Pergunta
Hetan Perdaun? Oinsá ha’u simu perdaun husi Maromak?
Hatán
Apóstolu 13:38 haklaken, “Tan neʼe, ha’u-nia maun-alin sira, haʼu hakarak imi hatene katak Maromak fó perdua ona ba ema nia sala sira liuhusi Jesus.”
Saida mak perdaun no tanbasá ha’u presiza ida-ne’e?
Liafuan “perdua” signifika katak atu haluha sala sira uluk, fó perdua, kansela tusan. Bainhira ita halo sala hasoru ema ruma, ita buka sira-nia perdaun atu nune'e ita-nia relasaun bele sai di'ak fali. Maromak la fó perdaun tanba ema ida merese atu hetan perdua. La iha ema ida mak merese atu hetan perdua. Perdaun mak hahalok domin, laran-sadi'a no haraik an. Perdaun ne’e desizaun ida atu labele rai buat ida hasoru ba ema seluk maski buat ne'ebé sira halo ona ba ita.
Bíblia fó-hatene ba ita katak ita hotu presiza perdaun husi Maromak. Ita hotu halo ona sala. Eklesiastes 7:20 haklaken, “La iha ema laran-loos ida iha rai ne'ebé halo buat ne'ebé loos no nunka halo sala.” 1 João 1:8 dehan, “Se ita dehan katak ita la iha sala, ita lohi ita-nia an no lia-loos la hela iha ita.” Ikusmai sala hotu hanesan hahalok kontra Maromak (Salmo 51:4). Tan ne'e, ita presiza tebetebes Maromak nia perdaun. Se ita-nia sala la hetan perdaun, ita sei hetan terus rohan-laek tanba konsekuénsia husi ita-nia sala sira (Mateus 25:46; João 3:36).
Perdaun – Oinsá ha’u hetan ida-ne’e?
Felizmente, Maromak ne’e domin no laran-sadi’a – hakarak tebes atu fó perdua ba ita-nia sala sira! 2 Pedro 3:9 hatete ba ita, “…Nia pasiénsia ho ita, lakohi ema ida atu lakon, maibé Nia hakarak ema hotu atu arrepende sala.” Maromak hakarak fó perdua ba ita, tan ne'e Nia fó ona perdua ba ita.
Úniku kastigu ne’ebé justu ba ita-nia sala sira mak mate. Parte primeiru husi Roma 6:23 hatete: “Tanba sala nia kolen mak mate…” Mate rohan-laek mak buat ne’ebé ita hetan ona ba ita-nia sala. Maromak, iha Ninia planu ne'ebé perfeitu, sai ema – Jesus Kristu (João 1:1,14). Jesus mate iha krús, simu kastigu ne’ebé ita merese – mate. 2 Korintu 5:21 hanorin ita, "Maromak halo Nia ne’ebé la iha sala sai sala tanba ita, atu nune'e iha Nia ita bele sai ema laran-loos iha Maromak nia oin.” Jesus mate iha krús ne'e, tanba nia simu kastigu ne'ebé ita merese! Hanesan Maromak, Jesus nia mate fó perdaun ba sala sira mundu tomak nian. 1 João 2:2 haklaken, "Nia mak sakrifísiu ne'ebé ema hasa'e ba ita-nia sala, la'ós de'it ba ita-nia sala sira, maibé mós ba sala sira iha mundu tomak.” Jesus moris hi’as husi mate hodi haklaken kona-ba Ninia vitória husi sala no mate (1 Korintu 15:1-28). Fó hahi'i ba Maromak, liuhusi Jesus Kristu nia mate no moris-hi' as, parte segundu husi Roma 6:23 ne’e loos, “…maibé Maromak nia prezente mak moris rohan-laek liuhusi Jesus Kristu ita-nia Na'i. ”
Ita hakarak ita-nia sala sira hetan perdaun? Ita iha sentimentu sala ne'ebé atrapalla no haree hanesan ita labele halakon? Perdaun ba ita-nia sala sira ne’e iha se ita tau fiar ba Jesus Kristu nu'udar ita-nia Salvadór. Éfesu 1:7 dehan: “Iha nia ita hetan salvasaun liuhosi Jesus nia ran, Nune’e ita hetan perdua ba ita-nia sala tuir Maromak nia grasa ne’ebé boot tebes.” Jesus selu ona ita-nia tusan ba ita, atu nune'e ita bele hetan perdua. Buat ne’ebé ita halo mak tenke husu Maromak atu perdua ita liuhusi Jesus, no fiar katak Jesus mate ona atu selu ita-nia perdaun – no Nia sei perdua imi! João 3:16-17 kontein liafuan furak ne'e: “Tanba Maromak hadomi tebes mundu to’o Nia fó Oan-Mane mesak, atu ema ne'ebé fiar ba Nia sei la lakon, maibé hetan moris rohan-laek. Tanba Maromak la haruka ninia Oan-Mane mai iha mundu atu tesi-lia ba mundu, maibé atu mundu hetan maksoin hodi Nia. ”
Perdaun – Fasil los nune’e ka?
Sin, fasil duni! Ita labele hetan perdaun husi Maromak. Ita labele selu ba ita-nia perdaun husi Maromak. Ita bele simu de'it ida-ne'e, liuhusi fiar, liuhusi Maromak nia grasa no laran-sadi’a. Se Ita hakarak simu Jesus Kristu nu'udar imi-nia Salvadór no simu perdaun husi Maromak, tuir mai ne'e mak orasaun ne'ebé ita bele halo. Halo orasaun ne'e ka orasaun seluk sei la salva Ita. So fiar deit iha Jesus Kristu mak bele fó perdaun ba sala sira. Orasaun ne'e simplesmente hanesan dalan ida atu hatudu ba Maromak ita-nia fiar ba Nia no fó agradese ba Nia tanba fó ona perdaun ba ita. “Maromak, ha'u hatene katak ha'u halo ona sala hasoru Ita no merese simu kastigu. Maibé ha'u fiar katak Jesus Kristu simu kastigu ne'ebé ha'u merese simu atu nune'e liuhusi fiar ba Nia, ha'u bele hetan perdaun. Ha’u tau ha’u-nia fiar ba Ita hodi salva ha'u. Obrigadu ba Ita-nia grasa furak no perdaun! Amen!”
Ita halo ona desizaun ida ba Kristu tanba buat ne'ebé Ita lee ona iha ne'e? Se nune'e, favór klik iha botaun "Ha'u simu ona Kristu ohin" iha kraik.
English
Hetan Perdaun? Oinsá ha’u simu perdaun husi Maromak?