سوال
میڈے واسطے کیڈا مذہب درست ھے؟
جواب
چٹ پٹے کھاݨے بݨاوݨ والے ریسٹورانٹ اساکوں اساݙی اپݨی پسند دے مطابق کھاݨے دی ترغیب ݙیندن۔ کجھ تیار شدہ کافی دیاں دکاناں وݙے فخر نال سینکڑاں طرحاویں دے مختلف ذائقے اتے انج قسم دی کافی رکھیندن ۔ جݙݨ جو مکاناں اتے کاراں دی خریداری کیتی ونڄے، اساں اوں ہک دا انتخاب کرݨ واسطے ہر طرحاں نال اوندی خصوصیات کوں ݙیکھ سڳدوں جو اساکوں چہیدے ، اساں چاکلیٹ ، ونیلا تے سٹرابری دی ایں دنیا اچ ٻہوں دیر تک زندہ نئیں راہندے ۔ پسند ہک حاکم ھے تُساں اپݨی ذاتی پسند اتے ضروریات دے مطابق ہر چیز حاصل کر سڳدوں۔
بس مذہب دے بارے اچ کیا جو صرف تساں تہاݙے واسطے درست ہے؟ ایجھا کوئی مذہب ھے جو پچھتاوے توں پاک ہیوے، کوئی مطالبات نہ کرے ، ٻہوں زیادہ تکلیف دہ اتے روک ٹوک دے قوانین نہ ہوون۔ اے اساݙے آسوں پاسوں موجود ہن ، جیویں جو میں پہلے ݙسا چکا ہاں ، پر کیا مذہب اینویں ہی ہے جیویں اپݨی پسندیدہ آئسکریم دا انتخاب کرݨا۔
اساݙے آسوں پاسوں ٻہوں آوازاں ہن جو اساݙی توجہ حاصل کرݨا چاہندن تاں ول کیوں کوئی یسوع کوں ہی بالاتر ڄاݨے، جیویں ، محمد یا کنفوشس، گوتم ٻدھ یا چارلیس تزہ رسل یا جوزف سمتہ؟ آخر کار ، اے تمام راہاں آسمان دیاں نئیں جیڑھیاں گھن تے ونڄو؟ کیا تمام مذہب بنیادی طور تے ہکو سنویں کائنی؟ سچائی اے ہے جو تمام مذاہب اَسمان آلے پاسے نئیں گھندے ویندے جیویں تمام سڑکاں انڈیا نئیں ویندیاں۔
صرف یسوع ہی خدا دے اختیار نال آہدن کیوں جو صرف یسوع نے موت تے فتح پاتی ، جݙݨ جو گوتم ٻدھ کنفوشس اتے ݙوجھے پہلے ݙینھ توں ہی اپݨی قبراں اچ سڑ ڳئے۔ پر یسوع ، اپݨی طاقت دے زور تے ، رومیوں دے ہتھوں بے رحم صلیبی موت دے ترائے ڈینھ بعد قبر توں ٻاہر آڳئے۔ جیڑھا کوئی اپݨی طاقت دے زور تے موت تے فتح پاوے او اساݙی توجہ حاصل کر گھندا ھے۔ جو کوئی اپݨی طاقت دے زور تے موت تے فتح پاوے ضروری ہے جو اوندی ڳالھ سُݨی ونڄے۔
یسوع دا مُردیں وچوں جی پووݨ ٻہوں زبردست ثبوت ھے ، پہلا ، یسوع دے دوبارہ جی پووݨ دے پنج سو توں ودھ عینی شاہد ہن اے گواہاں دی ہک ٻہوں وݙی تعداد ھے ، پنج سو آوازاں کوں نظر انداز نئیں کیتا ونڄ سڳدا۔ اُتھاں نال ہی خالی قبر وی ہک ثبوت ہے؟ یسوع دے مخالفین اوندے مُردیں وچوں جی پووݨ دی ڳالھ مہاڑ کوں آسانی نال روک سڳدن اوندے مردہ بُت کوں منظرِ عام تے گھن آتے ، فانی جسم پر انہاں کوں اتھاں کوئی مردہ جسم نہ ملیا قبر خالی ھئی کیا رسولاں دے اوندا بُت چوری کر گھدا؟ ٻہوں اوکھا ہے ۔ ایں طرحاں دے حادثاتی واقع توں بچݨ کیتے ، یسوع دی قبر تے مسؒح سپاہیاں دا بھارے پہرہ لڳیا ہویا ھا۔ اوندے قریبی شاگرداں تے نگاہ کروں تاں اوندے گرفتار ہووݨ اتے مصلوب ہووݨ دی وجہ توں بھڄ ڳئے ہن ، اے ناممکن ہے او ابتر اتے خوف زندہ ماہی گیراں دا گروہ تربیت یافتہ اتے پیشہ وار سپاہیاں دے نال لڑݨ واسطے چلے ڳئے ہوون ، سادہ جہی حقیقت اے ہے جو یسوع دا مردیں وچوں جی پووݨ الگ توں سمجھایا نئیں ونڄ سڳدا۔
