Suraq
Ólimnen keiin ne bolady?
Jaýap
«Ólimnen keiin ne bolady?» degen suraq jaiynda kóptegen túsinbeýshilikter paida bola alady. Adamnyń «eń sońǵy máńgilik ayaldamaǵa» qashan jetetini Kieli kitapta anyq aitylmaǵan. Kieli kitap boiynsha adam jan tapsyrǵannan keiin ne jumaqqa ne tozaqqa túspekshi. Osy jaǵdai adamnyń Másixti óziniń Qutqarýshysy retinde qabyldaǵany ne qabyldamaǵyna bailanysty bolmaq. Isaǵa senetin adamdardyń jandary denelerinen shyǵyp Jaratýshynyń aldyna baratyn bolady (Qorynt. 2-xat 5:6-8; Filipi. xat 1:23). Al Isaǵa senbeitin adamdar ólgennen keiin tozaqqa túsip, máńgi-baqi jazalanady (Luqa 16:22-23).
Ólimnen keiin bolatyn jaǵdailar jaily túsinbeýshilik osy jerde paida bolýy múmkin. Ayan kitabynyń 20:11-15 ayattarynan biz tozaqqa túskenderdiń barlyǵynyń otty kólge tastalatynyn bilemiz. Sonymen birge osy kitaptyń 21-22 taraýlarynda Jańa Aspan men Jer týraly aitylady. Osynyń barlyǵyna qaraǵanda jaǵdai mynandai bolatyn siyaqty: eń sońǵy qaita tirilýge deiin adamdar «ýaqytsha» jumaq pen tozaqta saqtalmaqshy. Demek adamnyń máńgilik taǵdyry ózgermeidi (jumaqqa túsetinder jumaqqa, al tozaqqa túsetinder tozaqqa túspek), alaida meken-jaiy ózgeredi. Senýshiler ólgennen keiin bir arnaiy ýaqytta Jańa Aspan men Jańa Jerge jiberiledi (Ayan 21:1). Al senbeýshiler bir arnaiy ýaqytta otty kólge tastalady (Ayan 20:11-15). Yaǵni adamdardyń máńgilik taǵdyry olardyń Isa Másixke senim artqandaryna nemese artpaǵandaryna bailanysty bolady, óitkeni kúnálarynyń jazasynan olardy Isa ǵana qutqara alady.
English
Ólimnen keiin ne bolady?