ৱাহং
লোম্বা নাইদবা পুন্সি ফংলব্রা?
পাওখুম
ময়েক শেংলবা পুন্সি লম্বী অমা বাইবলদা তাকলি। অহানবদা, ঐখোয়না শেম্বিবা মপুগী মফমদা অয়োল-অরান তৌরে হায়বসি য়াবিবা তাই: ‘‘ঐখোয় পুম্নমক অয়োল-অরানগী মরম্না শেম্বিবা মপুগী মতিক মঙাল ফংবা ঙমদে।’’ রোমীয় 3:23)। ঐখোয় পুম্নমক শেম্বিবা মপুনা য়ানিংদবা থবক তৌবা মরম্না, চৈরাক ফংবা য়ারবা ঙাক্তনি। ঐখোয়গী অয়োল-অরান পুম্নমক অসি অমত্তা ঙাইরবা লোম্বা নাইদবা শেম্বিবা মপুগী মফমদা হকথেংননা তৌরুবা মরম্না, লোম্বা নাইদবা চৈরাক অমদি ফংফম থোকলবনি। ‘‘মরমদি অয়োল-অরান তৌরুবগী মহৈদি অশিবনি, অদুবু ঐখোয়গী ইপুরোই ইবুংঙো যীশু খৃষ্টগী মতেংনা লোম্বা নাইদবা পুন্সি ফংবা ঙমহল্লি’’ (রোমীয় 6:23)।
অদুম ওইনমক, যীশু খৃষ্ট, অয়োল-অরান চেন্দবা (1 পিতর 2:22), শেম্বিবা মপুগী লোম্বা নাইদবা মচানিপানা তাইবং মী ওইনা পোকলকখি (যোহান 1:1,14) অমসুং ঐখোয়গী ইরাল কোকনবা শিবিখি। ‘‘অসুম্না ঐখোয়গী দমক শেম্বিবা মপু মহাক্কী নুংশিবা অদু উৎখি: ঐখোয়না অয়োল-অরান চেনবা ওইনা লৈরিঙৈদা, খৃষ্টনা ঐখোয়গী দমক শিবিখি’’ (রোমীয় 5:8)। যীশু খৃষ্ট পাং মথক্তা শিখি (যোহান 19:31-42), ঐখোয়না ফংগদবা চৈরাক মহাক্না ফংখি (2 কোরিন্থীয় 5:21)। শিরবা মতুং নুমিৎ হুমনিগী মতুংদা মহাক অমুক হিংগৎখি (1 কোরিন্থীয় 15:1-4), অয়োল-অরান অমসুং শিবগী মথক্তা ইবুংঙো মহাক্না ঙম্মি হায়বা খুদম উৎখি। অশিবদগী যীশু খৃষ্টবু হিংগৎপবগী মপান্না মহাক্কী য়াম্না চাউরবা মীনুংশিগা লোইননা অহিংবা তরং তরং নীঙজবদা অনৌবা মপোক অমা পিবিরে (1 পিতর 1:3)।
থাজবনা, অয়োল-অরান্দগী ঐখোয় নান্থোক্কনি অদুগা অরান খুভমগী দমক খৃষ্টদা ওনশিনগনি (পাখোন 3:19)। ঐখোয়না মহাকপু থাজদুনা, ঐখোয়গী অয়োল-অরান কোকপিনবা মহাক্না ক্রোস্তা শিখিবা অদু থাজরবদি, ঐখোয়বু ঙাকপিগনি অমদি সোরারেনগী লৈবাক্তা লোম্বা নাইদনা হিংলুগনি’’ (যোহান 3:16)। নহাক্না নহাক্কী চীন্না, ‘যীশুবু ইপুরোইনি’ হায়দোকচরবদি লোইননা অশিবশিং মরক্তগী ইবুংঙোবু শেম্বিবা মপুনা হিংগৎপিরে হায়বসি পুক্নিংদা থাজরবদি, নহাকপু কনবিগনি’ রোমীয় 10:9)। ক্রোস মথক্তা খৃষ্টনা লোইশিনবিখিবা থবক অদুদা থাজবখক্তনা লোম্বা নাইদবা পুন্সি ফংনবগী অমত্তা ঙাইরবা লম্বীনি! ‘‘মরমদি মসি থাজবগী মরম্না থৌজালনা নখোয়বু কনবিরে – অদুগা মসি নখোয় নশাদগী নত্তে, মসি শিদবা মপুগী খুদোলনি – থবক্না নত্তে, অদুনা কনা অমতনা চাউথোকপা য়ারোই।’’ ( এফিসা 2:8-9)।
অদোম্না যীশু খৃষ্টবু অদোমগী লানবীবা মপু ওইনা লৌশিনবা পাম্বিরবদি, শীজিন্নবা য়াবা হায়জবা অমা লৈ। হায়জবা অসি নৎত্রগা অতোপ্পা হায়জবা অমা শোল্লগা নহাক কনবিবা ঙম্লোই হায়বা নিঙশিংবিয়ু। খৃষ্টদা থাজবা খক্তনা নহাক অয়োল-অরান্দগী কনবিবা ঙমগনি। হায়বা অসিদি নহাক্না অরান-খুভম পিবিনবগী দমক নহাক্না শেম্বিবা মপুদা থাজবা অমসুং তৌবিমল খঙবা উৎপা ওইনা ফোংদোক্নবা ইচম চম্বা মওং অমনি। ‘‘শেম্বিবা মপু, নহাক্কী মফমদা ঐহাক লাল্লে হায়বা ঐহাক খঙজৈ অদুনা মসিগী দমক ঐহাকপু চৈরাক পিবিবা য়ারবনি। অদুবু ঐহাক্না ফংগদবা চৈরাক অদু যীশু খৃষ্টনা ফংখিবা অদুদা থাজবগী মপান্না ঐহাকপু ঙাকপিরে। ঐহাক ঐহাক্কী অয়োল-অরান্দগী মাই লৈথোকচরে অমসুং অরান-খুভমগী দমক্তা নহাক্কী মফমদা থাজবা থমজরি। নহাক্কী অঙকপা থৌজাল অমসুং ঙাকপিহৈবা অসিগী দমক নহাকপু থাগৎচরি। মসি লোম্বা নাইদবা পুন্সিগী খুদোলনি! অমেন!’’
অইবা অসি পাবদগী নহাক খৃষ্টগী দমক ৱারেপ লৌরব্রা? করিগুম্বা ৱারেপ লৌবা লৈরবদি, মখাগী ‘‘ঐহাক ঙসি খৃষ্টবু লৌশিঞ্জরে’’ হায়বা অসিদা নম্বিয়ু।
English
লোম্বা নাইদবা পুন্সি ফংলব্রা?