Finaisen
Håfa Kristiånu?
Ineppe
Gi i diksionårio, Kristiånu ayu i taotao ni’ gaihinengge gi Yu’os Jesukristo pat gi i fina’nå’guen si Jesukristo. Maolek este na tinituhon, lao kalan bula na sinangan, ti gof klåru pot håfa yan håyi i minagåhet na Kristiånu. I palåbra “Kristiånu” ma u’usa tres biåhi gi Nuebu na Testamento (I Che'cho’ I Apóstoles Siha 11:26; 26:28; 1 Pedro 4:16). Ma ågang i disipulun Jesukristo “Kristiånu” gi Anti’ok (I Che'cho’ I Apóstoles Siha 11:26) sa’ i bidan-niha, kinalamten-niha, yan sinangan-niha kalan guiya ha’ si Jesuskristo. I palåbra “Kristiånu” ma u’usa para “ginen i gurupun Jesukristo” pat un “disipulun i Kristo.”
Desde ki ayu na tiempo, malingu i minagåhet i palåbra ya ma u’u’usa mås para i taotao ni’ humåhanao para i gima’ Yu’os pat gofmaolek todo i bidåda-na, lao siña este na taotao ti magåhet na disipulon Jesukristo. Bula na taotao siha ti manhohongge pat manangokko gi Jeskristo lao ma konsidedera na manKristiånu sa’ manmanhåhanao para i gima’ Yu’os kada simåna pat mangaige gi i nasion pat tano’ nai masånsangan na todu manKristiånu. Lao siña ta fanmatåta’chong gi sagan kareta ya ti manmankareta hit lokkue’. Siña lokkue’ manmembron un guma’ Yu’os, manhåhanao hit kada simåna, pat mannåna’i hit para todo i bidan i gima’ Yu’os ya ti manKristiånu hit trabiha.
Guaha fina’nå’gue gi Bipblia na i minaolek na kinalamten ti siña muna’tunas hit gi me’nan Yu’os. Titus 3:5 sumångan, “Ha na’libre hit, ti pot i minaolek-ta, lao pat i mina’ase’-na. Ha na’libre hit pot i fina’gåsen i finañågu yan i nina’nuebun i Espirito Sånto. Kristiånu ayu i taotao ni’ mafañågu ni’ Yu’os ya ha po’lo i hinengge-na yan i inangokko gi Jesukristo. Ma sångani hit gi lepblon Ephesians 2:8 na “pot gråsia ha’ na masåtba hit, pot hinengge - ya ti ginen hita ha’; nina’en Yu’os ha’.”
I magåhet na Kristiånu i taotao ni’ ha po’lo i hinengge-na yan i inangokko gi i bidå-na si Jesukristo, i finatai-na gi i kilu’os pot inapåsen tinailayi, yan i resureksion gi i mina’ tres na ha’åni. San Juån 1:12 sumangåni hit, “Lao todu i rumesibi gui', guiya ha nå'i nina'siñan-ñiha para u famagu'on Yu'os; Hunggan, para todu ni’ i humongge i na'ån-ña.” I matka gi magåhet na Kristiånu guinaiya pot otro taotao ya inesgi para i Fino’ Yu’os (1 San Juån 2:4, 10). I magåhet na Kristiånu ayu gui’ i patgon Yu’os, i patten magåhet na familian Yu’os, ya ayu nu’ i ma nå’i nuebu na lina’la’ gi Jesukristo.
Kao esta un disidi para si Jesukristo pot håfa un taitai guini? Anggen hunggan, pot fabot, ayek “Hu aksepta si Jesukristo på’go na ha’åni.”
English
Håfa Kristiånu?