settings icon
share icon
سوال

کیوں خودکشی نہ کروں

جواب


میݙا دل انہاں دے پاسے ویندے جو اے سوچ رکھیندن جو کیوں نہ اپݨی زندگیاں خود کشی دے ذریعے ختم کر ݙیوں ۔ اگر تُساں اوں ویلے ایجھے ہیوے ، ممکن ہے جو اے جذبات نال پُرگفتگو ہیوے ، جیویں ناامیدی دا احساس اتے مایوسی۔ ممکن ہے جو تساں محسوس کرو جو تساں ہک جِھکے کھݙے اچ ہیوے اتے تساں شک کرو جو اتھاں کوئی امید دی کرن ہے جیندے نال سبھ چنڳا تھی سڳدے ۔ کوئی وی تہاݙی پرواہ نئیں کریندا جو تُساں کتھوں آندے پئے ہیوے ۔ زندگی جیوݨ دے قابل نئیں، یا ھے؟

ٻہوں سارے لوکاں نے کئی واری جذبات دی وجہ نال کمزوری دا تجربہ کیا ہوسے۔ میݙے ذہن اچ سوال آندن جݙاں جذبات دے کھݙے اچ ہا " جو اے کݙاہیں خدا دی مرضی ھئی ، جیں میکوں بݨایا؟" کیا میݙی مدد واسطے خدا ٻہوں چھوٹا ہے؟" کیا میݙی مشکلات اوں واسطے ٻہوں وݙیاں ہِن؟"

میں تہاکوں ݙساوݨ واسطے خوش ہاں جو اگر کجھ لمحات واسطے غور کروں اتے خدا کوں اجازت ݙیوں جو او ہُݨیں نال تہاݙی زندگی اچ خدا ہے ، او ثابت کریسے جو اوہ حقیقت اچ کتنا وݙا ھے " کیوں جو قول خدا دی طرف توں ہے او ہرگز بے تاثیر نہ ہوسے" (لوقا ١ باب ٣٧ آیت) ۔ شاید بے حد ناپسندیدگی اتے دستبرادری ماضی دے زخماں دا نتیجہ ہے۔ جیڑھی تہاݙی خود ترسی ، کاوڑ ، عداوت ، انتقام دی وجہ بݨدی ہے ۔ تاہم ، خود کشی اساݙے پیاریں اتے جنہاں کوں جذباتی طور تے کݙاہیں نقصان وی پُڄاوݨ وی نئیں چاہندے انہاں واسطے تباہی اتے بربادی گھن آندی ہے جو اساں اپݨی حیاتی کوں انہاں دی بقایا زندگی توں ختم کر ݙیندے ہیں۔

تساں کیوں خود کشی نیوہے کریندے ؟ دوست ،کوئی مسئلہ نئیں جو تہاݙی زندگی اچ کیجھی بری چیزاں ہن ، اتھاں محبت دا خدا ہے جو انتظار کریندا ہے جو تساں اونکوں اجازت ݙیو جو او مایوسی دی غار اچ ہک سرے توں ݙوجھے سرے تک تہاݙی راہنمائی کرے اتے اپݨی انوکھی روشنی اچ ٻاہر کݙھے ۔ او تہاݙی یقینی امید ہے ۔ اوندا ناں یسوع ھے ۔

