Suraq
Táýbege kelý minajaty degen ne?
Jaýap
Óziniń kúnákar ekenin jáne Qutqarýshyǵa muqtaj ekenin túsingen adamnyń Qudaiǵa siynýy táýbege kelý minajaty dep atalady. Alaida ánsheiin minajat etý ózinen ózi sizge qutqarylý bermeidi. Siz ózińizdiń kúnákar ekenińizdi moiyndap, kúnálaryńyzǵa shyn júrekten ókinip, qutqarylýǵa muqtaj ekenińizdi túsingen kezde ǵana qutqarylasyz.
Táýbege kelý minajatynyń birinshi qadamy – bárimizdiń kúnály ekenimizdi moiyndaý. Rimdikterge arnalǵan xattyń 3:10-ayatynda: «Birde-bir ádil kisi joq» dep jazylǵan. Kieli kitapta bizdiń barlyǵymyzdyń kúnáǵa batqanymyz anyq aitylǵan. Barlyǵymyz kúnákar bolǵandyqtan biz Qudaidyń keshirimi men raqymyna muqtajbyz (Tit. xat 3:5-7). Biz kúnálarymyzǵa bola máńgi-baqi jazalanýǵa laiyqtymyz (Matai 25:46). Yaǵni minajat etkende biz Qudaidan Onyń bizdi jazalaýyn emes, bizge raqym etkenin jalbarynyp suraimyz. Sonda biz Jaratýshynyń qaharynan qutylyp, Onyń meiirimine ie bolamyz.
Minajattyń ekinshi qadamy – Qudaidyń bizdi sol nashar jaǵdaidan qutqarý úshin ne istegenin túsiný. Qudai adamǵa, yaǵni Isa Másixke ainalyp, osy álemge keldi (Joxan 1:1,14). Isa bizge Qudai týraly shyndyqty túsindirip, bizdiń aramyzda ádil ári kúnásyz ómir súrdi (Joxan 8:46; Qorynt. 2-xat 5:21). Ol bizge arnalǵan jazany Óz moinyna artyp, bizdiń ornymyzda aiqyshta janyn qidy (Rim. xat 5:8). Keiin Isa ólimnen qaita tirilip, osy arqyly ólimdi, kúnány jáne tozaqty jeńgenin dáleldedi (Kolos. xat 2:15; Qorynt. 1-xat 15). Isanyń osy igi isteriniń arqasynda bizdiń kúnálarymyz keshirilip, biz Oǵan artqan senimimiz arqyly jumaqtaǵy ýáde etilgen máńgilik ómirge ie bolamyz. Al bizden talap etiletini mynaý ǵana: Onyń bizdiń ornymyzda ólip, qaita tirilgenine sený (Rim. xat 10:9-10). Biz Isaǵa senim artý arqyly, yaǵni Qudaidyń raqymymen ǵana qutqaryla alamyz. Efestikterge arnalǵan xattyń 2:8-ayatynda bylai jazylǵan: «Sebebi Qudaidyń raqymymen, Másixke degen senimderiń arqyly qutqaryldyńdar. Bul - ózderińniń jetistikteriń emes, Qudaidan kelgen syi.»
Táýbege kelý minajatyn aitý arqyly siz Isa Másixti Qutqarýshyńyz dep qabyldaǵanyńyzdy Qudaiǵa xabarlaimyz. Qutqarylý úshin eshqandai «siqyr» sózdiń qajeti joq. Biz Isa Másixtiń ólip qaita tirilgenine sený arqyly ǵana qutqaryla alady! Eger siz ózińizdiń kúnákar ekenińizdi jáne Isa Másix arqyly beriletin qutqarylýǵa muqtaj ekenińizdi moiyndasańyz, onda Qudaiǵa myna táýbege kelý minajatyn aityńyz: «Qudaiym, men ózimniń kúnákar ekenimdi moiyndaimyn. Men kúnálarymnyń zardabyn shegýge tiisti ekenimdi bilemin. Alaida men Isa Másixti Iem ári Qutqarýshym dep qabyldap, Oǵan senimimdi artamyn. Onyń ólimi men qaita tirilýi arqyly keshirilgenime senemin. Meni keshirip, qutqarǵanyńa raxmet, Jaratýshy Iem! Aýmin!»
Siz osy jerde aitylǵandy oqyǵannan keiin Másixti qabyldaý jaiynda sheshim jasadyńyz ba? Eger «iá» deseńiz, onda, «Men búgin Másixti qabyldadym» degen túimeni basyńyz.
English
Táýbege kelý minajaty degen ne?