Suraq
Isa jumaqqa aparatyn jalǵyz jol ma?
Jaýap
«Jalpy alǵanda men jaqsy adammyn, sondyqtan jumaqqa baramyn». «Iá, azdaǵan jaman qylyqtarym bar, biraq neǵurlym kóbirek igi ister jasasam, aqyr sońynda peiishke kiremin». «Qudai meni Kieli kitap boiynsha ómir súrmegenime bola tozaqqa jibermes! Qazir zaman basqa ǵoi!» «Tozaqqa kisi óltirýshiler men jynystyq azǵyndyqqa túsken adamdar ǵana tastalady».
Adamdardyń kóbisi ózderin aqtaý úshin osyndai nárselerdi aitady, alaida shyn máninde osylardyń barlyǵy qate men ótirik bolyp tabylady! Al júrekterimizge osyndai jalǵan pikirlerdi salatyn - kúnákar dúnieni bilep turǵan shaitan. Shaitannyń ózi de jáne onyń sońynan ergen árkim – Qudaidyń qas jaýy (Petir.1-xaty 5:8). Shaitan árdaiym adamdarǵa jaqsy tulǵa bolyp kóringisi keledi (Qorynt. 2-xat 11:14), biraq negizinde ol Qudaidyń qaramaǵynda bolmaǵandardyń sanalaryn basqarady. Shaitannyń biliginde júrgen osyndai adamdar týraly Kieli kitapta bylai aitylǵan: «Bular oǵan (Izgi xabarǵa) senbeidi, sebebi osy kúnákar dúnieniń «táńiri» (ázázil shaitan) Másixtiń saltanatty ulylyǵy týraly Izgi xabardyń nuryn olarǵa kórsetpeý úshin sanalaryn soqyr qylyp qoiǵan. Al Másix Qudaidyń qandai ekenin aiqyn kórsetedi» (Qorynt. 2-xat 4:4).
Qudai kishigirim kúnálardy baiqamai, tozaqqa «jaman adamdardy» ǵana jiberedi dep tujyrymdaý qate. Kúnányń qandaiy bolsa da, tipti kishigirim ótiriktiń ózi bizdi Qudaidan ajyratady. Barlyǵymyz kúná jasadyq, sondyqtan eshkim de óz betimen jumaqqa kirýge laiyqty emes (Rim. xat 3:23). Jumaqqa kirý jaqsy ne jaman isterdiń sanyna bailanysty emes. Eger ereje shynymen osyndai bolǵanda biz bárimiz qurityn edik. «Al Qudai raqym etip tańdaǵan bolsa, onda olardy eńbekteri úshin tańdamaǵany, áitpese raqym naǵyz raqym bolmas edi» (Rim. xat 11:6). Biz qandai igi nárse istesek te, óz kúshimizben jumaqqa kire almaimyz (Tit. xat 3:5).
«Tar qaqpadan kirińder! Tozaqqa aparatyn qaqpa keń, jol da dańǵyl, onymen júretinder kóp» (Matai 7:13). Tipti ainalamyzdaǵy adamdardyń barlyǵy kúnály ómir súrip, Qudaiǵa senýdi oǵash nárse dep sanap júrgen bolsa da, biz osy jaǵaidy Qudaidyń aldynda syltaýrata almaimyz. «Buryn sender Qudaidyń buiryǵyn buzyp, kúná jasai bergendikten rýxani óli edińder: sol kezde osy kúnákar dúnieniń dástúrine sai ómir súrip, bizdi aýa ispetti qorshap turǵan zulym kúshterdiń ámirshisiniń – Qudaiǵa baǵynbaityn adamdardy bileitin rýxtyń jeteginde júrdińder» (Efes. xat 2:1-2).