اے یسوع خدا دا بے عیب پُتر ھے ، شناخت کرویندا جݙاں تساں ذلت اتے ناپسندیدگی دے وقت ہوندے ہیوے ۔ یسعیاہ نبی لکھدن، " پر او اوندے اگوں کونپل دی طرح اتے خش زمین نال جڑ دی مانند پُھٹ پیا ہے ۔ نہ اوندی کوئی شکل و صورت ھے نہ خوبصورتی اتے جݙاں اساں اوندے تے نگاہ کروں تاں کجھ حسن و جمال نئیں ، جو اساں اوندے مشتاق ہیسے ، او آدمیاں اچ حقیرو مردود ، مردِ غمناک اتے رنج دا آشنا ہا ۔ لوک اوں توں گویا روپوش ہن اوندی تحقیر کیتی ڳئ اتے اساں اوندی کجھ قدر نہ ڄاݨی ۔ تاں وی اوں اساݙی مشفتاں چاتیاں اتے اساݙے غماں کوں برداشت کیتا ۔ پر اساں اونکوں خدا دا ماریا کٹیا اتے ستایا ہویا سمجھا۔ حالانکہ اساݙی خطاواں دے سببوں گھائل کیتا ڳیا اتے اساݙی بدکردار دے باعث کچلا ڳیا ۔ اساݙی ہی سلامتی واسطے اوندے اتے سیاست تھئی تاں اوندے مار کھاوݨ نال اساں شفا پاووں ۔ اساں سبھ بھیݙاں دی طرحاں بھٹک ڳئے۔ اساں وچوں ہر ہک اپݨی راہ کوں بھریا تے خداوند نے اساں ساریں دی بدکرداری اوندے تے سٹ ݙتی۔" (یسعیاہ ٥٣ باب ٢ باب ٦ آیت)۔

دوست، یسوع نے اے سبھ ایں واسطے برداشت کیتا جو تساں اپݨے سب گناہاں دی معافی حاصل کر سڳو جتنا وی گناہ دا ٻوجھ تُساں اپݨے نال گھدی پھردے ہیوے ، ڄاݨو جو او تہاکوں معاف کریندا ہے اگر تساں خاکساری نال اوں توں توبہ کریندے ہیوے(اپݨے گناہاں توں کنارہ کر کے خدا دی طرف آؤ ) " اتے مصیبت دے ݙینھ میں توں فریاد کرو ۔ میں تہاکوں چھڑا گھنساں اتے تو میݙی تمجید کریسیں (٥٠ زبور ١٥ آیت) ۔ تساں جیڑھا کجھ وی ٻہوں برا کیتے او یسوع دے ناں تے معاف کریندے ۔ کلام مقدس اچ اوندے چُݨے ہوئے خادماں نے بھاری گناہ کیتے جیویں قتل ( موسیٰ ) ، زناکاری ( داؤد بادشاہ) اتے جسمانی اتے جذباتی بدسلوکی (پولوس رسول) تاھم انہاں نے معافی پاتی اتے میں خدا کثرت نال زندگی پاتی ۔" میڈی بدی کوں میݙے نال دھو سٹ اتے میݙے گناہ نال میکوں پاک کر " (٥١ زبور ٢ آیت)۔

"ایں واسطے اگر کوئی مسیح اچ ھے تاں او نویں مخلوق ھے ۔پراݨی چیزاں ویندیاں راہندن ۔ݙیکھو او نویاں ہوسن" (٢ کرنتھیوں ٥ باب ١٧ آیت)۔تہاکوں کیوں خود کشی نئیں کرݨی چاہیدی ؟ دوست ، دا ترٹے ہوئے کوں ول تیار کرݨ واسطے موجود ہوندا ھے ، یقینی ، زندگی جو تساں رکھیندے ہیوے ، جو تساں خود کشی دے ذریعے ختم کرݨا چاہندے ہیوے ، یسعیاہ نبی آہدن : "خداوند خدا دی روح میݙے تے ھے کیوں جو اوں میکوں مسح کیتا جو حلیموں کوں خوشخبری سُݨاواں ۔ اوں نے میکوں بھیڄا جو شکستہ دلاں کوں تسلی ݙیواں ۔ قیدیاں واسطے رہائی اتے اسیراں واسطے آزادی دا اعلان کراں۔ تاں جو خداوند دے سال مقبول دا اتے اپݨے خدا دے انتقام دے ݙینھ دا اشتہار ݙیوان اتے سب غمگیناں کوں دلاسا ݙیواں ۔ صیئون دے غمزدیاں واسطے اے مقرر کراں جو انہان کوں سُوا دے بدلے سہرا اتے ماتم دی جاہ خوشی دا روغن اتے اداسی دے بدلے ستائش دا خلعت بخشاں تاں جو او صداقت دے درخت اتے خدا وند دے لاتے ہوئے کھلن جو اوندا جلال ظاہر تھیوے " (یسعیاہ ٦١ باب ١ توں ٣ آیت)

