سوال
کیا خدا حقیقت ھے ؟ میں کیویں ڄاݨ سڳداں جو خدا حقیقت ھے؟
جواب
اساں ڄاݨدوں جو خدا حقیقت ھے کیوں جو او اپݨے آپ کوں اساں تے ترائے رستیں توں ظاہر کریندے: خلق کرݨ نال ، اپݨے کلام نال اتے اپݨے پُتر یسوع مسیح نال ۔
سبھ توں ودھ بنیادی ثبوت صرف اے ھے جو اوں جیڑھا کجھ کیتا۔ " کیوں جو اوندیاں اَݨ ݙِٹ ݙِٹھیاں صفتاں یعنی اوندی ازلی قدرت اتے الوھیت دنیا دی پیدائش دے ویلھے نال بݨائی ھوئی چیزاں دے ذریعے توں معلوم تھی تے صاف نظردین، اِتھاں تئیں جو انہاں کوں کجھ عذر باقی کائنی" (رومیوں ١ باب ٢٠ آیت)۔" اَسمان خدا دا جلال ظاہر کریندے اتے فضا اوندی دستکاری ݙکھیندی ھے " ( ١٩ زبور ١ آیت)۔
اگر میکوں کھیت وچوں ہتھ تے ٻدھݨ والی گھڑی ملدی ھے ، میں اے کائناں منیساں جو اے کتھاؤں ٻاہر توں "نمودار " تھئی ھے یا اے پہلے توں موجود ھئی ۔ گھڑے دے خاکے دی بنیاد تے ، مٰن اے اندازہ لیساں جو ایندا کوئی بݨاوݨ والا ھے۔ پر جݙاں میں وݙی کاریگری اتے دنیا دے چارے پاسوں باقاعدگی نال ݙیکھداں ۔ اساݙے ویلے دی پیمائش ہتھ تے ٻدھݨ آلی گھڑی تے منحصر نئیں ، لیکن خدا دی دستکاری لگا تار زمین دی گردش ( اتے سیزیم ١٣٣ اٹیم دی تابکاری دی خصوصیات) ۔ کائنات ہک ٻہوں وݙا خاکا ظاہر کریندی ھے، اتے اے ہک عظیم بݨاوݨ والے دی دلیل ݙیندی ھے۔
اگر میں خفیہ تحریری پیغام گھنداں ، تاں میں ضرور کہیں خفیہ تحریر پڑھݨ آلے دی مدد گھنساں۔ میݙے خیال اچ ایں پیغام کوں بھیڄݨ آلا ذہین ھے ، جئیں کہیں نے وی ایں خفیہ تحریر کوں بݨایا۔ ڈی این اے ہک کیہو جیہا پیچیدہ " کوڈ" ھے جیکوں اساں اپݨے بُت دے ھر خلیہ اچ گھن تے پِھردوں؟ کیا اے پیچیدگی اتے ڈی این اے کوڈ دا مقصد ہک ذہن مصنف دی دلیل نئیں ݙیندا؟
ھر تہذیب یقیناً چنڳے قوانین دی شروع توں قدر کریندی ھے ، جو کہ حیران کن طور تے ہک سنویں ہِن ثقافت توں ثقافت ۔ مثال دے طور تے ، مثالی پیار عالم گیر طور تے سراھا ویندا ھے ، دغا بازی دے عمل دی عالم گیر طور تے ملامت کیتی ویندی ھے ۔ اے مشترکہ ضابطہ اخلاق ایں کرۂ ارض دے چنڳے اے برے اچ اتفاق رائے ھے سب توں اعلیٰ نیک انسان کوں اساں معمولی سمجھے۔
اینویں ھی ، دنیا دے تمام لوک ، تہذیب توں بے خبر ہِن ، ہمیشاں توں عبادت دے طریقہ کار کوں سمجھدن۔ عبادت دے مقاصد بدلتے راہندن ، لیکن " عظیم طاقت" دی تمیز ناقابل انکار بنی نوع انسان کیتے ۔ اساݙی عبادت کیتے رغبت ایں واسطے ہے ھو خدا اساݙا خالق ھے " اوں نے اساکوں اپݨی صورت تے بݨایا ھے" (پیدائش ١ باب ٢٧ آیت)۔
