سوال
چار روحانی قوانین کیڑھے ہِن؟
جواب
چار روحانی قوانین ہک دِڳ ہِن نجات دی خوشخبری کوں ونڈݨ دا جو جیڑھا یسوع مسیح تے ایمان گھن آوݨ نال حاصل تھیندی ھے ۔ اے ہک سادہ جیہا طریقہ ھے جو ہک اھم تعلیم کوں چار حصیاں اچ ونڈیندے۔
چار روحانی قوانین اچوں پہلا اے ھے، " خداوند تہاݙے نال پیار کریندے ، تُہاݙی حیاتی کیتے حیرت انگیز منصوبہ رکیندے" ، یوحنا ٣ باب ١٦ آیت ݙسیندی ھے ، " کیوں جو خدا دنیا نال ایجھی محبت رکھی جو اوں اپنا کلہا پُتر بخش ݙتا تاں جو کوئی وی اوں تے ایمان گھن آوے ہلاک نہ تھیوے بھلکہ ہمیشاں دی حیاتی پاوے"۔ یوحنا ١٠ باب ١٠ آیت اساکوں او وجہ ݙسیندی ھے جیں واسطے یسوع آیا ، " میں ایں واسطے آیا جو او حیاتی پاون اتے ودھ ہنڈاون" کیا کوئی اساکوں خدا دی محبت توں روکھیندے؟ کیا کوئی اساکوں تابعداری دی حیاتی گزارݨ توں روکیندا پیا ہے۔
چار روحانی قوانین اچوں ݙوجھا اے ھے ، بنی نوع انسان گناہ آلودہ تھی ڳئے اتے خدا توں جدا تھی ڳئے۔ ایندا نتیجہ اے تھیا ، جو اساں ڄاݨ نہ سڳے کہ خدا دا حیرت انگیز منصوبہ اساݙی زندگیاں کیتے کیا ہِن ۔ رومیوں ٣ باب ٢٣ آیت اساکوں گناہ اتے انجام بارے ݙسیندی ھے ، " گناہ دی مزدوری موت ھے " ۔ خدا نے اساکوں اپݨی اپݨے نال ڳانڈھا رکھݨ کیتے بݨایا۔ ایندے باوجود، انسان دنیا اچ گناہ گھن تے آوے ، اتے ایں واسطے خدا توں انج تھی ڳئے۔۔ اساں اوندے نال اپݨے رشتے کوں برباد کر ݙتے ایندے باوجود اساکوں مدِ نظر رکھیا۔ ایندا حل کیا ھے؟
چار روحانی قوانین اچ تریجھا ھے ، " خد ا دے کول اساݙے گناہ دا ہک ھی حل ھے یسوع مسیح" ۔ یسوع مسیح دے ذریعے اساں اپݨے گناہ معاف کروا سڳدوں اتے خدا دے نال ہک چنڳا رشتہ بحال کر سڳدوں ۔ رومیوں ٥ باب ٨ آیت اساکوں اے ݙسیندی ھے ، " لیکن خدا اپݨی محبت دی خوبی اساں تے اینویں ظاہر کریندے ، جو اساں جیڑھے ویلے گناہ گار ھے ھاسے تاں مسیح اساݙی خاطر مُوا" ۔١ کرنتھیوں ١٥ باب ٣ تا ٤ آیت اساکوں ݙسیندی ھے جو اساکوں کیا ڄانݨ دی لوڑھ ھے اتے اوندے اُتے یقین رکھوں تاں نجات پیسوں ، " جو مسیح کتابِ مقدس دے موجب اساݙے کیتے مُوا۔ اتے دفن تھیا اتے تریجھے ݙینھ کتابِ مقدس دے مطابق جی پیا۔ " یسوع نے یوحنا ١٤ باب ٦ آیت اچ اعلان کیتے جو صرف میں ھے نجات دا رستہ ہان ، " راہ اتے حق اتے حیاتی میں ھاں ، کوئی میݙے وسیلے دے بغیر پیئو دے کول نئیں آندا" ۔ میں کیویں نجات دے ایں حیرت انگیز تحفے کوں حاصل کر سڳدا ہاں؟ چار روحانی قوانین اچوں چوتھا ھے ، " اساکوں ضرور ایمان رکھݨا ھے جو یسوع مسیح ھی اساݙا نجات دھندہ ھے
ایں طرح نجات دا اے تحفہ اساکوں مل سڳدے اتے خدا دے حیرت انگیز منصوبے کوں اپݨی حیاتی اچ ڄاݨ سڳدے ہیں "۔ یوحنا ١ باب ١٢ آیت اساکوں ݙسیندی ھے ، " لیکن جیڑھیں وی اونکوں قبول کیتا اوں نے انہاں کوں خدا دے فرزند بݨݨ دا حق بخشیا یعنی انہاں کوں جیڑھے اوندے ناں تے ایمان گھن آندن " ۔ اعمال ١٦ باب ٣١ آیت واضع طور تے اے آہدی ھے ، " انہاں آکھیا خدا یسوع تے ایمان گھن آ ، تو اتے تیݙا گھرانہ نجاتے پیسے"۔ اساں صرف فضل ھی نجات پا سڳدوں ، صرف ایمان دے ذریعے ، جو صرف اتے صرف یسوع مسیح تے ھووے (افسیوں ٢ باب ٨ تا ٩ آیت)۔
اگر تُساں یسوع مسیح تے ایمان گھن آوݨ چہندے وے تاں او تہاݙا نجات دھندہ ھے ، ذیل ݙتے ڳئے خدا توں آکھو۔ انہاں الفاظ کوں آکھݨ نال تُساں نجات نئیں پا سڳدے لیکن مسیح تے ایمان گھن آوݨ نال پیسو جو اوں نے تہاکوں نجات بخشی ۔"خدا وند" میں ڄاݨدا اں جو میں تیݙے خلاف گناہ کیتا اتے میں سزا دا مستحق ہاں ، لیکن جئیں سزا دا میں مستحق ھم یسوع مسیح نے او سزا اپݨے اُتے گھن گھدی ، پس اوندے اُتے ایمان گھن آوݨ نال مین معافی پا گھدی ھے ۔ میں اپݨے گناہاں توں کنارہ کشی اختیار کرینداں اتے اپݨا ایمان تیݙے تے رکھینداں اپݨی نجات کیتے ۔ میں شکریہ ادا کرینداں تُہاݙے حیرت انگیز فضل اتے بخشش دا جو ابدی حیاتی دا تحفہ ھے آمین"۔
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
چار روحانی قوانین کیڑھے ہِن؟
