Finaisen
Kao guaha lina’lå’-mu taihinekkok?
Ineppe
Ma sangåni hit gi i Bipblia taimanu sina ta resibi lina’la’ etetno. Fine’na, impottånte na in tungo’ na umisao hit kontra si Yu’os: “Todu i manaotao manmanisao ya ti siña mataka’ i glorian Yu’os.” (Romans 3:23). Todu hit manailayi ya in diskonsuela si Yu’os, ya pot ennao na in miresi mattirio. Potbida i isao-ta kontra si Yu’os ni’ etetno, etetno na mattirio ha’ sufisiente. “Finatai ha’ siña umapasi tinailayi lao i nina’en Yu’os i lina’la’ taihinekkok gi Jesukristo i Siñot-ta.” (Romans 6:23).
Imbåtgo, si Jesukristo, ni’ tai’isao (1 San Pedro 2:22), etetno na Lahen Yu’os muma’taotao (San Juån 1:1,14) ya måtai gui’ pot i isao-ta para u apåsi i mattirio-ta. “Si Yu’os ha na’li’e’ hit nu i guinaiya-na gi este: mangai’isao hit ya måtai si Jesukristo para hita.” (Romans 5:8). Måtai si Jesukristo gi i kilu’os (San Juån 19:31-42), ya ha chule’ i mattirio-ta ni’ in miresi (2 Cor 5:21). Gi mina’ tres na ha’åni, kahulo’ ginen i naftan (1 Cor 15:1-4), ya ha prueba i hinilåt-na gi hilo’ i tinailayi yan. "Gi i mina’ase’-na ha na’i hit finañågu para i låla’la’ na ninangga pot i resureksión Jesukristo ginen i finatai (1 San Pedro 1:3).
Gi hinengge ha’, impottånte na in na’nuebu i hinasso-ta pot si Jesukristo - håyi gui’, håfa i bidå-na, ya pot håfa - para satbasión (I Che'cho' I Apostoles Siha 3:19). Anggen in hengge gui’, ya in angokko na i matai-na gi kilu’os umapåsi i isao-ta, pues ma’asi’e hit pot i isao-ta ya siña in resibi i prumetin etetnon lina’la’ gi langhet. “Sa' taiguennao na ha guaiya si Yu'os i tano', ha nå'i ni linilis ha' Lahi-ña i para todu ayu i humongge gui', ti siña malingu, ya guaha lina'lå'ña na taihinekkok.” (San Juån 3:16). “Anggen un sångan na, ‘Siñot si Jesukristo,’ ya un hongge gi kurason-mu na si Yu’os ha’ mina’kahulo’ ginen i naftan, masåtba hao (Romans 10:9). Hinengge ha’ gi i bidå-na si Jesukristo gi i kilu’os i magåhet na chålan para i lina’la’ etetno! “Sa’ pot gråsia ha’ na’masåtba hao, pot hinengge –ti ginen hågu ha’, i nina’en Yu’os - ti bidan-miyu pot banidå” (Ephesians 2:8-9).
Anggen malago’ hao umaksepta si Yu’os Jesukristo para i Satbadót-mu, guaha tinayuyot para hågu. Fanhasso, este na tinayuyot ti u såtba hao, lao i hinengge-mu ha’ yan i inangokko giya Jesukristo siña u såtba hao ginen i isao-mu. Siña un sangåni si Yu’os pot i hinengge-mu giya guiya ya un nå’i gråsia pot i satbasión-mu. Yu’os, hu tungo’ na umisao yu’ kontra hågu ya hu miresi pinadesi. "Lao si Jesukristo ha chule’ i pinadesi ni’ hu miresi ya siña yu’ humongge gi i na’ån-na para mina’åse’. Hu angokko hao para satbasión. Hu nå’i hao grasia pot este na nina’i yan min’åse’--i lina’la’ etetno! Åmen!"
Kao esta un disidi para si Jesukristo pot håfa un taitai guini? Anggen hunggan, pot fabot, ayek “Hu aksepta si Jesukristo på’go na ha’åni.”
English
Kao guaha lina’lå’-mu taihinekkok?