجھ لوک ایں فہرست دے کمیں دا انکار کریندن ، صرف کجھ ہی کوں مُردیں وچوں جی پووݨ دے ثبوت دی لوڑھ ہے اتے کلامِ کوں قائم کرݨاں : یسوع دی موت ، دفنایا ویندا ، مردیں وچ جی پووݨ اتے دوبارہ ظاہر تھیوݨ (١کرنتھیوں ١٥ باب ١ توں ٥ آیت) جݙݨ جو اتھاں کجھ نظریات بیان کیتے ڳئے اُتے ݙتی ڳئی سچائی دے بارے اچ ، صرف مُردیں وچوں جی پووݨ ہی اے بیان کریندے اتے ایہو سب دا واحد جواب ہے ۔ تنقید کرݨ والے منیندن جو شاگرداں نے دعوایٰ کیتا جو انہاں نے جی پئے یسوع کوں ݙٹھا ۔ نہ کوئی کوڑ اتے نہ ہی نظر دا فریب لوکاں کوں تبدیل کریندا ہے پر جیویں مُردیں وچوں جی پووݨ نال تھیا۔ پہلا ، اوہ کیا حاصل کر سڳدے ہن؟ مسیحیت مشہور نہ تھی سڳدی ہئی اتے ایں توں یقینی طور تے او پیسے نئیں آکھ سڳدے ہن ۔ ݙوجھا ، کُوڑے لوک چنڳے شہدایٔ نئیں بݨیندے ۔ اتھاں مُردیں وچوں جی پووݨ دے علاوہ کوئی بیان کائنی جو شاگرد اپݨے ایمان واسطے اپݨی مرضی نال ہیبت ناک موت مرݨ واسطے تیار ہن ۔ ہا! ٻہوں سارے لوک کُوڑیاں واسطے مرے کیوں جو او زندہ سمجھدن ہن جو اے مسیح ہے ، پر کوئی ایں واسطے کوئنی مریا جو او ڄاݨدے ہن او سچ کائنی۔
ایندے نتیجہ اچ: مسیح نے دعویٰ کیتا جو او یھواہ ہن ، او خدا ہن (نہ صرف " ہک خدا" پر سچا خدا) ، ایں پیروکار ( جنہاں کوں یہودیاں نے پرجوش محبت دی وجہ نال ݙرایا ہا) اوندے اتے یقین رکھیندن اتے اونکوں اینویں ہی منیندے ہن ۔ مسیح نے اپݨے خدا ہووݨ دے دعویٰ کوں ثابت کیتا معجزات دے ذریعے جیندے اچ دنیا کوں تبدیل کرݨ واسطے مردیں وچوں جی پووݨ وی شامل ہے ۔ کوئی ݙوجھا نظریہ انہاں سچائیاں کوں بیان نئیں کر سڳدا۔
English
مسیح دی خدائی
