سوال
میں صرف یسوع تے ہی ایمان رکھینداں ... ہُݨ کیا؟
جواب
میں صرف یسوع تے ہی ایمان رکھینداں ... ہُݨ کیا؟
مبارک ہووے تُساں زندگی تبدیل کرݨ دا فیصلہ کیتے شاید تُساں آہدے پئے ھوو، " ہُݨ کیا؟ میں خدا دے نال اپݨا سفر کیویں شروع کراں؟ تلے ݙتے ڳئے پنج طریقے تہاکوں بائبل نال ہدایت ݙیسن ۔ جݙاں وی زندگی دے ایں سفر کوں وزٹ کرو۔ میں تہاݙے کول سوالات ہاں ، برائے مہابانی www.GotQuestions.org/Saraikiوزٹ کرو.
یقین کرو جو تُساں نجات کوں سمجھدے ہاؤ۔
پہلا یوحنا ٥ باب ١٣ بآیت اساکوں ݙسیندی ہے ، " میں تہاکون جو خدا دے پُتر تے ایمان گھن آندے ہو اے ڳالھیں ایں واسطے لکھین جو تہاکوں پتہ ہووے جو ہمیشاں دی زندگی رکھیندے ہیوے " خدا چاہندا ھے جو اساں نجات دے خاص نقاط تے غور کروں :
١۔ ایں واسطے دے سبھ نے گناہ کیتا ، اساں سبھنائیں اوہ کم کیتن جو خدا کوں ناخوش کریندن ( رومیوں ٣ باب ٢٣ آیت)
ب۔ اساݙے گناہ دی وجہ نال ، اساں خدا توں ابدی علیحدگی دے حقدار ہیں (رومیوں ٦ باب ٢٣ آیت)۔
پ۔ یسوں نے اساݙی جاہ جان قربان کر کے گناہاں دا کفارہ ادا کیتا۔ ( رومیوں ٥ باب ٨ آیت ، ٢ ۔ کرنتھیوں ٥ باب ٢١ آیت) یسوع اساݙی جاہ جان ݙتی ، ایں سزا کوں اپݨے اُتے گھن گھدا جیندے اساں حقدار ہاسے ۔ اوندا مُردیں وچوں جی پووݨ ثابت کریندے جو یسوع دی موت اساݙے گناہاں دے کفارہ کیتے کافی ھئی۔
ت۔ خدا معافی اتے نجات بخشیندے انہاں تمام کوں جو یسوع تے اپݨا ایمان رکھیندن یقین رکھو جو اوندی موتی اساݙے گناہاں دی قیمت ھے (یوحنا ٣ باب ١٦ آیت ، رومیوں ٥ باب ١ آیت ، رومیوں ٨ باب ١ آیت) ۔
اے نجات دا سنیہا ھے اگر تساں یسوع مسیح تے اپݨا ایمان رکھیندے ہاؤ او تہاݙا نجات دھندہ ھے تاں تُساں نجات پا گھدی ، تہاݙے سبھ گناہ معاف تھی ویسن اتے خدا وعدہ کریندے جو او کݙاہیں تہاکون کائناں چھوڑیسے اتے نہ کݙاہیں فراموش کریسے ( رومیوں ٨ باب ٣٨ توں ٣٩ آیت، متی ٢٨ باب ٢٠ آیت) یاد رکھو جو تہاݙی نجات یسوع مسیح اچ محفوظ ھے ( یوحنا ١٠ باب ٢٨ توں ٢٩ آیت) ۔ اگر تُساں یقین رکھیندے ہاؤ جو یسوع کلہا ہی تہاݙا نجات دھندہ ھے ، تُساں اعتماد کر سڳدو جو تُساں ہمیشاں دی زندگی خدا دے نال اَسمان تے گزریسو۔
ہک چنڳی کلیساء لبھو جو بائبل دی تعلیم ݙیندی ھووے۔
اے نہ سوچو جو گرجا گھر ہک عمارت ھے ۔ گرجا گھر لوک ہِن ۔ اے ٻہوں ضروری ھے جو یسوع مسیح تے ایمان رکھݨآلے ہک ݙوجھے دے نال رفاقت رکھن ، ایہا گرجا گھر دا ہک ہک بنیادی مقصد ھے ۔ ہُݨ یسوع مسیح تے اپݨے ایمان رکھ چکے ہِن ، اساں مضبوطی نال تہاکوں حوصلہ افزائی کریندوں جو اپݨے علاقے اچ کلام مقدس تے یقین رکھݨ آلا گرجا گھر لبھو ، اتے پادری نال ڳالھ مہاڑ کرو ۔ اونکوں یسوع مسیح تے اپݨے نویں ایمان دے بارے ݙسو۔
