Finaisen
Håyi si Jesukristo?
Ineppe
Guaha fumafaisen “Kao magåhet na guaha Yu’os?” lao ti gof meggai ma fafaisen anggen magåhet na luma’la’ si Jesukristo. Meggia na taotao uma’aksepta na guaha un taotao ni’ i na’ån-na Jesus giya Israet dos mit (2000) åños tåtte. Guaha atgumento nu i taotao-na si Jesukristo. Todo i hinenggen taotao ma fa’nåna’gue na profeta ha’ si Jesukristo pat fafa’nå’gue pat kilisyånu ha’ na taotao. Lao gi Bipblia ma sangåni hit na mås ki profeta, fafa’nå’gue pat kilisyånu si Jesukristo.
Si C.S. Lewis gi i lepblo-na Mere Christianity ha tuge’ na, “Bai na’båsta i ababåt siha na kuentos sesso masåsangan pot si Jesukristo, kumeke ilek-niha, ‘Sina hu aksepta na gof tunånte na fafa’nå’gue si Jesukristo, lao ti hu aksepta i proklamå-na na Yu’os gui’.” Ti siña ta sångan este. I taotao nu i taotao ha’ ya ha sangan todu ha sangan si Jesukristo ti siña tunånte gui’. Lunatiku ha’ - kalan un taotao ha sasångan na matkosidu gui’ - pat satanas gui’ ginen sasalåguan. Debi di un disidi–kao i Lahen Yu’os este na taotao, pat lunatiku, pat mås båba. Sina un huchom i pachot-na sa’ duko’, siña un to’lå’i ya un puno’ sa’ manganiti ha’, pat siña un dimuyi ya un ågang gui’ Sinot yan Yu’os. Lao mungnga ta sångan na maolek na fafa’nå’gue ha’. Ti ha’ nå’i hit este na dinisidi. Ti ha entensióna ayu (Macmillan, 1952, p. 55-56).
Pues håyi gui’? Håyi masånsangan gi i Bipblia? Fine’nana, si Yu’os gui’ gi kåtne. Ha sångan si Jesukristo gi San Juån 10:30, “Guåhu yan si Tåta, hami uno ha'.” Gi fine’nana na inatan, kalan ti proklåma este na Yu’os gui’. Lao atan ha’ i manJudihos. Manmalago’ mapuno’ gui’ pot “chatfino’ kontra si Yu'os; sa' hågu, taotao hao, mama’Yu'os Hao.” (San Juån 10:33). Makumprendi i sinangan si Jesukristo na ha sånsangan na Yu’os gui’. Gi otro na betso, tåya’ na ha korihi si Jesukristo pat ha na’klåru i sinangån-na. Tåya’ na ha sångan, “Ti hu proklåma na Yu’os yu’.” Annai ha sångan, “Guåhu yan si Tåta, hami uno ha',” (San Juån 10:30), ha sångan na achaguasguas gui’ yan si Yu’os Tåta.
Gi San Juån 8:58, ha proklåma si Jesus na gaige gui’ gi tinituhon, parehu ha’ yan si Yu’os. “Magåhet ya magåhet hu sangåni hamyo, åntes ki si Abraham, esta guåhu”. Manmanule’ ta’lo åcho’ para ma faggas si Jesukristo (San Juån 8:59). Annai ha proklåma si Jesus na gaige gui’ gi tinituhon, parehu ha’ yan si Yu’os, ha usa i na’an Yu’os–I AM (Exodus 3:14). Ti manma’aksepta na Yu’os gui’, lao makumprendi todu i sinangån-na.
Guaha otro na sinangan na Yu’os gui’ lokkue’ si Jesukristo. San Juån 1:1 sumångan na, “i Finiho guiya si Yu'os” yan San Juån 1:14, “Ya ayu na Finiho mama'kåtne”. I disipulu si Tomås sumångan para si Jesukristo, “Siñot-hu yan Yu'os-hu (San Juån 20:28). Si Jesukristo ti ha korihi si Tomås. I apostóliku si Paul ha sångan pot si Jesukristo, “i mås dångkolo na Yu’os yan Satbadót, si Jesukristo” (Titus 2:13). I apostóliku si San Pedro parehu ha’ i sinangån-na ya ha ågang si Jesukristo, “i Yu’os-ta yan i Satbadót-ta”. (2 Peter 1:1)
Si Yu’os Tåta ha proklåma i na’an Jesukristo lokkue’: “Lao pot i Lahi-na ha sångan, ‘I tronu-mu taihinekkok, yan taihinekkok, O Yu'os: i bariyan i raino-mu, tunas na bariya (Hebrews 1:8; cf. Satmo 45:6). Gi i antigu na testamento, i profeta kalan Isaiah 9:6 dumiklåra i yini’os-na si Jesukristo: “Sa' esta mafañågo para hamyo, para hita na manå’i i lahi, ya gaige gi i apagå-na i gobietno. I na’ån-na Atmiråpble na Konseheru, Nina’Sina na Yu’os, Etetno na Tåta, Prinsipin Pås.” (imprenta mañådi).
Håfa na guaha finaisen pot este? Håfa na impottånte, anggen magåhet na Yu’os si Jesukristo? Pot este na rason siha:
• Anggen ti Yu’os si Jesukristo, pues i mås båba na dakon si Jesukristo ya ti siña ma angokko na taotao.
• Anggen ti Yu’os si Jesukristo, pues i apostóliku siha manmandåkun lokkue’.
• Siempre Yu’os gui’ si Jesukristo sa’ i Mesihas ma prumeti na guiya i “Santos-mu” (Satmo 16:5). Tåya' ni uno ni fuma'titinas maolek (Satmo 53:1; 143:2). Si Yu’os ha’ muma’kåtne ya måtto para i tano’.
• Anggen ti Yu’os si Jesukristo, ti siña sufisiente i matai-na para i isao-ta yan i isao todu i tano’ (1 San Juån 2:2). Si Yu’os ha’ siña chumo’gue este, taihinekkok, dångkolo, ya etetno na nina’i (Romans 5:8; 2 Cor 5:21).
• Si Yu’os ha’ i Misihas (Hosea 13:4; cf. 1 Tim 2:3). Anggen si Jesukristo i Misihas, pues siempre Yu’os gui’.
Ministet si Jesukristo Yu’os yan taotao lokkue’. Pot Yu’os gui’, siña si Jesukristo ha apasiyi si Yu’os pot i linalalo’-na. Pot taotao gui’, siña mumåtai si Jesus. Pot Yu’os-taotao, si Jesukristo guiya ha’ perfecto na huisio gi entalo’ i langet yan i tano’ (1 Tim 2:5). Guaha ha’ satbasión gi i hinengge gi Jesukristo ha’. Ilek-ña nu guiya si Jesus: “Guåhu i chalan, yan i minagåhet, yan i lina'la'; tåya' malak i Tata, yan ti pot guåhu.” (San Juån 14:6).
English
Håyi si Jesukristo?