Kwɛshɔn
Wetin na Kristiɛn?
Ansa
Di dikshɔnari minin fɔ Kristiɛn na tin we fiba to we “Pɔsin we de sho biliv pan Jizɔs as di Krayst ɔ biliv pan di Kristiɛn praktis we de tich bɔt Jizɔs.“ Dis na gud stat lɛk aw plɛnti ɔda dikshɔnari sho di minin, I nɔ ebul tɛl wi wetin na di tru minin we di Baybul se bɔt Kristiɛn. Dɛn yuz di wɔd “Kristiɛn“ tri tɛm na di nyu tɛstamɛnt (Di Apɔsul dɛn wok 11:26; 26:28; Fɔs Pita 4:16) Na Jizɔs in lanin bɔy dɛn fɔs dɛn kɔl “Kristiɛn“ na Antioch (Di Apɔsul dɛn wok 11:26) bikɔs aw dɛn de du tin, wetin dɛn de du ɛn aw dɛn de tɔk sɛf bin fiba Jizɔs. Di wɔd “Kristiɛn“ min “Fɔ de grup fɔ Krayst“ ɔ “Krayst in lanin bɔy “.
Di bad pat na afta sɔntɛm, di wɔd “Kristiɛn“ dɔn lɔs in test ɛn dɛn kin yuz am fɔ pɔsin we de nia Gɔd, ɔ pɔsin we gɛt gud bilif bɔt dɛn wan ya kin bi ɔ nɔ kin bi udat na Jizɔs Krayst in lanin bɔy. Plɛnti pipul we nɔ biliv ɛn abop pan Jizɔs Krayst tek dɛnsɛf as Kristiɛn bikɔs dɛn de go chɔch ɔ dɛn tap na kɔntri we dɛn na “kristiɛn”. Bɔt fɔ go chɔch, ɛp po pipul dɛm ɔ fɔ bi gud pɔsin nɔ go mek yu fɔ bi kristiɛn. Fɔ go na chɔch nɔ go mek yu bi kristiɛn lɛk we fɔ go na garaj go mek yu bi mɛkanik. Fɔ bi chɔch mɛmba, de go sevis ɔltɛm ɛn fɔ du ɔl di chɔch wok nɔ go mek yu kristiɛn.
Di Baybul de tich wi se, ɔl di gud wok dɛn nɔ go mek Gɔd tek wi. Taytɔs 3:5 se, “I sev wi, nɔ to bikɔs ɔf di gud tin dɛm we wi dɔn du, bɔt bikɔs na Gɔd we gɛt sori at. I sev wi fɔseka di nyu bɔn we mek wi spirit nyu egen“. So kristiɛn na sɔmbɔdi we dɔn bɔn di sɛkɛn tɛm bay Gɔd (Jɔn 3:3; Jɔn 3:7; fɔs Pita 1:23) ɛn I dɔn put biliv ɛn abop pan Jizɔs Krayst. Lɛta fɔ Ɛfisɔs 2:8 de tɛl wi se na “…bay Gɔd in sɔri at mek yu dɔn sev fɔseka di biliv - ɛn dis nɔ to bay yusɛf bɔt na di gift ɔf Gɔd.“
Di tru kristiɛn na pɔsin we dɔn put biliv ɛn abop pan di pɔsin ɛn di wok we Jizɔs krayst de du, we in day na di krɔs as pe fɔ wi sin ɛn we I day ɛn grap tri des. Jɔn 1:12 de tɛl wi se, “Bɔt ɛnibɔdi we gladi fɔ mek I kam na in layf ɛn biliv am, I go gi am di rayt fɔ bi Gɔd in pikin.“ Wetin de sho se yu na tru kristiɛn na we yu lɛk yu kɔmpin ɛn de du wetin Gɔd se na in wɔd (Fɔs Jɔn 2:4; 10). Tru kristiɛn na Gɔd in pikin ɛn in de pan Gɔd in famili ɛn na pɔsin we dɔn gɛt nyu layf pan Jizɔs Krayst.
Yu dɔn mek ɔp yu at fɔ Krayst bikɔs ɔf wetin yu dɔn rid na dis buk? If na so, Duya nak na di “A dɔn gri fɔ tek Krayst tide “ bɔtin we de ɔnda.
English
Wetin na Kristiɛn?