دوبارہ جیرھا کوئی اپݨی طاقت دے زور تے موت تے فتح پاوے مستحق ہے جو سُݨیا ونڄے۔ یسوع نے اپݨی طاقت موت تے ثابت کیتی ، ایں واسطے ، اساکوں سُݨݨ دی لوڑھ ھے جو او کیا آہدا ھے۔ یسوع اعلان کریندے جو اوہو نجات دا واحد رستہ ہے(یوحنا ١٤ باب ٦ آیت) ۔ او ہک راہ نئیں ، او ٻہوں رستیاں اچوں ہک کائنی ، پر یسوع ہی ہکو رستہ ہے۔
ٻیا وی یسوع فرمیندا ھے ، " اے محنت اُٹھݨ والیں اتے بوجہ نال دبے ہوئے لوکو ، سبھے میݙے کول آؤ ۔ میں تہاکوں آرام ݙیساں " (متی ١١ باب ٢٨ آیت)۔ دنیا ظالم ہے اتے زندگی اوکھی ہے ۔ اساں وچوں سبھ لہولہان ، پھٹیڑو اتے لڑائی نال داغ دار ہِن ۔ تُساں متفق ہیوے؟ ول تساں کیا چاہندے ہیوے؟ بجلی یا صرف مذہب؟ ہک زندہ نجات دھندہ یا ٻہوں مرے ہوءے " نبیاں" وچوں ہک؟ ہک بامعنی رشتہ یا ہک فاقی تعلق؟ یسوع ہک پسند نئیں یسوع ہی پسند ھے۔
یسوع راست ہے " مذہب" اگر تُساں معافی دے طلبگار ہیوے( اعمال ١٠ باب ٤٣) ۔ یسوع راست ہے " مذہب" اگر تُساں خدا دے نال ہک بامعنی رشتہ رکھݨ چاہندے ہیوے( یوحنا ١٠ باب ١٠ آیت) ۔ یسوع راستہ ہے " مذہب" اگر تُسان اَسمان تے ابدی گھر چاہندے ہیوے (یوحنا ٣ باب ١٦ آیت) ۔ یسوع مسیح تے ایمان رکھو جو او تہاݙا نجات دھندہ ہے تہاکوں پچتھاوا کائناں تھیسے اپݨے گناہیں دی معافی واسطے ایندے اُتے یقین کرو تہاکوں مایوسی کائنا تھیسے۔
اگر تُساں خدا دے نال ہک "چنڳا ڳانڈھا" رکھݨ چاہندے ہیوے ،اِتھاں ہک سادہ جہی دعا ہے ، یاد رکھو ، ایں دعا کوں پڑھن یا کوئی ٻئی دعا کوں پڑھن نال تہاکون نجات نئیں مل سڳدی ۔ صرف مسیح تے ایمان گھن آوے او تہاکوں تہاݙے گناہاں توں نجات مل سڳدی ہے ۔ اے دعا سادہ جیہا ہک رستہ ہے خدا توں اظہار کرݨ دا جو تہاݙا ایمان اوندے اتے ہیوے اتے اوندا شکریہ ادا کرو جو اوں نے تہاکوں نجات بخشی ۔ "خداوند" میں ڄاݨداں ہاں جو میں تیݙے خلاف گناہ کیتے اتے میں سزا دا مستحق ہاں ۔ پر جیڑھی سزا دا میں مستحق ہم یسوع میسح او سزا اپݨے اُتے گھن گھدی۔ بس اوندے اتے ایمان گھن آوݨ نال میں معافی پا گھدی ھے میں اپݨے گناہاں توں کنارہ کشی اختیار کریندا اتے اپݨا ایمان تیݙے تے رکھینداں اپݨی نجات واسطے میں شکریہ ادا کرینداں تہاݙے حیرت انگیز فضل اتے بخشش دا جو ابدی زندگی دا تحفہ ہے۔ آمین"
تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں
English
میڈے واسطے کیڈا مذہب درست ھے؟
