Kwɛshɔn
Udat na Jizɔs Krayst?
Ansa
Apat frɔm di kwɛshɔn “Gɔd rili de?“ Na sɔm pipul nɔmɔ kin aks di kwɛshɔn if Jizɔs de. Plɛnti pan dɛn gri se Jizɔs na bin mɔtalman we bin de na Izrɛl 2,000 ia ago. Di tɔk bigin wit udat Jizɔs bi. Ɔl di big rilijɔn dɛn de tich se Jizɔs na bin Prɔfɛt ɔ gud ticha ɔ man we de nia Gɔd. Di Baybul in tɛl wi se, Jizɔs bin pas prɔfɛt, gud ticha ɔ man we de nia Gɔd.
Insay C.S. Lewis in buk Ɔdinari Kristiɛniti dɛn rayt dɛn tin dya: “A de ya fɔ tap ɔl dɛn tɔk we nɔ mek sɛns we pipul dɛn de se bɔt am (Jizɔs Krayst): A rɛdi fɔ tek Jizɔs as big gud ticha, bɔt a nɔ gri we I se I na Gɔd. Dat na wan tin we wi nɔ fɔ se. Man we na ɔdinari man ɛn se dɛn tin we Jizɔs se nɔ go bi big gud ticha. I go bi udat kres - ɛn de na de sem ples wit pɔsin we se I na eg we dɛn tif - ɔ I kin bi dɛbul na ɛl. Yu fɔ pik. I lɛk dis man na ɔ bin bi Gɔd in pikin, ɔ kres man ɔ ɔda tin we bad pas ɔl. yu kin se I na ful, yu go pit pan am ɛn kil am lɛk dɛbul, yu go fɔdɔm na in fut ɛn kɔl am Lɔd ɛn Gɔd. Bɔt mek wi nɔ kam wit tin we no kɔrɛkt bɔt se in na big ticha we na mɔtalman. I nɔ lɛf wi wit ɛnitin fɔ tink. I nɔ ivin de tink dat” (Macmillan, 1952, p: 55-56).
So, Udat Jizɔs se I bin bi? Wetin di Baybul se I bi? Fɔs, I na Gɔd we kam lɛk mɔtalman. Jizɔs se na Jɔn 10:30, “Mi ɛn mi Papa na di sem.“ na di fɔs ples, we wi luk am I nɔ tan lɛk se I de tɔk se I na Gɔd. Bɔt lɛ wi luk wetin di Ju dɛn bin du we I se dɛn wɔd ya. Dɛn bin tray fɔ ston am “Fɔ fityay Gɔd bikɔs yu na mɔtalman ɛn yu de se yu na Gɔd“ (Jɔn 10:33). Di Ju dɛn bin si Jizɔs in tɔk lɛk se I de se I na Gɔd. Pan di vas dɛm we wi dɛ kam luk, Jizɔs nɔ bin ɛva kɔrɛkt di Ju dɛm ɔ mek I tray fɔ mek dɛn ɔndastand wetin I se. I nɔ bin ɛva se, “A nɔ se mi na Gɔd.“ we Jizɔs se, “Mi ɔn mi papa na di sem“ (Jɔn 10:30), I bin de se I ɛn Gɔd na di sem.
Na Jɔn 8:58 Jizɔs se, I bin dɔm de bifo Gɔd de mek ɔda tin dɛn na wetin Gɔd kin du, “A de ]l una di tru se bifo Abraham bɔn a dɔn de.“ fɔ ansa wetin Jizɔs se, di Ju dɛn tek ston fɔ ston Jizɔs egen (Jɔn 8:59). Fɔ se I bin dɔ de, Jizɔs gi nem to Gɔd fɔ insɛf – A bin de (si Ɛlsodɔs 3:14). Di Ju dɛn nɔ gri we Jizɔs se in na di sem wit Gɔd, bɔt dɛn bin no wetin I de se.
