Kwɛshɔn
A dɔn jɛs put biliv pan Jizɔs … wetin naw?
Ansa
Tɛnki! Yu dɔn du tin we go chenj yu layf! Sɔntɛm yu de aks “wetin naw? Aw a go bigin waka wit Gɔd?” Di fayv stɛp we wi tɔk bɔt dɔŋ go sho wi na di Baybul. We yu gɛt kwɛshɔn pan di waka, duya kam na wi pej: https://www.gotquestions.org/Krio
1. Mek shɔ se yu sabi bɔt salveshɔn.
Jɔn in fɔs lɛta 5:13 di tɛl wi se “A de rayt dɛn tin ya to yu we biliv pan Gɔd in pikin in nem so dat yu go no se yu gɛt layf we de sote go.“ Gɔd want mek wi sabi bɔt salveshɔn. Gɔd want mek wi no fɔ shɔ se wi dɔn sev. Lɛ wi luk di men pɔynt dɛm bɔt salveshɔn.
(a) Wi ɔl dɔn sin. Wi dɔn du tin dɛm we nɔ fayn na Gɔd in yey (Lɛta fɔ Rom 3:23).
(b) Bikɔs ɔf wi sin dɛm, wi fit fɔ sɔfa we go sheb wi ɛn Gɔd sote go (Lɛta fɔ Rom 6:23).
(c) Jizɔs day na di krɔs so dat I go pe fɔ wi sin dɛm (Lɛta fɔ Rom 5:8; Sɛkɛn lɛta fɔ Kɔrint 5: 21). Jizɔs day fɔ wi, I sɔfa fɔ wi. We I grap bak sho se I dɔn pe fɔ wi sin dɛm.
(d) Gɔd de fɔgiv ɛn gi salveshɔn to ɔl udat put in biliv pan Jizɔs – abop pan in day we na pe fɔ wi sin dɛm (Jɔn 3:16; Lɛta fɔ Rom 8:1).
Dis na di mɛsej bɔt salveshɔn! if yu dɔn put yu biliv pan Jizɔs Krayst as yu sevyɔ, yu dɔn sev! I dɔn fɔgiv ɔl yu sin dɛm ɛn Gɔd dɔn prɔmis yu se I nɔ go ɛva lɛf ɔ drɛb yu (Lɛta fɔ Rom 8:38-39; Matyu 28:20). Mɛmba se, yu salveshɔn lɔk pan Jizɔs Krayst (Jɔn 10:28-29). If yu abop pan Jizɔs in wangren as yu sevyɔ, yu go shɔ se yu go de wit Gɔd na ɛvin sote go!
2. Fɛn gud chɔch we de tich bɔt di Baybul.
Nɔ tink bɔt chɔch as di os. Di chɔch na di pipul dɛm, I inpɔtant we di wan dɛm we biliv Jizɔs Krayst gɛt padi biznɛs wit dɛnsɛf. Dat na wan big risin fɔ di chɔch. Naw we yu dɔn put yu biliv pan Jizɔs Krasyt, wi de bayobayo yu mek yu fɛn chɔch we biliv de Baybul usay yu de ɛn tɔk to di Pastɔ. Mek I no bɔt yu nyu biliv pan Jizɔs Krayst.
Di sɛkɛn risin fɔ I chɔch na fɔ tich bɔt di Baybul. Yu go lan aw fɔ put wetin Gɔd aks na yu layf. Fɔ sabi di Baybul na di men we fɔ liv layf we bɛtɛ ɛn liv kristiɛn layf we gɛt pawa. Sɛkɛn lɛta to Timoti 3:16-17 se. “Ɔl wetin de na di Baybul gɛt Gɔd in pawa ɛn I gud fɔ yuz am fɔ tich, drɛb, kɔrɛkt ɛn tren bɔt di gud tin dɛm, so dat Gɔd in pipul dɛn go gɛt wetin go mek dɛn du ɔl gud wok.“
Di tɔd risin fɔ di chɔch na fɔ wɔship. Fɔ wɔship na fɔ tɛl Gɔd tɛnkl fɔ ɔl wetin I dɔn du fɔ yu! Gɔd dɔn sev wi. Gɔd lɛk wi, Gɔd de gi wi wetin wi want. Gɔd de gyad ɛn sho wi usay ɛn wetin wi fɔ du. Wetin mek wi nɔ fɔ tɛl am tɛnki? Gɔd nɔ de du bad, na Gɔd we tret, I lɛk wi ɛn na Gɔd wit sori at. Rɛvaleshɔn 4:11 se, “Yu we na wi Gɔd ɛn Lɔd. na yu fit fɔ gɛt ɔl di glory, ɔna ɛn di pawa, fɔ we yu mek ɔltin, ɛn bay aw yu want am, yu mek dɛm fɔ liv.“
3. Put tɛm ɛvride we yu go gɛt wit Gɔd.
Na inpɔtant tin fɔ mek wi gɛt tɛm wit Gɔd ɛvride. Sɔm pipul de kɔl am “Kwayɛt tɛm.“ Ɔda pipul dɛm kɔl am “Tɛm fɔ gi yu at to Gɔd “, bikɔs dis na tɛm we wi fɔ gi wisɛf to Gɔd. Sɔm kin lɛk fɔ gi tɛm na mɔnin ɛn ɔda pipul dɛn na iviv tɛm. I nɔ min aw yu kɔl dis tɛm, ɔ us tɛm yu du am. Di men tin na dat yu gɛt tɛm wit Gɔd. Wetin go apin ɔl dat de mek wetin na wi tɛm wit Gɔd?
