Suraq
Siz máńgilik ómirge ie boldyńyz ba?
Jaýap
Kieli kitapta máńgilik ómirge aparatyn jol týraly anyq aitylady. Aldymen biz Qudaiǵa qarsy kúná jasaǵanymyzdy jete túsinýimiz qajet: óitkeni «bári de kúná jasap, Qudaidyń ózderine belgilegen ulylyǵynan qur alaqan qaldy» (Rim. xat 3:23). Bárimiz Qudaiǵa unamsyz ister istegendikten jaza tartýǵa tiispiz. Bizdiń kúnálarymyzdyń barlyǵy máńgilik Qudaiǵa qarsy shyǵý bolyp tabylady, sondyqtan tartatyn jazamyz da máńgilik jaza bolýy tiis. «Kúnányń beretini – (máńgilik) ólim, al Qudaidyń beretin syiy – Iemiz Isa Másixpen tyǵyz bailanystaǵy máńgilik ómir» (Rim. xat 6:23).
Esh kúnásy joq Isa Másix (Petir. 1-xaty 2:22), máńgilik Qudai Uly, adamǵa ainalyp (Joxan 1:1,14), bizdiń jazamyzdy óteý úshin Óziniń janyn qidy. «Degenmen, áli de kúnákar bolyp júrgen kezimizde biz úshin Másix ómirin qurban etti! Osy arqyly Qudai bizge Óziniń zor súiispenshiligin dáláldedi» (Rim. xat 5:8). Isa Másix aiqysh aǵashta óldi (Joxan 19:31-42), biz tartýǵa tiisti jazany Ózine artty (Qorynt. 2-xat 5:21). Ol úshinshi kúni ólimnen qaita tirilip (Qorynt. 1-xat 15:1-4), kúná men ólimdi jeńgenin dáleldedi. «Iemiz Isa Másixtiń Ákesi – Qudai madaqtalsyn! Ol bizge zor meiirim kórsetip, rýxani qaita týǵyzyp, jańa ómir syilady jáne Isa Másixti ólimnen qaita tiriltýimen bizdi sónbes úmitke keneltti» (Petir. 1-xat 1:3).
Biz Qudaiǵa degen senim arqyly kúnálarymyzdan bas tartyp, qutqarylý úshin Másixke kelýimiz kerek (Elshiler. isteri 3:19). Egerde biz Oǵan senim artyp, Onyń Óz ólimi arqyly aiqyshta bizdiń kúnálarymyzdyń qunyn tólegenine sensek, onda keshirilip, ózimizge ýáde etilgen Kóktegi máńgilik ómirge ie bolamyz. «Óitkeni Qudai adamzatty sondai qatty súigendikten, Óziniń jalǵyz rýxani Ulyn qurbandyqqa berdi. Endi Oǵan senýshi árkim jany tozaqqa túspei, máńgilik ómirge ie bolady» (Joxan 3:16). «Óz aýzyńmen Isany Jaratqan Iem dep moiyndasań, júreginde Qudaidyń Ony ólimnen qaita tiriltkenine senseń, onda qutqarylasyń» (Rim. xat 10:9). Másixtiń aiqyshta jasaǵan igi isine sený - máńgilik ómirge aparatyn jalǵyz jol bolyp tabylady! «Sebebi Qudaidyń raqymymen, Másixke degen senimderiń arqyly qutqaryldyńdar. Bul ózderińniń jetistikteriń emes, Qudaidan kelgen syi, sondyqtan igi isterimniń arqasynda qutqaryldym dep eshkim maqtanbasyn» (Efes.xat. 2:8-9).
Eger siz Isa Másixti ózińizdiń Qutqarýshyńyz dep qabyldaǵyńyz kelse, biz sizge tómendegi minajatty mysal retinde usynamyz. Alaida esińizde bolsyn: siz ánsheiin osy minajatty nemese basqa minajatty aitý arqyly qutqarylmaisyz. Siz Isa Másixke senim artý arqyly ǵana kúnálaryńyzdan qutqaryla alasyz. Bul minajat arqyly siz Qudaiǵa ózińizdiń Oǵan senetinińizdi bildirip, ózińizdi qutqarǵany úshin Oǵan alǵys aitasyz. «Qudaiym! Seniń aldynda kúná jasaǵanymdy jáne jazalanýǵa tiisti ekenimdi bilemin. Biraq Isa Másix men tartýǵa tiisti jazany Óz moinyna aldy, sondyqtan men Oǵan senim artý arqyly keshirile alamyn. Men óz kúnálarymnan bas tartyp, qutqarylý úshin Saǵan senemin. Seniń keremet raqymyń men keshirimiń úshin jáne maǵan syilaǵan máńgilik ómir úshin Saǵan alǵys aitamyn! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Siz máńgilik ómirge ie boldyńyz ba?