Suraq
Neke qurmastan buryn jynystyq qatynas jasaý týraly Kieli kitap ne deidi?
Jaýap
Neke qurmastan buryn jynystyq qatynas jasaý Kieli jazbada kóp ret áshkerelenedi, óitkeni ol da azǵynyqqa jatady (Elshiler. isteri 15:20; Rim. xat 1:29; Qorynt.1-xat 5:1; 6:13,18; 7:2; 10:8; Qorynt. 2-xat 12:21; Ǵalat. xat 5:19; Efes. xat 5:3; Qolos. xat 3:5; Saloniqa. 1-xat 4:3; Yahýda. xaty 7). Kieli kitap adamdy nekelesý aldynda pák bolýǵa shaqyrady. Neke qurmastan buryn jynystyq qatynas jasaý azǵyndyqtyń bir túri bolǵandyqtan osy áreket kúnáǵa jatady, óitkeni adam óziniń jubaiy emes, bóten adammen jaqyndasyp, osydan aramdanady. Qudai erli-zaiyptylarǵa ǵana jynystyq qatynas jasaýǵa ruqsat beredi (Evrei. xat 13:4).
Neke qurmastan buryn jynystyq qatynas jasaýdyń ádettegi nárse bolyp ketken. Adamdardyń kóbisi budan seskenbeidi. Osynyń kóp sebepteri bar. Adamdar jynystyq qatynastan lázzat alǵanda osy kúnányń zardaptary jaily oilanbaidy. Iá, jynystyq qatynastyń lázzat beretini ras, óitkeni Qudai ony solai jaratty. Qudai er adamdar men áielderdiń osyndai qatynastan lázzat alǵanyn qalaidy, alaida olar osyny nekeleskennen keiin ǵana isteý kerek. Qudaidyń jospary boiynsha jynystyq qatynastyń eń birinshi maqsaty lázzat emes, adamdardyń ósip-ónip kóbeyui bolǵan. Qudaidyń nekeden tys jynystyq qatynasqa nelikten tyiym salady? Bizdi lázattan qur alaqan qaldyrý úshin be? Joq, Qudai osyny biz igiligimiz úshin isteidi. Demek, Qudai qyzdardyń óz qalaýlaryna qarsy júkti bolǵanyn, kenetten paida bolǵan balalardyń ata-anasyz qalǵanyn qalamaidy. Eger adamdar Qudaidyń jynystyq qatynas jaily shyǵarǵan erejelerine moiynsunǵanda osy álemdegi jaǵdai áldeqaida jaqsyraq bolar edi: azǵyndyqtyń kesirinen paida bolatyn aýrýlar, jalǵyz qaldyrylǵan analar, balasyn alǵyzyp tasaǵysy keletin jas qyzdar jáne taǵy basqa qaiǵyly jaǵdailar az bolatyn edi. Sondyqtan Qudai adamdardyń nekelespei turyp jynystyq qatynas jasaýyna tyiym salady. Qudaidyń osy sharasy kinásyz nárestelerdiń ómirin saqtap, balalardy qorǵap, adamdardyń arasyndaǵy jynystyq qatynastyń qundylyǵyn kóteredi. Biraq eń mańyzdy jaǵdai mynaý: durys ári saý jynystyq qatynas Qudaidyń atyna madaq ákeledi.
English
Neke qurmastan buryn jynystyq qatynas jasaý týraly Kieli kitap ne deidi?