(a) Preya. Preya na we yu de tɔk to Gɔd. Tɔk to Gɔd bɔt wetin yu want ɛn yu waala dɛm. Aks Gɔd fɔ gi yu sɛns ɛn gyad yu. Aks Gɔd fɔ gi yu wetin yu want. Tɛl Gɔd aw yu lɛk am ɛn aw yu lɛk ɔl wetin I dɔn du fɔ yu. Na dat yu preya fɔ bi.
(b) Fɔ rid di Baybul. Fɔ ad pan we yu rid di Baybul na chɔch, sɔnde skul ɔ Baybul stɔdi klas - yu nid fɔ rid di Baybul yusɛf. Di Baybul gɛt ɛvritin we yu nid fɔ mek yu liv bɛtɛ kristiɛn layf. I gɛt aw Gɔd de gyad yu fɔ du tin wit sɛns, aw fɔ gyad yu to wetin Gɔd want, aw fɔ prich to ɔda pipul, ɛn aw fɔ mek yu spirit layf gro. Di Baybul na Gɔd in wɔd we I gi wi. Di Baybul na Gɔd in buk fɔ tich wi aw fɔ liv wi layf lɛk aw Gɔd want am ɛn dat go pliz am ɛn satisfay wi.
4. Mek padibiznɛs wit pipul we go ɛp yu spirit layf.
Fɔs lɛta fɔ Kɔrint 15:33 tɛl wi se, “Mek dɛn nɔ mislid yu: Bad padi de pwɛl gud abit.“ Plɛnti say de na di Baybul we de wɔn wi bɔt “bad“ pipul we go de wit wi. We wi de wit bad pipul dɛm we de du bad, dat go mek wisɛf tray fɔ du di sem bad tin dɛm. Di abit we di wan dɛn we de rawnd wit gɛt “go tek“ ova wi. Na dat mek I fayn fɔ de wit pipul we lɛk Gɔd ɛn gɛt tɛm fɔ am.
Tray fɛn wan padi ɔ tu, sɔntɛn I kin bi na yu chɔch, we go ɛp yu ɛn bayobayo yu (Di Ibru pipul dɛm 3:13; 10:24). Aks yu padi mek I mek yu fɔ ansa to tu kwayɛt tɛm, wetin yu de du, ɛn aw yu de waka with Gɔd. Aks mek yu du de sem fɔ dɛm. Dis nɔ min se yu gɛt fɔ avɔyd ɔl yu padi we nɔ sabi bɔt di Lɔd Jizɔs Krayst as dɛn sevyɔ. Stil bi dɛn padi ɛn lɛk dɛm. Izi wan, mek dɛn no se Jizɔs dɔn chenj yu layf ɛn dat mek yu nɔ de du di sem tin we yu bin de du egen. Aks mek Gɔd gi yu di chans fɔ tɛl yu padi dɛm bɔt Jizɔs.
5. Mek dɛn baptayz yu.
Plɛnti pipul nɔ sabi wetin I min fɔ baptayz. Di wɔd baptayz min fɔ “dip yu na wata.“ Fɔ baptayz na di we na di Baybul fɔ tɔk bɔt yu nyu biliv pan Krayst ɛn we yu gi yusɛf fɔ fala am. We dɛn dip yu na wata sho se dɛn dɔn bɛri yu wit Krayst. We yu kɔmɔt na di wata de sho we Krayst grap bak. We yu baptayz de sho se yu de wit Jizɔs we I day, dɛn bɛr am ɛn we I grap bak (Lɛta fɔ rom 6:3-4).
Fɔ baptayz nɔ to in go sev yu. Baptizim nɔ go was yu sin dɛm. Baptizim na di stɛp fɔ du wetin Gɔd want, tɔk trange wan bɔt yu biliv pan Krayst in wangren fɔ salveshɔn. Baptizim inpɔtant bikɔs na stɛp fɔ mek yu du wetin Gɔd want – Tɔk trange wan bɔt yu biliv pan Krayst ɛn we yu gi yusɛf to am. If yu dɔn rɛdi fɔ mek dɛn baptayz yu, tɔk dat wit yu pastɔ.
English
A dɔn jɛs put biliv pan Jizɔs … wetin naw?