Kwɛshɔn
Jizɔs na Gɔd? Jizɔs bin ɛva se I na Gɔd?
Ansa
Sɔm pipul we bin de dinay se Jizɔs na Gɔd, na dɛm se Jizɔs nɔ bin se in na Gɔd. Na tru se di Baybul sɛf nɔ bin ɛva rayt we Jizɔs bin se dɛn wɔd ya, “Dis nɔ bin min se, Jizɔs nɔ bin se in na Gɔd.“
Jizɔs na Gɔd ? – Jizɔs se in na Gɔd.
Mek wi tek Jizɔs in wɔd na Jɔn 10:30 as ɛgzampul, “Mi ɛn mi Papa na di sem.“ Nɔmɔ, wi gɛt fɔ luk aw di Ju pipul dɛn bin tek di tɔk bɔt we i se i na Gɔd. Fɔ dat dɛn bin tray fɔ sto am: “Yu we na ɔdinari mɔtalman, se yu na Gɔd“ (Jɔn 10:33 tɔk bɔt dis). Di Ju dɛn bin no wetin Jizɔs de se – tin bɔt di spirit. Wɛ Jizɔs se, “Mi ɛn mi Papa na di sem,“ I bin de tray fɔ se in ɛn in Papa na di sem pɔsin ɛn dɛn de fɔ di sem risin. Jɔn 8:58 na wan ɔda ɛgzampul. Jizɔs se, “ A de tɛl una di tru …… bifo Abraham bin bɔn, na mi!“ Dis go mek wi mɛmba ɛksodɔs 3:14 we Gɔd bin sho insɛf as “Na im.“ Di Ju dɛm we bin yɛri dis wɔd ya bin tek ston fɔ kil am fɔ de bad we I du as na so di lɔ we mozis rayt se (Livitikɔs 24:16).
Jizɔs na Gɔd ? – Di wan dɛn we de sɔpɔt am se in na Gɔd.
Jɔn insɛf bin tɔk bɔt wetin Jizɔs bin se di tin bɔt di spirit: “Di wɔd (Jizɔs) na Gɔd“ ɛn “di wɔd bin tɔn flɛsh” (Jɔn 1:1,14). Dɛn vas dɛm ya de tɛl wi fayn wan se Jizɔs na Gɔd na di flɛsh. Di Apɔsul dɛn wok 20:28 de tɛl wi se, “Yu fɔ bi udat de luk afta Gɔd in os we I yuz in yon blɔd fɔ pe fɔ.“ Udat pe fɔ Gɔd in os wit in yon blɔd? Jizɔs Krayst. Ɛn dis sem vas tɛl wi se na Gɔd pe fɔ di os wit in yon blɔd. Dat mek Jizɔs Gɔd.
Tɔmɔs we na lanin bɔy se dis bɔt Jizɔs, “Mi Lɔd ɛn mi Gɔd“ (Jɔn 20:28). Jizɔs nɔ bin kɔrɛkt am. Taytɔs 2:13 in bayobayo wi fɔ mek wi wet fɔ di tɛm we wi Gɔd ɛn seviyɔ Jizɔs Krayst go kam, (si Sɛkɛn Pita 1:1 insɛf) Na di buk Di Ibru pipul dɛm 1:8, di Papa bin tɔk bɔt Jizɔs, “Bɔt di pikin I bin se, Yu sidɔm ples, O Gɔd go de sote go, ɛn yu gudnɛs go bi di tik usay yu de. “ Di Papa bin tek Jizɔs as Gɔd, we min se fɔ tru Jizɔs na Gɔd.
Na di buk Rɛvɛleshɔn, di anjɛl bin aks di apɔsul Jɔn fɔ mek I wɔship Gɔd nɔmɔ (Rɛvɛleshɔn 19:10). Plɛnty tɛm na di Baybul, dɛn bin de wɔship Jizɔs (Matyu 2:11; 14:33; 28:9,17; Lyuk 24:52; Jɔn 9:38) I nɔ bin de ɛva tɔk pan pipul fɔ wɔship am. If Jizɔs nɔ to bin Gɔd, I bin fɔ tɛl pipul nɔ fɔ wɔship am, jɛs lɛk aw di anjɛl na Rɛvɛleshɔn bin du. Pan ɔl dat, plɛnty pasej na di Baybul bin agyu bɔt we Jizɔs na Gɔd.
Jizɔs na Gɔd ? – Di risin fɔ mek Jizɔs bi Gɔd
Di big risin fɔ mek Jizɔs bi Gɔd na dat, if in nɔ to Gɔd, we I day na di krɔs nɔ bin fɔ du fɔ pe fɔ di ol wɔl in sin (Fɔs Jɔn 2:2). If Jizɔs na bin ɔdinari mɔtalman we nɔ to Gɔd, I nɔ bin fɔ ebul pe ɔl wetin I nid fɔ ɔl di sin we wi gɛt to Gɔd. Na Gɔd nɔmɔ go tek di sin na di wɔl (Sɛkɛn Lɛta fɔ Kɔrint 5:21), day ɛn I grap bak, fɔ sho in pawa ova sin ɛn day.
Jizɔs na Gɔd ? Yɛs. Jizɔs se in na Gɔd. Di wan dɛn we de sɔpɔt am biliv se in na Gɔd, Di salveshɔn we I gi wi go wok if Jizɔs na Gɔd. Jizɔs na Gɔd we kam pan flɛsh, di alfa ɛn omɛga we de sote go (Rɛvɛleshɔn 1:8; 22:13) ɛn Gɔd wi savyɔ (Sɛkɛn Pita 1:1).
English
Jizɔs na Gɔd? Jizɔs bin ɛva se I na Gɔd?