Finaisen
Kao guaha mina’åse’? Hafa taimanu nai siña todu i isao-hu ma asi’e as Yu’os?
Ineppe
I Che'cho I Apostoles Siha 13:38 dumiklåra, “Ya umatungo' giya hamyo mañelo lalåhi, na pot este na taotao na ma predidika giya hamyo i inasi’en i isao.”
Håfa inasi’e ya pot håfa na impottånte?
I palabra “asi’e” mapulå’i saosao, na’måfnas, dispensa, pat kanselasion dibi. Anggen manale’ hit taotao, ta faisen gui’ pot inasi’e sa’ malago’ hit manatungo’ yan guiya. Ti ma nana’i mina’åse’ sa’ mumiresi i taotao nu manale’ i otro. Tåya’ mumiresi mina’åse’. Inasi’e i bidan guinaiya, mina’åse’, yan gråsia ha’. Disision este na tåya’ malisia kontra ayu ni’ umale’ hao, maseha håfa ha cho’gue kontra hågu.
I Bipblia sumångan na todu hit numisisita mina’åse’ Yu’os. Todu manmanisao. Ecclesiastes 7:20 dumiklåra, “Tåya ni uno tunas na taotao gi i tano’ ya maolek todu i bidå-na ya tai’isao.” 1 San Juån 1:8 sumångan, “Anggen manbandoñaihon na tai’isao hit, mandadagi hit kontra hita ha’ ya ti gaige i minagåhet giya hita.” Todu i isao-ta, uttemamente, kontra si Yu’os ha’ (Satmo 51:4). Konsigiente, in nisisita i mina’åse’ Yu’os. Anggen ti ma’asi’e i isao-ta, må’pos hit para taihinekkok na mina’så’pet, pot i isao-ta (San Mateo 25:46; San Juån 3:36).
Mina’åse’ – Håfa taimanu nai ta resibi ayu?
Gråsias adios, si Yu’os gaiguinaiya ya gai’ase’ - ya malago’ gui’ umasi’e todu i isao-ta! 2 San Pedro 3:9 sumangåni hit, “... Gaipasensia si Yu’os para hagu, ya malago’ na tåya’ malingu, lao para todu u manmaila’ para sinetsot. Malago’ si Yu’os umasi’e hit, ya ha pribeni para i petdón-ta.
I finatai-ta ha’ husto na sentensia pot i isao-ta. Gi Romans 6:23, madiklåaklara, “Finatai ha’ siña umapasi tinailayi…” Finatai etetno ha i guinahå-ta pot i isao-ta. Si Yu’os, gi i maolilek na planehå-na, mama'kåtne ya sumåga giya hita - Jesukristo (San Juån 1:1, 14). Matai si Jesukristo gi i kilu’os ya ha chule’ i sentensia ni’ in miresi - finatai. 2 Corinthians 5:21 fuma’nåna’gue hit, “Si Yu’os ha na’isao gui’ ni’ taya’ isao-na para hita, ya gi guiya ha’ siña hit manmanunas Yu’os.” Matai si Jesukristo gi i kilu’os, ya ha chu’le i sentensia para i isao-ta! Sina ha pribeni mina’åse’ para i tinailayen todu i tano’ sa’ Yu’os gui’. 1 San Juån 2:2 dumiklåklaru, “Guiya ha’ siña umempas pot i isao-ta, ya para todu i tano’ lokkue’.” Kahulo’ si Jesukristo ginen i naftan, dumiklåklara i ginanna gi hilo’ tinailayi yan finatai (1 Cor 15:1-28). Tuna si Yu’os, gi i finatai yan resureksion Jesukristo, magåhet i sinangan Romans 6:23, “... lao i nina’en Yu’os i lina’la’ taihinekkok gi Jesukristo i Siñot-ta.”
Kao malago’ hao ma’asi’e pot i isao-mu? Kao un siesiente butguensa ni’ ti siña masotta? Sina un resibi mina’åse’ pot i isao-mu anggen humongge hao gi Jesukristo para Satbadót-mu. Ephesians 1:7 sumangåni hit, “Guaha gineggue gi guiya gi hagå’-na, i mina’åse’ pot tinailayi, asegun i guinaha gi grasiån Yu’os. Si Jesukristo umpåsi i dibi-ta para hita, ya siña ta resibi i mina’åse’. Faisen ha’ si Yu’os para u asi’e hao gi Jesukristo, yan manhongge na si Jesukristo umpasi todudu pot i mina’ase’-mu, ya siempre ha asi’e hao! Gi San Juan 3:16-17 guaha maolilek na sinangan, “Sa' taiguennao na ha guaiya si Yu'os i tano', ha nå'i ni linilis ha' Lahi-ña i para todu ayu i humongge gui', ti siña malingu, ya guaha lina'lå'-ña na taihinekkok. Sa' ti ha tågo' si Yu'os i Lahi-ña guatu gi tano', para u så’pet i tano', lao para i tano' u na'libri pot guiya.
Inasi’e – kao magahet na libianu?
Hunggan, magåhet na libiånu! Ti siña un miresi inasi’en Yu’os. Ti siña ta apåsi si Yu’os. Sina ha’ un resibi, gi hinengge ha’, ginen i gråsia yan mina’åse’ Yu’os. Anggen malago’ hao umaksepta si Jesukristo as Satbadót-mu yan rumesibi mina’åse’ Yu’os, estague’ un tinayuyot para hågu. Ti este na tinayuyot pot otro muna’såtba hao. I inangokko ha’ gi as Jesukristo nina’siña i mina’å’sen Yu’os pot i isao-mu. Sina un sangåni si Yu’os pot i hinengge-mu giya guiya ya un na’i gråsias pot i mina’åse’-na. “Yu’os, hu tungo’ na umisao yu’ kontra hågu ya hu miresi pinadesi. Lao si Jesukristo ha chule’ i pinadesi ni’ hu miresi ya siña yu’ humongge gi i na’ån-na para mina’åse’. Hu angokko hao para satbasión. Hu nå’i hao gråsia pot este na nina’i yan min’åse’. Åmen!”
Kao esta un disidi para si Jesukristo pot håfa un taitai guini? Anggen hunggan, pot fabot, ayek “Hu aksepta si Jesukristo på’go na ha’åni.”
English
Kao guaha mina’åse’? Hafa taimanu nai siña todu i isao-hu ma asi’e as Yu’os?