Qudai osy álemdi jaratqanda barlyq nárse minsiz bolǵan. Yaǵni bári jaqsy bolǵan. Keiin Qudai Adam ata men Xaýa anany jaratyp, olarǵa tańdaý jasaýǵa erkindik berdi: olar Qudaidyń sońynan erip, Ony tyndaýdyń nemese óz betimen júrýdiń arasynda tańdaý jasaýǵa tiisti boldy. Alaida alǵashqy jaratylǵan adamdar olardy azǵyrǵan shaitannyń sózine aldanyp, Qudaidy tyndamai, kúná jasady. Osynyń saldarynan olar (sonymen birge olardyń búkil urpaǵy, yaǵni bizder de) Qudaimen jaqyn qarym-qatynasta bolý múmkindigin joǵaltty. Qudai kieli ári minsiz bolǵandyqtan kúnáǵa esh tóze almaidy. Al biz kúnákar bolǵandyqtan bul jaǵdaidy óz betimizben túzete almaityn edik. Sondyqtan Qudai bizdi Ózimen kókte qosý úshin arnaiy jospar jasady. «Óitkeni Qudai adamzatty sondai qatty súigendikten, Óziniń jalǵyz rýxani Ulyn qurbandyqqa berdi. Endi Oǵan senýshi árkim jany tozaqqa túspei, máńgilik ómirge ie bolady» (Joxan 3:16). «Kúnányń beretini – (máńgilik) ólim, al Qudaidyń beretin syiy – Iemiz Isa Másixpen tyǵyz bailanystaǵy máńgilik ómir» (Rim. xat 6:23). Isa bizge osy joldy kórsetý úshin jáne kúnálarymyzdyń qurbandyǵy retinde bizdiń ornymyzda ólý úshin týyldy. Al ólgennen soń úsh kúnnen keiin qabirden qaita tirilip, Óziniń ólimdi jeńgenin dáleldedi (Rim. xat 4:23). Bizge Jaratýshymen jeke qarym-qatynasta bolýǵa jol ashyp berý úshin Isa adam men Qudaidyń arasyndaǵy tuńǵiyqtyń ústinen salynǵan kópir tárizdi boldy.
«Máńgilik ómir, bul - jalǵyz shynaiy Qudaidy jáne Óziń jerge jibergen Meni, Isa Másixti, jaqynnan taný» (Joxan 17:3). Qudaidyń bar ekenine adamnyń kóbisi senedi. Osyǵan tipti shaitannyń ózi senedi. Alaida qutqarylý alý úshin biz Qudaiǵa bet buryp, Onymen jeke qarym-qatynasymyzdy túzep, kúnálarymyzdan bas tartyp, Onyń sońynan erýimiz kerek. Biz búkil jan-dúniemizben Isaǵa senýimiz kerek. «Qudai yahýdi jáne basqa ult adamdarynyń bárin de Isa Másixke degen senimderi arqyly aqtaidy. Sebebi bul jerde eshqandai aiyrmashylyq joq» (Rim.xat 3:22). Kieli kitapta Másixten basqa qutqarý jolynyń joq ekeni jazylǵan. Joxan jazǵan Izgi xabardyń 14:6 ayatynda Isa bylai dedi: «Jol, shyndyq jáne shynaiy ómir Menmin. Men arqyly bolmasa, eshkim de Ákege bara almaidy».
Isa – qutqarylýǵa aparatyn jalǵyz jol, óitkeni Odan basqa eshkim bizdiń kúnálarymyzdyń qunyn ótei almaidy (Rim. xat 6:23). Jer betindegi eshqandai din kúná men onyń zardaptarynyń qanshalyqty ziyandy ekenin túsindirmeidi. Eshqandai din kúnányń sheksiz qunyn ótep bere almaidy. Osy is Isa Másixtiń qolynan ǵana keledi. Eshqandai «dini jetekshi» adamǵa ainalǵan Qudai bolǵan joq. Qudai osy álemge adam keiipinde kelip ólýge májbúr boldy, óitkeni bizdiń kúnámyzdyń qunyn tóleýdiń jalǵyz joly sol bolǵan (Joxan 1:1,14). Adam balasy Isa Másixke senim artý arqyly ǵana qutqaryla alady! «Isadan basqa eshkim de bizdi (Qudaidyń qaharynan) qutqara almaidy! Aspan astynda bizdi qutqaratyn basqa eshkimniń esimi adamdarǵa buiyrmaǵan» (Elshiler. isteri 4:12).
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Isa jumaqqa aparatyn jalǵyz jol ma?