Suraq
Kieli kitap qumar oiyndar jaily ne aitady? Qumar oiyndar oinaý kúná ma?
Jaýap
Qumar oiyndar jaily mynandai anyqtama berilgen: «qolda bar aqshany táýekel etip, ony kezdeisoq utys arqyly kóbeitýge tyrysý». Kieli kitap qumar oiyndar oinaýdy, jerebe tastaýdy nemese lotereya oinatýdy nyqty túrde áksherelemegenimen, bizge aqshany súyuden aýlaq bolýdy eskertedi (Timote. 1-xat 6:10; Evrei. xat 13:5). Sonymen birge Kieli jazba bizdi «ońai oljaǵa» umtylýdan saqtandyrady (Naqyl sóz. 13:11; 23:5; Ýaǵyzdaýshy 5:10). Qumar oiyndar negizinde adamdardyń aqshaǵa degen qyzyǵýshylyǵyn qozdyryp, olardy ońai oljaǵa qyzyqtyryp, azǵyrady.
Qumar oiyndardyń qandai ziyany bar? Bul máseleni saraptaý ońai emes, óitkeni adam qumar oiyndarmen az mólsherde jáne keide ǵana shuǵyldansa, onda onyń biraz aqshasy beker ketkenimen onyń osy qylyǵyn «zulymdyqqa» jatqyzý qiyn bolar. Qumar oiyndarǵa aqsha jumsaý jalpy kinoǵa, qymbat tamaqqa nemese basqa nárselerge aqsha jumsaýǵa uqsas. Alaida mundai uqsastyq adamnyń qumar oiyndarǵa aqshasyn qurtýyna syltaý bola almaidy. Aqshany qalai bolsa solai ustaýǵa bolmaidy. Adam artylǵan aqshasyn qumar oiyndarǵa jumsamai, bolashaq muqtajdyqtaryna saqtaý kerek nemese Qudaidyń qyzmetine usyný kerek.
Kieli kitapta qumar oiyndar týraly ne aitylǵan: Kieli kitapta qumar oiyndar jaily arnaiy aitylmaǵanymen, onda «sát» nemese «múmkindik» degen sózder bar. Leýilikter kitabynda evreiler qai tekeniń qurbandyqqa shalynatynyn jáne qai tekeniń shalǵaiǵa aidalatynyn anyqtaý úshin jerebe tastaityn. Eshýa jerebe tastaý arqyly jerdi ár túrli rýlarǵa bólip berdi. Nexemiya Ierýsalimniń qabyrǵalarynyń ishinde turatyn adamdardy jerebe boiynsha tańdady. Sonymen birge Yahýda Isqariottyń ornyna taǵaiyndalǵan shákirt te osyndai ádispen tańdaldy. Naqyl sóz. 16:33 ayatynda: «Laqtyrǵa jerebeń aldyńa túser, onyń sheshimin Jaratqan Ie berer» dep aitylǵan. Qumar oiyndar nemese «sátti orai» Kieli kitaptyń esh jerinde ermek úshin qoldanylmaidy da jáne Qudaidyń adamdaryna tán áreket retinde kórsetilmeidi de.
Oiynxanalar men lotereyalar: Oiynxanalar adamdardy óz aqshalaryn týáekel etkizý úshin ár túrli ailalar qoldanady. Oiynxanadaǵy araq-sharap ádette óte arzanǵa satylady nemese tipti tegin beriledi, adamdar osyǵan qyzyǵyp, ishe beredi, al mas bolǵan adamnyń aqyldy sheshim qabyldaýy eki talai. Oiynxananyń búkil júiesi adamdardy bildirtpei tonaýǵa baǵyttalǵan, yaǵni mundai oryndar adamdardan kóp aqsha alyp, olarǵa maǵynasyz lázzattan basqa eshteńe usynbaidy. Al lotereyany uiymdastyrǵan ujymdar bilim berý sharalaryn nemese áleýmettik baǵdarlamalardy qoldaǵandai bolyp kóringisi keledi. Alaida osy salada jasalǵan zertteýlerden mynandai málimet shyqty: lotereyaǵa qatysqan adamdardyń turmys dárejesi óte tómen, yaǵni tipti lotereya biletterin alatyndai deńgeide emes. Muqtajdyqtan ábden túńilgen osyndai adamdar azǵyrylyp, «ońai oljaǵa» umtylady. Birdeńe utyp alý múmkindigi óte az bolǵandyqtan osyndai adamdar kóbisi óz-ózderine ziyan keltirýden basqa eshteńege qol jetkizbeidi.
Lotereya oinatý Qudaiǵa unamsyz is. Kóptegen adamdar: «Men lotereya nemese qumar oiyndar arqyly kóp aqsha utsam, ony qaýymǵa beremin nemese basqa igi iske jumsaimyn» deidi. Bul jaqsy niet. Degenmen qumar oiyndar arqyly aqsha utqandardyń kóbisi oljalaryn igi isterge jumsamaidy. Zertteýler mynandai jaǵdaidy kórsetedi: birneshe jyl buryn lotereyadan aqsha utqan adamdardyń kóbisi keiin odan beter qiyn jaǵdaiǵa túsip ketedi eken (demek aqshasy jetpei qinalatyn bolady). Qudai Óziniń jumysyn mundai aqshasyz-aq ta júrgizedi. Naqyl sóz. 13:11 ayatynda: «Ońai olja tez taýsylar, eńbekpen jinaǵan bailyǵyn molaitar» dep aitylǵan. Qudiretti Jaratýshy qaýymnyń muqtajdyqtaryn adal jolmen qamtamasyz etedi. Esirtki satqannan nemese bankti tonaýdan túsken aqshaǵa Qudaidyń riza bolýy múmkin be? Kedeilerdi «ońai oljamen» aldap, olardyń aqshasyn «urlaý» da súikimsiz is bolyp tabylady, sondyqtan osyndai jolmen túsken aqsha da Qudaiǵa kerek emes.
Timote. 1-xat 6:10 ayatynda: «Óitkeni aqshaqumarlyq - ár túrli jamandyqtyń túp tamyry; keibireýler osyǵan bola senimderinen adasyp, ózderin kóptegen qaiǵy-qasiret pen ókinishke dýshar etti» dep aitylǵan. Al Evrei. xat 13:5 ayatynda mynandai úndeý bar: «Aqsha jandy bolmai ómir súrip, qoldaǵy bardy qanaǵat tutyńdar! Qudai: «Men senen bas tartpaimyn, eshqashan jalǵyz qaldyrmaimyn» degen ǵoi». Al Matai 6:24 ayatynda: «Eshkim eki qojaiynǵa birdei qyzmet ete almaidy. Olai etken kúnde bireýin ekinshisinen artyq kórip, soǵan baǵyshtalady, al ekinshisine nemketti qaraidy. Sol siyaqty, sender de Qudaiǵa jáne bailyqqa birdei baǵyshtalyp qyzmet ete almaisyńdar!»
English
Kieli kitap qumar oiyndar jaily ne aitady? Qumar oiyndar oinaý kúná ma?