Ɔda vas dɛn na di Baybul tɛl wi se Jizɔə na Gɔd we kam lɛk mɔtalman, Jɔn 1:1 sɛf tɔk se,”Di wɔd ɛn Gɔd na wan“ wit Jɔn 1:14 we se, “Di wɔd kam bi mɔtalman.“ Tɔmɔs we na Jizɔs in lanin bɔy tɔk to Jizɔs se, “Mi Lɔd ɛn mi Gɔd “ (Jɔn 20:28) Jizɔs nɔ bin kɔrɛkt am.Pɔl we na bin Apɔsul in tɔk bɔt Jizɔs fɔ bi lɛk “Wi big Gɔd ɛn sevyɔ, Jizɔs Krayst “ (Taytɔs 2:13). Pita di Apɔsul sef se wetinApɔsul Pɔl se, Fɔ kɔl Jizɔs “Wi Gɔd ɛn sevyɔ “ (Sɛkɛn Pita 1:1).
Papa Gɔd insɛf bin sɔpɔt wetin dɛn se Jizɔs bi: “Bɔt di pikin we I se, Yu sidɔm ples, o Gɔd go de sote go ɛn yu gud go bi di rɔd na yu sidɔm ples.“ (Di Ibru pipul dɛn 1:8; Sam 45:6) Wetin di Ol Tɛstamɛnt we na Azaya 9:6 bin tɔk bɔt di tin ɔf di spirit pan Krayst: “Dɛn dɔn bɔn bɔy pikin we dɛn dɔn gi wi, ɛn I go gɛt pawa. Dɛn go kɔl am wɔndaful Kanselɔ, Big Gɔd. Papa we de sote go, Prins ɔf pis“ (Ad trɛnk).
Wetin mek di kwɛshɔn bɔt udat Jizɔs bi inpɔtant? Wetin mek I min if Jizɔs na Gɔd? Plɛnti risin de:
• Lɛk wein C.S Lewis sho wi, if Jizɔs nɔ to bin Gɔd, dɛn I bin fɔ big lay man ɛn nɔ go fit abop pan ɛni kayn we.
• If Jizɔs nɔ to bin Gɔd, dɛn di lanin bɔy dɛnsɛf fɔ bin dɔn bi lay man.
• Jizɔs gɛt fɔ bi Gɔd bikɔs dɛm bin prɔmis se di sevyɔ go bi “wan we Oli” (Sam 16:5, NASB). As nobɔdi na dis wɔl nɔ tret bifo Gɔd (Sam 53:1; 143:2), Gɔd insɛf bin gɛ fɔ kam na di wɔl lɛk mɔtalman.
• If Jizɔs nɔ to bin Gɔd, in day na di krɔs nɔ bin fɔ du fɔ pe fɔ wi sin dɛm na di wan ol wɔl (Fɔs Jɔn 2:2) Na Gɔd wangren nɔmɔ go gi wi sakrifays we go de sote go (Lɛta fɔ Rom 5:8; Sɛkɛ lɛta fɔ Kɔrint 5:21).
• Gɔd na in nɔmɔ na di sevyɔ (Ose 13:4; Fɔs Timoti 2:3). If Jizɔs fɔ bi di sevyɔ dɛn in na Gɔd.
Jizɔs gɛt fɔ bi Gɔd ɛn mɔtalman. We na Gɔd, Jizɔs gɛt fɔ mek Gɔd nɔ vɛks. We na mɔtalman, Jizɔs ebul day. We na Gɔd-Mɔtalman, Jizɔs na kiln midul man bitwin ɛvin ɛn di wɔl (Fɔs Timoti 2:5). Yu go gɛt salveshɔn we yu biliv Jizɔs Krayst. We I se‘ “Mi na di rod we fɔ pas go to Gɔd, na mi di tɛl pipul wetin tru bɔt Gɔd ɛn na mi d gi pipul di tru layf. Nɔbɔdi no go kam to mi Papa pas di pɔsin pas tru mi“ (Jɔn 14:6).
English
Udat na Jizɔs Krayst?