Suraq
Kieli kitapta dinozavrlar týraly ne aitylǵan? Kieli kitapta jalpy dinozavrlar týraly aitylady ma?
Jaýap
Kieli kitapta dinozavrlar týraly aitylady ma? Osy jaily másixshilerdiń ózderi de bir-birimen daýlasýda. Daýlar ádette myna suraqtardan týyndaidy: Jer shary qashannan beri bar? (Onyń jasy neshede?) Jaratylystyń bastalýy atty kitabynda sipattalǵan oqiǵalar men ainalamyzdaǵy fizikalyq dálelderdi qalai durys saraptaýǵa bolady? Jer shary uzaq ýaqyttan beri bar deitinder Kieli kitapta dinozavrlar týraly eshteńe aitylmaǵan dep paiymdaidy, óitkeni olardyń oiynsha dinozavrlar birneshe million jyl buryn, yaǵni adam áli joq bolǵan kezde, qyrylyp qalǵan bolatyn. Osylai oilaityndar «Kieli kitapty jazǵan adamdardyń eshqaisysy tiri dinozavrlardy kórgen joq» dep sanaidy.
Jer shary jaqynnan beri bar deitinder Kieli kitapta dinozavrlar týraly aitylǵan dep sanaidy. Osyndailardyń oiynsha Kieli kitapta dinozavrlar basqasha, demek, evrei tilindegi tannivn degen sózben atalady. Osy sóz basqa tilderge ár qalai, keide «teńiz qubyjyǵy», keide «jylan», al ádette «aidahar» dep aýdarylady. Kieli kitaptaǵy sipattamasyna qaraǵan kezde tannivn orasan baýyrymen jorǵalaýshy bolǵan siyaqty. Kóne kelisimde olar týraly úsh ret aitylady jáne osy aitylǵan sózderden biz olardyń qurlyqta da, sýda da ómir súrgenin bilemiz.
Kóne kelisimde orasan baýyrymen jorǵalaýshylar týraly úsh ret jazylǵanyn qaita aita keteiik. Sonymen birge Kieli kitapta taǵy eki tirshilik ieleri týraly aitylǵan, olar da dinozavrlar bolǵan siyaqty. Begemot dep atalatyn orasan tirshilik iesi Qudaidyń jaratylysynyń eń myqtysy dep sipattalady, onyń quiryǵy kedr aǵashyna uqsatylady (Áiúp 40:15). Keibir ǵulamalar osy begemotty kádimgi begemot nemese pil dep eseptese, basqalar osy pikirdi joqqa shyǵarady, óitkeni pil men begemottyń quiryqtary jińishke, yaǵni kedr aǵashyna múldem uqsamaidy. Al brashiozavr men diplodok siyaqty dinovrlardyń quiryqtary óte úlken bolǵan, demek kedr aǵashyna óte ońai uqsatylady.
Kóne órkenietterdiń árqaisysynda derlik orasan baýyrymen jorǵalaýshylardyń sýretterin tabýǵa bolady. Soltústik Amerikada tabylǵan petroglifter (tastaǵy sýretter men jazýlar), kóne buiymdar jáne balshyqtan jasalǵan kishkentai músinder dinozavrlarǵa uqsaityn bolyp shyqty. Ońtústik Amerikadaǵy tastardan diplodokqa minip otyrǵan adamdardyń súreti tabyldy. Osy tastardaǵy basqa sýretterdiń triceratops, pterodaktil jáne tiranozavr-reks siyaqty dinozavrlarǵa uqsaityny óte tańǵalarlyq jaǵdai. Rimdik mozaikalar, maiya taipasynyń balshyqtan jasalǵan buiymdary jáne Babyl qalasynyń qabyrǵalaryndaǵy súretter, osynyń barlyǵy sol zamandaǵy adamdardyń (jer sharynyń qai jerinde bolsa da) osy tirshilik ielerine qairan qalyp júrgenderin bildiredi. Marko Polonyń Il Milione degen shyǵarmasyna uqsas ǵylymi kitaptar osy taqyrypty baisaldy túrde saraptasa, kóptegen ertegilerde altyn qazynany kúzetetin qubyjyqtar týraly kóp aitylady. Tipti qazirdiń ózinde biz jer sharynyń keibir oryndarynda kórinip qalǵan qubyjyqtar týraly estip jatamyz, alaida adamdardyń kópshiligi mundai xabarlarǵa úlken senimsizdikpen qaraidy.
Dinozavrlar men adamdardyń birdei ýaqytta ómir súrgeni jaily antropologiyalyq jáne tarixi dálelder kóp. Sonymen birge osy jaily fizikalyq dálelder de joq emes: Soltústik Amerika men Batys Orta Aziyada adamdar men dinozavrlardyń birdei ýaqytta túsken izderi tabyldy.
Sonymen, Kieli kitapta dinozavrlar týraly aitylady ma? Bul taqyryp týraly bolyp jatqan daýlar jaqyn arada bitpes. Bul jaǵdai sizdiń bar dálelderdi qalai qabyldaitynyńyzǵa jáne ainalańyzdaǵy álemge qalai qaraitynyńyzǵa bailanysty. Al osy GotQuestions.org saityndaǵy bizder Jer sharynyń jaqynda paida bolǵanyna jáne adamdar men dinozavrlardyń birge ómir súrgenderine senemiz. Bizdiń oiymyzsha dinozavrlar Nuxtyń zamanyndaǵy topan sýdan keiin qyrylyp qalǵan. Osynyń eki sebebi bolǵan. Birinshi sebep: dinozavrlar klimattyń túbegeili ózgergenine tóze almady; ekinshi sebep: adamdar únemi olardy aýlap, aqyr ayaǵynda barlyǵyn qyryp tastaǵan.
English
Kieli kitapta dinozavrlar týraly ne aitylǵan? Kieli kitapta jalpy dinozavrlar týraly aitylady ma?