Suraq
Qutqarylý jospary degen ne?
Jaýap
Siz ashyqqanyńyzdy sezinesiz be? Bizdiń aityp turǵanymyzdyń tándik ashtyq emes. Osy ómirde jan-dúnieńizge birdeńe jetpei turǵandai sezinýden bolatyn ashtyq.. Eger olai bolsa, sizge Isa kerek! Isa bylai degen: «Shynaiy ómir syilaityn «nan» Menmin. Maǵan kelgender rýxani nárden taryqpai, sengender eshqashan shóldemeitin bolady» (Joxan 6:35).
Siz abyrjyp júrsiz be? Osy ómirde durys joldy nemese maqsatty eshqashan taba almaityn siyaqtysyz ba? Bireý shamdardyń barlyǵyn óshirip tastaǵandai, al siz jandyratyn tetikti taba almai júrgendei sezinesiz be? Eger olai bolsa, sizge Isa kerek! Isa bylai jariyalaǵan: «Men dúnie úshin Nurmyn. Maǵan ergen kisi endi túnekte júrmei, shynaiy ómirdiń Nuryna ie bolady» (Joxan 8:12).
Siz osy ómirde adasyp ketkendei sezinesiz be? Ár túrli «esikterdi» ashqan kezde olardyń artynda qańyraǵan ári maǵynasyz keńistikten basqa eshteńe joq ekenin baiqap túńilip júrsiz be? Siz maǵynaly ómir súrýdiń jolyn izdep júrsiz be? Eger olai bolsa, osy jol - Isa! Ol bylai degen: «Men «qaqpamyn», Menen kirgender qutqarylady. Olar emin-erkin kirip-shyǵyp, jaiylym tabady» (Joxan 10:9).
Sizdi basqa adamdar renjitip júr me? Basqalarmen qarym-qatynasyńyz ústirtin ári bos bolyp júr me? Basqalar sizdi basynyp júr dep oilaisyz ba? Eger olai bolsa Isaǵa kelińiz! Ol bylai degen: «Men «izgi Baǵýshymyn»: izgi Baǵýshy qoilary úshin janyn qiyady... Men «izgi Baǵýshymyn». Ákemniń Meni, Meniń Ákemdi jaqsy biletinim siyaqty, Men qaramaǵymdaǵylardy jaqsy bilemin, olar da Meni jaqsy biledi» (Joxan 10:11,14).
Ólgennen keiin ózińizben ne bolatyny týraly oilandyńyz ba? Siz turaqsyz, yaǵni búgin bar, erteń joq bolatyn zattar úshin ómir súrýden sharshadynyz ba? Siz jalpy ómirdiń maǵynasy bar degen oiǵa kúmándanasyz ba? Ólgennen keiinde ómir súrgińiz kele me? Eger olai bolsa, sizge Isa kerek! Ol bylai degen: «Qaita tirilý men shynaiy ómir - Menmin. Maǵan senetin adam ólse de, shynaiy ómir súretin bolady. Osylai ómir súrip, Maǵan sengen árbir adam eshqashan da rýxani ólmeidi» (Joxan 11:25-26).
Shynaiy jol degen ne? Shyndyq degen ne? Ómir degen ne? Isa bylai degen: «Jol, shyndyq jáne shynaiy ómir Menmin. Men arqyly bolmasa, eshkim de Ákege bara almaidy» (Joxan 14:6).
Siz sezingen ashtyq, bul - rýxani ashtyq, ony Isa ǵana qanaǵattyndyra alady. Isa ǵana túnekti jaryq ete alady. Isa – igilikke toly ómirge aparatyn qaqpa. Isa – sizdiń burynnan izdep júrgen Dosyńyz jáne Baǵýshyńyz. Isa – sizdiń osy dúniedegi jáne o dúniedegi shynaiy ómirińiz. Isa - qutqarylýǵa aparatyn jalǵyz jol!
Sizdiń rýxani ashyqqanyńyzdyń, túnekte adasyp júrgendei sezinýińizdiń jáne ómirdiń maqsatyn izdeýge umtylýynyzdyń sebebi – sizdiń buryn Qudaidan bólinip qalǵanyńyz bolyp tabylady. Kieli kitapta bizdiń kúná jasaǵanymyzdyń kesirinen Qudaidan bólingenimiz týraly jazylǵan (Ýaǵyzdaýshy 7:20; Rim. xat 3:23). Ómirimizde Qudai joq bolǵandyqtan biz júregimiz qańyrap bos qalǵandai sezinemiz, óitkeni biz Jaratýshymen qarym-qatynasta bolý úshin jaratyldyq. Biz kúnáǵa batqannan keiin osy bailanysty joǵaltyp aldyq. Al odan da jaman jaǵdai mynaý: kúnányń kesirinen biz osy ómirde ǵana emes, o dúniede de, yaǵni máńgi-baqi Qudaidan ajyramaqpyz (Rim. xat 6:23; Joxan 3:36).
Bul máseleni qalai sheshýge bolady? Ony Isa arqyly ǵana sheshýge bolady! Isa bizdiń kúnálarymyzdy Ózine artty (Qorynt. 2-xat 5:21). Ol bizdiń tartatyn jazamyzdy Óz moinyna alyp, bizdiń ornymyzda óldi (Rim. xat 5:8). Al úsh kúnnen keiin Ol qaita tirilip, osy arqyly Óziniń kúná men ólimdi jeńgenin dáleldedi (Rim. xat 6:4-5). Isa osyny ne úshin istedi? Bul suraqqa Ol Ózi jaýap berdi: «Adamnyń dostaryna kórsetetin eń zor súiispenshiligi – olar úshin ómirin qurban etýi» (Joxan 15:13). Ol biz ómir súrsin dep janyn qidy. Eger biz Isaǵa senip, Onyń ólimin kúnálarymyzdyń tólemi retinde qabyldasaq, onda kúnálarymyzdan tazaryp, Qudaidan keshirim alamyz. Bizdiń rýxani ashtyǵymyz sonda ǵana qanaǵattandyrylady. Ómirimiz nurlanyp, maǵynaly bolady. Biz ózimiz úshin óte jaqsy dos jáne izgi baǵýshy tabamyz. Sonymen qatar, ólimnen keiin kókte Isamen máńgi birge bolatynymyzǵa kámil senetin bolamyz.
Óitkeni Qudai adamzatty sondai qatty súigendikten, Óziniń jalǵyz rýxani Ulyn qurbandyqqa berdi. Endi Oǵan senýshi árkim jany tozaqqa túspei, máńgilik ómirge ie bolady (Joxan 3:16).
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Qutqarylý jospary degen ne?