Suraq
Másixshilik ilim adamnyń óz-ózin óltirýi týraly ne deidi? Kieli kitapta adamnyń óz-ózin óltirýi týraly ne aitylǵan?
Jaýap
Kieli kitap boiynsha senýshiniń óz-ózin óltirýi onyń jumaqqa kiretinine nemese kirmeitinine áser etpeidi. Eger senbeýshi adam óz ómirin alsa, onda ol óziniń otty kólge tastalýyn ózi tilep aldy degen sóz. Osyndai adam óz-ózin óltirgeni úshin emes, Másix arqyly usynylǵan qutqarylýdan bas tartqany úshin tozaqqa túsedi. Kieli kitapta óz-ózin óltirgen birneshe adam jaily aitylǵan: Ábýmálik (Biler 9:54), Saýl (Patsha. 1-jazba 31:4), Saýldyń qarý-jaraq nókeri (Patsha. 1-jazba 31:4-6), Axitopel (Patsha. 2-jazba 17:23), Zimri (Patsha. 3-jazba 16:18) jáne Yahýda Isqariot (Matai 27:5). Osylardyń bári zulym, aram jáne kúnákar adam bolǵan (degenmen Saýldyń qarý-jaraq tasýshy nókeri týraly mundai paiymdaý jasaityndai málimet az berilgen). Keibir adamdar óz-ózin óltirýshilerdiń qataryna Samsondy da qosady (Biler 16:26-31). Alaida Samsonnyń maqsaty óz-ózin óltirý emes, filistirlerdi qurtý bolǵan. Kieli kitap boiynsha adamnyń óz ómirin alýy basqa adamnyń ómirin alýymen teń. Adamnyń óletini nemese ólmeitini jaily sheshimdi Qudai ǵana qabyldai alady. Al adamnyń osy sheshimdi óz betimen qabyldaǵany Qudaidy joqqa shyǵarý bolyp tabylady.
Kieli kitap óz ómirin alǵan másixshi jaily ne aitady? Meniń oiymsha óz-ózin óltirgen másixshi qutqarylýynan aiyrylmaidy da, tozaqqa barmaidy da. Kieli kitap bizge mynany úiretedi: adam shyn júrekten Másixke sengen kezden bastap máńgilik qaýipsizdikke ie bolady (Joxan 3:16), sonymen birge másixshiler qandai jaǵdai bolsa da, ózderiniń máńgilik ómirden eshqashan aiyrylmaitynyna nyq sene alady. «Sender Qudaidyń rýxani Ulyna sengendikten máńgilik ómirge iesińder. Oǵan senim artqan senderdiń sony bilýleriń úshin bulardy jazyp otyrmyn» (Joxan. 1-xaty 5:13). Másixshini Qudaidyń súiispenshiliginen eshqandai nárse ajyrata almaidy! «Men mynaǵan nyq senemin: ólim de, ómir de, perishteler de, jyn-periler de, búgingi kún de, bolashaq ta, tabiǵattan tys kúshter de, ne ústimizdegi, ne astymyzdaǵy eshqandai kúsh te, tipti jaratylystyń basqa eshbir nársesi de bizdi Qudaidyń Iemiz Isa Másix arqyly kórsetip júrgen súiispenshiliginen aiyra almaidy!» (Rim. xat 8:38-39). «Tipti jaratylystyń basqa eshbir nársesi de» másixshini Qudaidyń súiispenshiliginen aiyra almaidy. Al adamnyń óz-ózin óltirýi de «jaratylystyń nársesi» bolyp tabylady, sondyqtan osy nárse másixshini Qudaidyń súiispenshiliginen aiyra almaidy. Isa bizdiń barlyq kúnálarymyz úshin ólgen, sondyqtan... eger shynaiy másixshi zor rýxani shabýylǵa tap bolǵan kezde álsizdenip óz ómirin alsa... Isa onyń osy kúnásynyń qunyn da tólep qoiǵan!
Alaida múnyń bári adamnyń óz-ózin óltirý úlken kúná emes degendi bildirmeidi. Kieli kitap boiynsha adamnyń óz-ózin óltirýi basqa adamnyń ómirin alýmen teń bolǵandyqtan úlken kúná bolyp tabylady. Men ózin másixshi dep atai tura óziniń ómirin alǵan adamnyń seniminiń shynaiylyǵy jaily kúmándanatyn edim. Óz-ózin óltirgen másixshige eshqandai jaǵdai syltaý bola almaidy. Másixshi ómirin Qudaiǵa arnaǵan bolsa, onda onyń qashan óletini jaily sheshimdi Qudai ǵana qabyldai alady. Ester kitabynan osyǵan bailanysty bir jaqsy mysal keltireiik. Ejelgi Parsy patshalyǵynda mynandai zań bolǵan: patshanyń aldyna shaqyrýsyz kelgen árkim ólim jazasyna kesiletin, bundai adam patsha oǵan qarai altyn asatayaǵyn sozsa ǵana aman qalatyn (bul áreket arqyly patsha sol adamǵa raqymshylyq tanytqanyn kórsetetin). Másixshiniń óz-ózin óltirýi Qudaidy shydamdylyqpen kútpei, Ony asyqtyrǵanmen teń. Qudai altyn asatayaǵyn senýshige qarai sozyp, onyń máńgilik ómirin saqtaǵanymen, senýshiniń osy áreketin jaqtyrmaidy. Qorynt. 1-xat 3:15 ayaty adamnyń óz-ózin óltirýi týraly aitpasa da, osyny istegen másixshiniń qandai jaǵdaida bolatynyn jaqsy sipattaidy: «Ózi qutqarylsa da, jany ottan ótip qashqandai ǵana saqtalady».
English
Másixshilik ilim adamnyń óz-ózin óltirýi týraly ne deidi? Kieli kitapta adamnyń óz-ózin óltirýi týraly ne aitylǵan?