Suraq
Másixshiler men musylmandar birdei Qudaiǵa tabynady ma?
Jaýap
Bul suraqqa jaýap berý úshin birinshiden «birdei Qudai» degen sózdiń neni bildiretinin anyqtap alaiyq. Musylmandar men másixshilerdiń Qudai jaily kózqarastarynyń kóbisiniń uqsas keletini ras. Demek musylmandar da, másixshiler de Qudaidy qudiretti, kieli, adal, barlyǵyn biletin jáne bir sátte barlyq jerde bola alatyn Tulǵa dep sanaidy. Islamda da, másixshilikte te Qudai búkil álemdi jaratqan Tulǵa dep eseptelinedi. Osy jaǵynan «másixshiler men musylmandar birdei Qudaiǵa tabynady» dep aitýǵa bolady.
Degenmen másixshilik pen islamnyń arasynda óte mańyzdy aiyrmashylyqtar bar. Musylmandar Allany súiispenshilikke toly ári raqymdy dep sanaǵanymen islam dininde Allanyń osy qasietteri másixshilik ilimdegindei kórinbeidi. Eń úlken aiyrmashylyq - musylmandardyń Qudaidyń adamǵa ainalǵanyna senbeitini. Al másixshiler Qudai adamǵa, yaǵni Isa Másixke ainalyp, osy álemge kelip ketken dep senedi. Musylmandar bul túsinikti Qudaiǵa til tigizý dep sanaidy. Musylmandar Allanyń adamǵa ainalyp búkil adamzattyń kúnálarynyń qunyn tólegenine eshqashan sene almaidy. Al Másixtiń adamzattyń kúnálary úshin ólýi másixshilik ilimniń eń mańyzdy bóligi bolyp tabylady. Qudai adamǵa Óz súiispenshiligin kórsetip, Oǵan jaqyn bolý úshin jáne, eń mańyzdysy, adamnyń kúnálaryn keshirip, ony qutqarý úshin osylai istedi.
Sonymen, másixshiler men musylmandar birdei Qudaiǵa tabynady ma? Bul suraqqa «iá» dep te, «joq» dep te jaýap berýge bolady. «Osy ekeýleri de Qudaidyń qandai ekenin durys túsinedi me?» Bul suraqqa sózsiz «joq» dep jaýap bermekpiz. Másixshiler men musylmandardyń Qudai jaily túsinikteriniń arasynda birneshe úlken aiyrmashylyq bar. Osy eki ilimniń bireýi durys, al basqasy burys. Biz másixshilik ilimi durys deimiz, óitkeni kúnányń quny tólenbeiinshe qutqarylý joq. Osyndai orasan qundy Qudai ǵana tólei alatyn edi. Qudaidyń adamǵa ainalyp bizdiń ornymyzda ólýi bizdiń kúnálarymyzdyń ótelýiniń jalǵyz joly bolǵan (Rim. xat 5:8; Qorynt. 2-xat 5:21).
English
Másixshiler men musylmandar birdei Qudaiǵa tabynady ma?