Gɛt layf we de sote go?

Di Baybul gi wi klia rod fɔ gɛt layf we de sote go. Fɔs wi fɔ no se wi dɔn sin pan wi Gɔd: “Wi ɔl dɔn sin ɛn dat dɔn mek Gɔd nɔ gladi wit wi “ (Lɛta fɔ Rom 3:23). Wi ɔl dɔn du tin dɛn we Gɔd nɔ lɛk, ɛn dat mek I fit mek Gɔd pɔnish wi. As ɔl wi sin pan Gɔd na wan we de sote go, na pɔnishmɛnt we de sote go go fit fɔ wi. “Di pe fɔ we yu sin na day bɔt Gɔd in gift na layf we de sote go fɔseka Jizɔs Krayst wi Lɔd“ (Lɛta fɔ Rom 6:23).

I lɛk aw I bi, Jizɔs krayst nɔ gɛt sin (Pita in fɔs lɛta 2:22), Gɔd in pikin we de sote go tɔn man (Jɔn 1:1,14) ɛn i day fɔ pe wi prayz. “Gɔd sho in lɔv fɔ wi pan dis: Wi na pipul dɛn wit sin, Krayst day fɔ wi“ (Lɛta fɔ Rom 5:8) Jizɔs day na di krɔs (Jɔn 19:31-42) I tek di pɔnishmɛnt we wi fɔ tek (Sɛkɛn lɛta fɔ Kɔrint 5:21) Afta tri des I grap kɔmɔt na di grev (Fɔs lɛta fɔ Kɔrint 15:1-4), fɔ sho in pawa ova sin ɛn day. “Pan in sori at, I mek wi bɔn egen so dat wi go liv pan op fɔseka we Jizɔs krayst grap na di grev“ (Pita in fɔs lɛta 1:3).

Wit biliv, wi fɔ chenj aw wi de tink bɔt Krayst – Udat na im, wetin I du, ɛn wetin mek – fɔ salveshɔn (Di Apɔsul dɛn wok 3:19). If wi put wi biliv pan am, abop se I day na di krɔs fɔ pe fɔ wi sin dɛm, i go fɔgiv wi ɛn wi go gɛt di prɔmis we na di layf we de sote go na ɛvin. “Gɔd so lɛk mɔtalman dat I gi in wangren pikin we I lɛk; so dat ɛnibɔbi we biliv pan am go gɛt layf we de sote go“ (Jɔn 3:16). “If yu gri se, Jizɔs na Lɔd ɛn yu biliv insay yu at se Gɔd mek I grap na di grev, yu go bi sev“ (Lɛta fɔ Rom 10:9), fɔ gɛt biliv pan di wok we Jizɔs du na di krɔs na di wangren rod fɔ gɛt layf we de sote go! “Nɔ to una sev unsɛf bɔt na bikɔs una biliv pan Jizɔs Krasyt dat mek Gɔd lɛk una wit lɛk we una nɔ fit gɛt. una nɔ gɛt ɛnitin fɔ bost bikɔs una nɔ du ɛnitin” (Lɛta fɔ Ɛfisɔs 2:8-9).

If yu want fɔ tek Jizɔs Krayst as yu sevyɔ, dis na izi we fɔ pre. Mɛmba, se dis preya ɔ ɛni ɔda preya nɔ go sev yu. Na we yu biliv ɛn abop pan Krayst go sev yu pan sin. Dis preya na izi we fɔ tɛl Gɔd aw yu biliv am ɛn tɛl am tɛnki we I gi yu salveshɔn. “Gɔd a no se a dɔn sin pan yu ɛn fɔ gɛt pɔnishmɛnt. Bɔt Jizɔs krayst tek di pɔnishmɛnt we na mi fɔ gɛt so wit biliv we a gɛt pan yu, yu go fɔgiv mi. A put mi op pan yu fɔ salveshɔn. Tɛnki fɔ yu lɛknɛs we a nɔt fit gɛt ɛn yu fɛgivɛs – di gift we na layf we de sote go! Lɛ I bi so!“

Yu dɔn mek ɔp yu at fɔ Krayst bikɔs ɔf wetin yu dɔn rid na dis buk? If na so, Duya nak na di “A dɔn gri fɔ tek Krayst tide “ bɔtin we de ɔnda.

English

---

Go bak to Krio home page

Gɛt layf we de sote go?