Pergunta
Saida mak Kristaun?
Hatán
Definisaun ida husi disionáriu kona-ba Kristaun nian maka buat ne'ebé atu hanesan ho "ema ida ne'ebé profisaun fiar iha Jesus nudár Kristu ka iha relijiaun ne'ebé bazeada ba Jesus nia hanorin.” Maske ida ne'e hanesan pontu partida ida ne'ebé di'ak, hanesan definisaun barak ne'ebé fó sai, ida ne'e menus uitoan hodi komunika lia-loos bíblika nian kona-ba sai ema Kristaun ne’e signifika saida. Liafuan “Kristaun” ne'e uza dala tolu iha Testamentu Foun (Apóstolu 11:26; 26:28; 1 Pedro 4:16). Eskolante sira Jesus Kristu nia uluk bolu “Kristaun sira”, iha Antioquia (Apóstolu 11:26) tanba sira-nia hahalok, atividade, no liafuan hanesan Kristu. Liafuan “Kristaun” literalmente signifika, “pertense ba parte Kristu nian” ka “Eskolante Kristu.”
Infelizmente ho tempu ne’ebé la’o, liafuan “Kristaun” lakon barak ona iha nia signifikadu no dala barak uza ba ema ida ne'ebé relijiozu ka iha valor moral ne'ebé aas maibé ema ne’ebé dalaruma ka dalaruma la’ós eskolante loloos Jesus Kristu. Ema barak ne'ebé la fiar no neon-metin iha Jesus Kristu konsidera sira-nia an nu'udar Kristaun tanba deit sira ba igreja ka sira hela iha nasaun “Kristaun”. Maibé bá igreja, no serbí ema hirak ne'ebé la iha sorte hanesan Ita, ka sai ema di'ak ida sei la halo ita sai ema Kristaun ida. Bá igreja sei la halo ita sai ema Kristaun hanesan mós ba ba garajen ida halo ita sai automóvel. Hanesan membru igreja nian ida, atende beibeik kultu, no kontribui ba servisu Igreja nian la halo sai ita Kristaun ida.
Bíblia hanorin katak buat di'ak ne'ebé ita halo, labele halo ita aseitavel husi Maromak. Tito 3:5 dehan: “Nia salva ona ita, la'ós tanba buat loos ne'ebé ita halo ona, maibé tanba ninia laran-sadi'a. Nia salva ita liuhusi moris foun ne’ebé hamoos ita no liuhusi espíritu santu.” Tan ne'e, ema Kristaun mak ema ida ne’ebé moris hi'as fali ona husi Maromak (João 3:3; João 3:7; 1 Pedro 1:23) no tau fiar no neon-metin ba Jesus Kristu. Éfesu 2:8 hatete ba ita katak “… liuhusi grasa mak ita hetan ona salvasaun, liuhusi fiar – no ida-ne'e la'ós husi ita-nia an rasik, maibé ida ne'e mak prezente husi Maromak.”
Ema Kristaun ne'ebé loos mak ema ne'ebé tau fiar no neon-metin ba ema ne'e no mós Jesus Kristu nia serbisu, ne'e inklui Ninia mate iha krús nu'udar kolen ba sala sira no ba Ninia moris-hi'as iha loron terseiru. João 1:12 dehan ba ita: “Maibé ba ema hotu ne'ebé simu Nia, ba sira ne'ebé fiar ba Ninia naran, Nia fó kbiit atu sai Maromak nia oan sira.” Marka ema Kristaun ne'ebé loos mak domin ba ema seluk no halo tuir Maromak nia Liafuan (1 João 2:4, 10). Kristaun loloos ne’e tebes duni Maromak nia oan, parte husi Maromak nia família ne’ebé loloos, no ema ne'ebé simu ona moris foun iha Jesus Kristu.
Ita halo ona desizaun ida ba Kristu tanba buat ne'ebé Ita lee ona iha ne'e? Se nune'e, favór klik iha botaun "Ha'u simu ona Kristu ohin" iha kraik.
English
Saida mak Kristaun?