گرجا گھر دا ہک ݙوجھا مقصد ھے جو کلامِ مقدس دی تعلیم ݙیوے ، تُساں ڄاݨ سڳدو جو کیویں تُساں خداوند دے احکامات کوں اپݨی حیاتی اچ لاگو کرݨا ھے ۔ کلامِ مقدس کوں سمجھݨا ہی ہک کامیاب اتے طاقتور مسیح زندگی گزاراݨ دی کنجی ھے ۔ ٢ تیمتھُس ٣ باب ١٦ توں ١٧ آیت اچ آکھیا ڳیا ھے ، " ہر ہک صحیفہ جو خدا دے الہام نال ھے تعلیم اتے الزام اتے اصلاح اتے راستبازی اچ تربیت کرݨ واسطے فائدہ مند وی ھے ۔ تاں جو مردِ خدا کامل بݨݨ اتے ہر ہک نیک کم واسطے بالکل تیار تھی ونڄے۔"
گرجا گھر دا ہک تریجھا مقصد ھے عبادت ، عبادت اچ خدا اساݙے جو سب کجھ کیتا ھے اُوندا شکریہ ادا کیتا ویندا ہے ۔ خداوند نے اساکوں نجات ݙتی ھے ۔ خداوند اساݙے نال پیار کریندا ھے ۔ خداوند اساکوں مہیا کریندے ۔ خداوند اساݙی راہنمائی اتے ہدایت کریندے ۔ ول کیویں اساں اوندی شکر گزاری نہ کروں؟ کداوند پاک ھے ، صادق ھے ، محبت کرݨ آلا ھے ، رحم دل اتے فضل نال بھرا ہے ۔ مکاشفہ ١١ باب ١٤ آیت اعلان کریندی ھے ، " اے اساݙے خداوند اتے خدا تو ہی تمجید اتے عزت اتے قدرت دے لائق ہے کیوں جو تو ں ہی سبھے چیزاں پیدا کیتن اتے او تیݙی ھی مرضی نال ہن اتے پیدا تھئن"۔
خداوند نال عبادت کرݨ واسطے الگ توں ہر روز ویلا کݙھو۔
اے اساݙے واسطے ٻہوں ضروی ھے جو ہر ݙینھ دے وقت گزارݨ دا مرکزی نقطہ خداوند ہووے ۔ کجھ لوک اینکوں "خاموشی دا ویلا" آہدن ۔ ݙوجھے اینکوں "عبادت" آہدن ، کیوں جو اے او ویلا ھوندے جݙاں اساں اپݨے آپ کوں خداوند دے حوالے کر ݙیندوں ۔کجھ سویل کون وقت کݙھݨ کوں ترجیح ݙیندن ، جݙݨ جو ݙوجھے شام دے ویلے کوں ترجیح ݙیندن ۔ ایندا اے مطلب نئیں جو تُساں اوں وقت کو کیا آہدے ہیوے یا کیڑھے ویلے تُساں اینویں کریندو ۔ کجھ وی ھووے تُہاکوں چہیدے جو تُساں حسبِ معمول خداوند دے نال وقت گزارو ، کیڑھے ویلے ، اساں خداوند دے نال چنڳا ویلا گزریندوں؟
١۔ دعا ، دعا اچ سادگی نال خدا دے نال ڳالھ مہاڑ کیتی ویندی ھے ، خداوند دے نال ڳالھ مہاڑ کرو اپݨے تعلقات دی اتے مشکلات دی ۔ خداوند کوں آکھوجو او تہاکوں حکمت ݙیوے اتے راہنمائی کرے ۔ خداوند کوں آکھو جو او تہاݙیاں لوڑھاں مہیا کرو ۔ خداوند کوں ݙساؤ جو تُساں اوندے نال کتنا پیار کریندے ھیوے اتے اوندی کتنی قدر کریندے ھیوے جو خداوند نے تہاݙے واسطے کیتا ھے ۔ ایہا اساݙی دعا ھووݨی چاہیدی اے۔
ب۔ کتاب ، مقدس کوں پڑھن ، کتابِ مقدس کوں گرجا گھر اچ مزید شوق نال سکھو ، اتوار کوں سکول ، یا کلامݨ مقدس دے مطالعہ نال تہاکوں اپݨی چنڳائی واسطے کلامِ مقدس پڑھدے راہݨا چاہیدے ۔ کلامِ مقدس اچ او تمام چیزاں شامل ہن جو ہک کامیاب مسیح حیاتی گزارݨ واسطے ضروری ہِن ۔ ایندے وچ خداوند دی راہںمائی شامل ہے جو کیویں تُساں چنڳے فیصلے گھن سڳدے ھیوے ، تُساں کیویں خداوند دی مرضی کوں ڄاݨ سڳدے ہیوے ، ݙوجھیں دی راہنمائی کیویں کر سڳدے ہیوے اتے روحانی طور تے کیویں ترقی کر سڳدے ہیوے ۔ کتابِ مقدس اساݙے واسطے خدا دا کلام ھے ۔ کتاب مقدس خداوند دی ٻہوں ضروری ھدایات دی کتاب ھے ۔جیندے ذریعے اساں ڄاݨدوں جو کیڑھے رستے تے اساں اپݨی زندگی گزاروں جیں توں خداوند خوش تھیوے اتے اساں تسلی پاووں۔
