Kwɛshɔn
Gɛt Padin? Aw a go gɛt Gɔd fɔ padi mi fɔ ɔl mi sin dɛm?
Ansa
Di Apɔsul dɛn wok 13:38 tɛl wi se, ”Mi pipul dɛm a want mek una no se na fɔseka Jizɔs mek dɛn de tɛl una se Gɔd go padin una.“
Wetin na Padin ɛn wetin mek a nid am
Di wɔd “Padin” min se fɔ wep bod kiln, fɔ padin, fɔ pul dɛt. We wi du bad to pɔsin, wi kin aks am fɔ padin wi so dat wi link wit am go kam bak. Dɛn nɔ go padin pɔsin bikɔs di pɔsin fit fɔ padin. Nobɔdi nɔ fit fɔ padin. Padin na lɔv, sori ɛn gres. Padin na we yu tink nɔ fɔ tek ɛnitin na at fɔ yu kɔmpin, I lɛk wetin I du to yu.
Di Baybul tɛl wi se wi ɔl nid Gɔd in padin. Wi ɔl dɔn du wetin bad ɛn gɛt sin Ɛkliziasis 7:20 tɛl wi se, “No man nɔ de na di wɔl we kiln we de du wetin kɔrɛkt ɛn nɔ ɛva sin.“ Fɔs Jɔn 1:8 tɛl wi se, “If wi fil se wi nɔ gɛt sin, wi de lay pan wisɛf ɛn biliv nɔ de pan wi.“ Ɔl sin na we yu du tin we Gɔd nɔ lɛk (Sam 51:4). Dat mek wi nid Padin frɔm Gɔd bad bad wan. If dɛn nɔ padin wi sin dɛm, wi go de na di layf sote go de sɔfa fɔ wi sin dɛm (Matyu 25:46; Jɔn 3:36).
Padin – Aw a go gɛt am
Wi tɛl Gɔd tɛnki bikɔs I lɛk ɛn gɛt sori at – I kin rɛdi fɔ padin wi fɔ wi sin dɛm! Sɛkɛn Pita 3:9 tɛl wi se, “…I de biya wit yu, bikɔs I nɔ want ɛnibɔdi fɔ sɔfa, bɔt mek ɛvribɔdi kam ɛn fil sori fɔ in sin dɛm.“ Gɔd want fɔ padin wi na dat mek I de padin wi.
Na day na di ɔnli pe fɔ wi. Di fɔs af pat na di Lɛta fɔ Rom 6:23 se, “Di pe we wi go gɛt fɔ sin na day…“ Day we de sote go nain wi go gɛt fɔ wi sin. Gɔd in yon gud plan mek I tɔn mɔtalman – Jizɔs Krayst (Jɔn 1: 1-14). Jizɔs day na di krɔs ɛn pe wetin wi fɔ dɔn pe – day. Sɛkɛn lɛta fɔ Kɔrint 5:21 tich wi se, “Gɔd mek di wan we nɔ gɛt sin fɔ gɛt sin fɔ wi, so dat wi go gɛt ɔltin rayt bitin wi ɛn Gɔd.“ Jizɔs day na di krɔs fɔ tek di sɔfa we wi fɔ sɔfa! As Gɔd, Jizɔs in day padin wi fɔ wi sin dɛm na di ɔl wɔl. Fɔs Jɔn 2:2 se, “Na bikɔs Krayst sakrifays insɛf mek Gɔd padin wi sin dɛm, ɛn nɔto wi yon sin nɔmɔ Gɔd padin, I padin ɔlman sin.“ Jizɔs grap na di grev, fɔ sho in pawa ova sin ɛn day (Fɔs lɛta fɔ Kɔrint 15:1-28). Prez Gɔd fɔseka di day ɛn grap we Jizɔs Krayst du, di sɛkɛn af di lɛta fɔ Rom 6:23 na tru, “…Bɔt di gift we Gɔd de gi na layf we de sote go fɔseka Jizɔs Krayst wi Lɔd. “
Yu want mek dɛn padin yu sin dɛm? Yu de tink am se yu nɔ go ebul fri frɔm yu sin? Dɛn go padin yu sin if ɔnli yu put yu biliv pan Jizɔs Krayst as yu sevyɔ. Lɛta fɔ Ɛfisɔs 1:7 se, “Pam am wi dɔn fri fɔseka we I day na di krɔs fɔ padin wi sin dɛm,ɛn da gud we Gɔd du mot sɛf nɔ ebul tɔk am.“ Jizɔs pe wi dɛt fɔ mek dɛn padin wi. Wetin yu fɔ du naw, na fɔ aks Gɔd fɔ padin yu fɔseka Jizɔs, ɛn biliv se I day fɔ pe mek dɛn padin yu – dɛn I go padin yu! Jɔn 3:16-17 gɛt dis wɔndaful mɛsej, “Gɔd lɛk mɔtalman dat mek I gi in wangren pikin we I lɛk; so dat ɛnibɔdi we biliv pan am nɔ go day bɔt I go gɛt layf we go de sote go. Gɔd nɔ sɛn in pikin kam na wɔl fɔ kam jɔj mɔtalman, I sɛn am kam fɔ sev ɔlman fɔseka insɛf. “
Padin – na tin we rili izi?
Yes na tin we izi! Gɔd nɔ go padin yu. Yu nɔ go pe fɔ we Gɔd de padin yu. Yu go ɔnli gɛt am if yu biliv fɔseka Gɔd in sori at. If yu gri fɔ tek Jizɔs Krayst as yu sevyɔ ɛn mek Gɔd padin yu, dis na preya we yu go pre. If yu se dis preya ya ɔ ɛni ɔda preya, dɛn nɔ go sev yu na we yu abop pan Jizɔs Krayst nain nɔmɔ go padin yu sin dɛm. Di preya na we nɔmɔ fɔ tɛl Gɔd aw yu biliv am ɛn tɛl am tɛnki fɔ we I gi yu padin. “Gɔd a no se a dɔn du yu bad we na sin ɛn a fit sɔfa fɔ dat. Bɔt Jizɔs bin dɔn sɔfa fɔ mi, so dat fɔseka aw a biliv pan am I go padin mi. A abop pan yu fɔ salveshɔn. Tɛnki fɔ yu wɔndaful sori at ɛn padin! Lɛ I bi so!“
Yu dɔn mek ɔp yu at fɔ Krayst bikɔs ɔf wetin yu dɔn rid na dis buk? If na so, Duya nak na di “A dɔn gri fɔ tek Krayst tide “ bɔtin we de ɔnda.
English
Gɛt Padin? Aw a go gɛt Gɔd fɔ padi mi fɔ ɔl mi sin dɛm?