Pergunta
Iha Moris Rohan-Laek?
Hatán
Bíblia fó dalan ne'ebé loos ba moris rohan-laek. Ulukliu, ita tenke rekoñese katak ita halo ona sala hasoru Maromak: "Tanba ema hotu-hotu halo ona sala no lakon ona Maromak nia gloria " (Roma 3:23). Ita hotu halo ona buat hotu ne'ebé halo Maromak la kontente, ne'ebé halo ita merese atu simu kastigu. Tanba ita-nia sala hotu mak ikus mai kontra Maromak ne'ebé rohan-laek, so kastigu rohan-laek mak sufisiente. "Sala nia kolen mak mate, maibé prezente Maromak nian mak moris rohan-laek liuhusi Jesus Kristu ita-nia Na'i" (Roma 6:23).
Maibé, Jesus Kristu, laiha sala (1 Pedro 2:22), Maromak nia Oan-Mane rohan-laek sai ema ida (João 1:1,14) no mate hodi selu ita-nia sala. "Maromak hatudu Ninia domin ba ita iha ida-ne’e: bainhira ita sei sala-na’in hela, Kristu mate tanba ita” (Roma 5:8). Jesus Kristu mate iha krús (João 19:31-42), simu kastigu ne’ebé ita merese (2 Korintu 5:21). Liu loron tolu Nia moris hi’as husi mate (1 Korintu 15:1-4), hatudu sai Ninia kbiit atu manán sala no mate. "Ho ninia laran-sadi'a ne'ebé boot Maromak fó ona mai ita moris foun ba iha esperansa moris liuhusi Jesus Kristu nia moris-hi'as husi mate" (1 Pedro 1:3).
Liuhusi fiar mak ita tenke muda ita-nia hanoin kona-ba Kristu – se mak Nia, saida mak Nia halo, no tanbasá - ba salvasaun (Apóstolu 3:19). Se ita tau fiar ba Maromak, tau fiar ba Ninia mate iha krús ne'e hodi selu ita-nia sala sira, ita sei hetan perdaun no simu promesa moris rohan-laek nian iha lalehan." Maromak hadomi tebes mundu ne'ebé nia fó ninia Oan-Mane ida mesak, atu nune'e ema ne'ebé fiar iha Nia sei labele lakon, maibé hetan moris rohan-laek " (João 3:16). "Se ita fó sai ho ita-nia ibun dehan, ‘Jesus mak Na'i', no tau fiar iha ita-nia laran katak Maromak halo Nia moris hi'as husi mate, ita sei hetan salvasaun" (Roma 10:9). Fiar deit Kristu nia serbisu ne'ebé nia halo hotu ona iha krús ne'e mak dalan loos ba moris rohan-laek! "Tanba liuhusi fiar mak ita hetan salvasaun, no ne'e la'ós tanba ita-nia an rasik, maibé ida ne’e mak Maromak nia prezente, la'ós husi hahalok, atu nune'e ema ida labele gaba an" (Éfesu 2:8-9).
Se ita hakarak simu Jesus Kristu nu'udar ita-nia Salvadór, tuir mai ne'e mak ezemplu orasaun ida. Hanoin-bá, halo orasaun ne'e ka orasaun seluk sei la salva ita. Fiar de'it ba Jesus Kristu no ninia obra hotu ne'ebé remata ona iha krús tanba ita mak bele salva ita husi sala. Orasaun ne'e simplesmente hanesan dalan ida atu hatudu ba Maromak ita -nia fiar ba Nia no fó agradese ba Nia tanba fó ona salvasaun ba ita. "Maromak, Ha'u hatene katak Ha'u halo ona sala hasoru Ita no Ha'u merese simu kastigu. Maibé Jesus Kristu simu ona kastigu ne'ebé Ha'u merese simu atu nune'e liuhusi fiar ba Nia ha'u bele hetan perdua. Ha'u tau Ha’u-nia fiar ba Ita hodi salva ha'u. Obrigadu ba Ita-nia grasa furak no perdaun - prezente moris rohan-laek nian! Amen!"
Ita halo ona desizaun ida ba Kristu tanba buat ne'ebé Ita lee ona iha ne'e? Se nune'e, favór klik iha botaun "Ha'u simu ona Kristu ohin" iha kraik.
English
Iha Moris Rohan-Laek?