ایجھے لوکاں نال تعلقات ودھاؤ جو تہاݙی روحانی ترقی اچ مدد کر سڳن۔
پہلا کرنتھیوں ١٥ باب ٣٣ آیت اساکون ݙسیندی ھے ، فریب نہ کھاوو : بری صحبتاں چنڳیاں عادتاں کوں وڳاڑ ݙیندن " کلامِ مقدس تنبیہات توں بھرا پیا ھے جو "بُرے " لوکاں دے اخلا اثر دے بارے اچ ھے ، جو او اساݙے اُتے رکھیندن ، انہاں لوکاں دے نال وقت گزارݨ جو گناہ نال بھری ہوئی حرکات اچ مصروف ہِن ، اساکوں وی گناہ توں بھری ھوئی حرکتاں کرݨ تے مجبور کریسن ۔ ایجھے لوکاں دا کردار جو اساݙے آسے پاسے ہِن اساݙے کردار تے " حاوی " تھی ونڄن ، ایں واسطے اے ٻہوں ضروری ھے جو اساں اپݨے اُتے آپ دا احاطہ کروں ݙوجھے لوکاں دے نال جو خدانال پیار کریندن اتے اوندے نال مخلص ہن۔
کوشش کرو ہک یا ݙو دوست لبھݨ دی ، شاید او تہاݙے گرجا گھر توں ہوون ، جو تہاݙی مدد کرن اتے حوصلہ افزائی کرن ( عبرانیوں ٣ باب ١٣ آیت ، ١٠ باب ٢٤ آیت) ۔ اپݨے دوستاں کوں آکھو جو او تنہائی اچ وی ذمہ داری دے نال تہاݙی حرکتاں اتے تہاݙے خدا دے نال زندگی گزارݨ تے نگاہ رکھن ۔ جو اگر تساں اینویں کریندے ھیوے تاں میں وی تہاݙے واسطے اینویں ہی کریساں ۔ ایندا اے مطلب نئیں جو تُساں اپݨے ایجھے تمام دوستاں کوں چھوڑ ݙیو جو خداوند یسوع مسیح کوں اپݨا نجات دھندہ نئیں منیندے ، مستقل مزاجی نال انہاں دے دوست رہو اتے انہاں نال پیار کرو۔ سادگی نال انہاں کوں ڄاݨݨ ݙیو جو یسوع نے تہاݙی زندگی کوں تبدیل کر ݙتے اتے ہُݨ تساں اوہے کم کریسو جیندے تُساں عادی ھاوے۔ خداوند کوں آکھو جو او تہاکوں موقع ݙیوے جو تُساں اپݨے دوستاں نال یسوع دے بارے اچ ڳالھ مہاڑ کر سڳو۔
بپتسمہ یافتہ ھووݨ۔
ٻہوں سارے لوک بپتسمے دے بارے اچ غلط فہمی دا شکار ہن ، لفظ " بپتسمہ" دا مطلب ھے جو پاݨی اچ ٹُٻی ݙیوݨ ، بپتسمہ کلامِ مقدس دے راستے لوکاں اچ تہاݙے مسیح تے نویں ایمان دا اعلان کریندا ھے اتے تُساں یسوع مسیح دی پیروی کریسو۔ پاݨی اچ ٻُڈے ونڄݨ دا عمل ظاہر کریندے جو تُساں مسیح دے نال دفن تھئے ھیوے ۔ پاݨی نال ٻاہر آون دا عمل مسیح دے مُردیں وچوں جی پووݨ دی تصویر ݙکھیندا ھے ۔ بپتسمہ گھندے ہوئے اساں یسوع دے نال مرݨ ، دفن ھووݨ اتے مُردیں وچوں جی پووݨ دا اظہار کریندن (رومیوں ٦ باب ٣ توں ٤ آیت)۔
بپتسمہ تہاکوں نجات نئیں ݙے سڳدا۔ بپتسمہ تہاݙے گناہاں کوں دھو نئیں سڳدا ۔ بپتسمہ صرف تابعدار دی طرف ہک قدم ، لوکاں اے اے اعلان تھی ویندا ھے جو نجات واسطے تُہاݙا ایمان صرف مسیح تے ہے ۔ بپتسمہ ضروری ھے کیوں جو اے تابعداری دے پاسے ہک قدم ہے ، اے لوکاں اچ مسیح تے ایمان دا اعلان ہے اتے ایندے نال ہک عہد ھے ۔ اگر تُساں بپتسمہ گھنݨ واسطے تیار ، تہاکوں چاہیدے جو تُساں اپݨے پادری نال ڳالھ کرو
English
میں صرف یسوع تے ہی ایمان رکھینداں ، ہُݨ کیا؟
