Suraq
Kieli kitap boiynsha mastýrbaciya kúnáǵa jatady ma?
Jaýap
Kieli kitaptyń esh jerinde mastýrbaciya anyq túrde kúná dep atalmaidy. Alaida adamdy mastýrbaciyamen ainalysýǵa qozdyratyn áreketterdiń barlyǵyn sózsiz kúnáǵa jatqyzýǵa bolady. Mastýrbaciya myna áreketterdiń nátijesi: jynystyq qiyaldarǵa berilip qumarlaný, jynystyq oilardy qozdyrý nemese pornografiyalyq beinelerge qaraý. Adam birinshiden osy máselelermen kúresý kerek. Adam jynystyq qumarlaný men pornografiyany qaraý siyaqty kúnálardan arylsa, mastýrbaciyadan da arylady.
Kieli kitap bizge jynystyq azǵyndyqtan aýlaq bolýdy eskertedi (Efes. xat 5:3). Meniń oiymsha mastýrbaciyany da jynystyq azǵyndyqqa jatqyzýǵa bolady. Bir nárseniń kúná nemese kúná emes ekenin keide bylai tekserýge bolady: siz ózińiz istegen bir áreket nemese ózińizge kelgen bir oi týraly basqalarǵa maqtanyshpen aita almasańyz, yaǵni (basqalarǵa bildirgińiz kelmei) sol nárse úshin uyalsańyz, bálkim ol kúná bolar. Ádette biz bir arnaiy árekettiń Qudaidyń qyzmetine paidaly bolatynyn bilsek, biz Odan osy áreket úshin bata surai alamyz. Meniń oiymsha mastýrbaciya mundai áreketterdiń qataryna múldem jatpaidy.
Kieli kitap bizge bylai úiretedi: «Basty qaǵida mynaý: ne iship-jeseńder de, ne isteseńder de, bárin Qudaidy dáripteý úshin isteńder!» (Qorynt. 1-xat 10:31). Eger biz: «Myna qylyǵymdy Qudai unatpaýy múmkin», - dep kúdiktensek, onda sol nárseden arylǵanymyz durys bolady. Mastýrbaciya jaily da kúdiktengenimiz jón bolar. «Adamnyń durys ekendigine kúmány bola tura istegen isteriniń bári de kúná» (Rim. xat 14:23). Men Kieli kitapqa júgingen kezde mastýrbaciyany Qudaidyń atyn madaqtaityn áreketke jatqyza almaimyn. Sonymen birge Qudai bizdiń denelerimiz ben jandarymyzdy Óziniń kieli qanymen ótep alǵan. Yaǵni bizdiń denelerimiz ben jandarymyz endi Oniki. Biz osyny da umytpaýymyz kerek. «Álde denelerińniń Kieli Rýx mekendeitin kieli úi ekenin bilmeisińder me? Sender Qudaidan qabyldaǵan Kieli Rýx boilaryńdan oryn aldy. Endi óz menshikteriń emessińder, Iemiz senderdi úlken qun tólep, kúnányń quldyǵynan azat etti. Endeshe denelerińmen Qudaidyń dańqyn arttyryńdar!» (Qorynt. 1-xat 6:19-20). Biz osy aqiqatqa súienip, óz denelerimizdi baqylaýymyz kerek. Jańaǵy aitylǵan shyndyqtardyń barlyǵyna júgine otyryp, men mastýrbaciyany kúná dep esepteimin. Men osy árekettiń Qudaiǵa unamdy ekenine jáne jynystyq azǵyndyqqa jatpaitynyna esh senbeimin. Sonymen birge men bul áreket Qudaidyń bizdiń denemizge tolyq biligin júrgizýine kedergi jasaidy dep qorytyndylaimyn.
English
Kieli kitap boiynsha mastýrbaciya kúnáǵa jatady ma?