یسوع دے کول آؤ اتے اونکوں اجازت ݙیو جو اوہ تہاݙی خوشی اتے فائدہ مندی کوں دوبارہ بحال کرے جیویں ہی تساں اوندے تے اعتماد کریندے ہیوے جو او تہاݙی زندگی اچ ہک نواں کم شروع کرے ۔" اپݨی نجات دی شادمانی میݙے تے عنایت کر اتے مستعد روح نال میکوں سنبھال ، اے خداوند میݙے ہونٹاں کوں کھول ݙے تاں میݙے منہ نال تیݙی ستائش نکلسے کیوں جو قربانی اچ تیݙی خوشنوی کائنی نتاں میں ݙیندا ۔ سو ختنی قربانی نال جو تیکوں خوشی کائنی شکستہ روح خدا دی قربانی ہے ۔ اے خدا تو شکستہ اتے خستہ دل کوں حقیر نہ ڄاݨسیں" (٥١ زبور ١٢ آیت ، ١٥ توں ١٧ آیت) ۔

کیا تساں خدا کوں اپݨا نجات دھندہ اتے آڄڑی قبول کریسو؟ او تہاݙے خیالاں اتے قدماں دی راہنمائی کریسے ، ہر ݙینھ ہر ویلے اپݨے کلام دے ذریعے ، کلام مقدس۔ " میں تیکوں تعلیم ݙیساں اتے جیڑھی راہ تے تیکوں چلݨا ہوسے تیکوں ݙسیساں ۔ مٰں تیکوں صلاح ݙیساں ۔ میݙی نظر تیݙے تے ہوسے" (٣٢ زبور ٨ آیت) ۔" اتے تیݙے زمانہ اچ امن ہوسے ، نجات و حکمت دی فراوانی ہوسے ۔ خدا وند دا خوف اوندا خزانہ ہے" (یسعیاہ ٣٣ باب ٦ آیت)۔ مسیح اچ ، ہُݨ وی تساں جدوجہد کریسو، لیکن ہُݨ تہاݙے کول امید ہے ، او ہے " پر ایجھا دوست وی ھے جو بھرا توں زیادہ محبت رکھیندا ہے" (امثال ١٨ باب ٢٤ آیت) ۔ تہاݙے فیصلہ کرݨ دے ویلے خداوند یسوع دا فضل تہاݙے نال ھووے۔

اگر تساں یسوع مسیح کوں اپݨا نجات دھندہ ہووݨ تے یقین کرن چاہندے ہیوے ، اے الفاظ اپݨے دل اچ خدا نال ٻولو۔ " اے خداوند ، میکوں زندگی اچ تہاݙی لوڑھ ہے ۔ میں جو کجھ کیتے مہربانی کر کے میکوں معاف کر ݙیو ۔ میں یسوع تے ایمان رکھینداں اتے یقین رکھینداں جو او میݙا نجات دھندہ ہے ۔ برائے مہربانی میکوں پاک و صاف کرو ، میکوں شفا ݙیو اتے میݙی زندگی اچ خوشی کوں بحال کرو ۔ میں شکر گزار ہاں تہاݙے پیار واسطے اتے یسوع دی موت واسطے جو اوں نے میݙے واسطے قبول کیتی

تساں جو کجھ اِتھاں پڑھے ، کیا اوندی روشنی اچ مسیح واسطے فیصلہ کر گھدے؟ اگر اینویں ہے تاں برائے مہربانی دباؤ " اَڄ میں مسیح کوں قبول کر گھدے" تلے ݙتے بٹن کوں

English



واپس سراییکی / ملتانی زبان دے پہلے صفے تے

کیوں خودکشی نہ کروں
© Copyright Got Questions Ministries