خدا خود اپݨے آپ کوں اساں تے ظاہر کریندے اپݨے کلام دے ذریعے ، کلامِ مقدس۔ کلامِ دے شروع توں ، خدا اپݨے وجود دے بارے اچ خود سچے ثبوت پیش کریندا ھے (پیدائش ١ باب ١ آیت، خروج ٣ باب ١٤ آیت)۔ جݙاں بینجمن فرینکلن نے اپݨی سوانح عمری لھی ، اوں نے اپݨے وجود کوں ثابت کرݨ دی کوشش اچ وقت ضائع نہ کیتا۔ ایں طرحاں ، خدا نے اپݨی کتاب اچ اپݨے وجود کوں ثابت کرݨ کیتے زیادہ ویلا صرف نئیں کیا۔ کلامِ مقدس اچ حیاتی تبدیل کرݨ دی قدرت ھے ، اوندی سالمیت اتے معجزے جو ایں لکھت دے نال ہن کافی ہوسن ہک قریبی نگاہ دے جواز کیتے۔
تریجھا طریقہ جیندے نال خدا اپݨے آپ کوں ظاہر کریندے اپݨے پُتر دے ذریعے ، یسوع مسیح (یوحنا ١٤ باب ٦ توں ١١ آیت) ۔ "ابتدا اچ کلام ہا اتے کلام خدا دے نال اتے کلام خدا ھا اتے کلام مجسم تھیا اتے فضل اتے سچائی توں معمور تھی تے اساݙے درمیان رہیا" (یوحنا ١ باب ١ اتے ١٤ آیت)۔ یسوع مسیح اچ " کیوں جو الوھیت دی ساری معموری ایندے وچ ہی مجسم تھی سکونت کریندی ھے " (کلسیوں ٢ باب ٩ آیت)۔
یسوع دی حیران کن زندگی اچ ، اوں نے پُراݨے عہد نامے دے قوانین کوں مکمل طور تے پورا کیتا اتے مسیحا دے بارے اچ جو پیشین گوئیاں ہن او پوریاں تھیاں (متی ٥ باب ١٧ آیت) ۔ اوں نے بیشمار خدا پرستی دے کم کیتے اتے عوامی معجزات اوندے پیغام دی صداقت کوں ثاقبت کریندن ۔ اتے اوندی خدائی دے گواہ ہِن (یوحنا ٢١ باب ٢٤ توں ٢٥ ) ول ، اوندے مصلوب ھووݨ دے ترائے ݙینھ بعد ، او مرداں وچوں جی پیا، ایں حقیقت دے سینکڑاں چشم دید گواہ ہِن (١ ۔کرنتھیوں ١٥ باب ٦ آیت)۔ تاریخی "ثبوت" کثرت نال قلمبند کیتے ڳئے ہِن جو یسوع کون ھے ۔ پولوس آہدے ، " اے ماجرا کہیں چُنڈ اچ نئیں تھیا" (اعمال ٢٦ باب ٢٦ آیت)۔
اساں محسوس کریندوں جو اِتھاں ہمیشاں ہی توں بے اعتقاد لوک موجود ہن جو اپݨے ذاتی خیال خدا دے بارے اچ رکھیندن جݙن جو ثبوت کوں وی پڑھدن ، اتے اِتھاں کجھ ایجھے وی ہِن جو ثبوت دے بغیر ھی قائل تھی ویسن (١٤ زبور ١ آیت) ۔ اے سبھ ایمان دی وجہ نال تھیندا ھے (عبرانیوں ١١ باب ٦ آیت)۔
English
کیا خدا حقیقت ھے ؟ میں کیویں ڄاݨ سڳداں جو خدا حقیقت ھے؟
