ৱাহং
যীশু খৃষ্ট কনানো?
পাওখুম
“শেম্বিবা মপু লৈব্রা?” হায়বা ৱাহং অসিগা মান্নবা মওংদা মী ময়াম্না যীশু লৈরমব্রা হায়না হংদে। যীশু মী অমা ওইনা, চহি 2000 রোমগী মমাংদা ইস্রায়েলদা লৈরম্মি হায়না ময়াম্না থাজনৈ। ৱাহং অসিদা নৈনরিবা ৱাফম অসি যীশুগী অশেংবা শক্তমগী মরমদনি। মালেমদা লৈরিবা লানিং-লাইশোন চৎপা ফুরুপ অয়াম্বনা যীশু মাইচৌ অমনি নৎত্রগা অফবা তম্বিবা মীশক অমনি নৎত্রগা লাইনিং চেৎপা মীশক অমনি হায়না তম্বি। অদুবু যীশু ইচম চম্বা মাইচৌ, অফবা তম্বিবা মীশক অমা, নৎত্রগা লাইনিং চেৎপা মীশক অমনি হায়না তম্বিবা ৱাফম অসিদগী য়াম্না হেল্লি হায়না বাইবলনা তম্বি।
সি: এস: লুৱিসনা ইচম চম্বা খৃস্ত্যান হায়বা মহাক্কী লাইরিক্তা অসুম্না ইদুনা হায়: “কনাগুম্বা খরনা মহাক্কী (যীশু খৃষ্ট) মরমদা ৱাখল লৌশিং ৱাৎনা ঙাংবা থীঙনবা ঐনা হোৎনরি: ‘যীশু য়াম্না চাউবা মীওইবগী মরমদা তম্বিবা অমনি হায়বা ঐ লৌশিনবা ঙম্মি, তৌইগুম্বসুং মহাক শেম্বিবা মপুনি হায়রবদি ঐ লৌশিনবা ঙম্লোই।’ মসি ঐখোয়না হায়রোইদবনি। যীশু ইচম চম্বা মীনি হায়রগা, মহাক অচৌবা তম্বিবা অমা ওইরম্মি হায়বা য়ারোই। মসি হায়রিবা মীশক অদু ৱাখল শুদবা মীশক অমা ওইরম্বা য়াই – নৎত্রগা মী অদু খমনুং লৈবাক্কী দেবিল অদু ওইরম্বা য়াই। নহাক্না খল্লিবা অদু অমদা লেপকদবনি। নিপা অসি অসিনি, নৎত্রগা অদুনি, নৎত্রগা শেম্বিবা মপুগী মচানিপানি, নৎত্রগা অঙাওবনি নৎত্রগা অদুদগী হেন্না ফত্তবা মীশক হায়না অমা হায়বা য়াই। নহাক্না মহাক অপঙবা মীনি হায়বা য়াই, নহাক্না মঙোন্দা তিন শিৎনিংবা অমসুং মহাক ফত্তবা থৱায় অমনি হায়দুনা হাৎনিংবা পোকপা য়াই; নৎত্রগা নহাক মহাক্কী খুয়া খাদা চঙজদুনা মহাকপু ইপুরোই অমসুং শেম্বিবা মপু হায়না লৌশিনবা য়াই। তৌইগুম্বসুং ইবুংঙো মহাক্কী মরমদা ঐখোয়না হায়নিংবা ৱাহৈ শীজিন্নদুনা মহাক মীওইবগী মরমদা অফবা তম্বিবা অমনি হায়না মরম চাদনা হায়রোইদবনি। ঐখোয়না মহাক্কী মরমদা হায়নিংবা হায়নবা ইবুংঙো মহাক্না ঐখোয়গী খুৎতা পিরমদে। ইবুংঙো মহাক্না মদু পান্দে।”
অদুনা, যীশুনা মহাক কনানো হায়বগে? বাইবলনা মহাক কনানো হায়বগে? অহানবদা, যোহান 10:30 দা যীশুনা হায়খিবা ৱাহৈশিং য়েংসি, “ঐ অমসুং ইপা অমতনি।” অহানবা য়েংবদা, মহাক শেম্বিবা মপুনি হায়না উদবা য়াই। অদুম ওইনমক, ইবুংঙো মহাক্না হায়খিবা অদু তাবদা যিহুদিশিংনা পিরকখিবা পাউখুম মওং অদু য়েংবিয়ু, “ঐখোয়না নঙবু নুংনা থাগদৌরিবা অসি মসিগী মরম্না নত্তে,” যিহুদিশিংনা খুম্লকই, “অদুবু শেম্বিবা মপুদা থীনা ঙাংবগী দমক্নি, মরমদি, নঙনা ইচম চম্বা মী অমা ওইদুনা, শেম্বিবা মপুনি হাইজৈ।” (যোহান 10:33) যীশুনা শেম্বিবা মপুনি হায়রিবা অদু যিহুদিশিংনা খঙবা ঙমখি। মখা থংনবা ৱাহৈ, “ঐ শেম্বিবা মপুনি হায়দে” হায়বদা, যিহুদিশিংনা হায়খিবা ৱাহৈ অদু যীশুনা লাল্লি হায়দুনা চুমথোকখিদে। “ঐ অমসুং ইপা অমতনি” (যোহান 10:30) হায়না যীশুনা হায়বদা মহাক শেম্বিবা মপুনি হায়না লাউথোকপা উবা ঙম্মি। যোহান 8:28 দা অতোপ্পা পান্দম অমগা লৈ: “ঐনা নখোয়দা থাঙ্গৈশেংনা হাইরি,” যীশুনা হাই, “‘আব্রাহাম পোক্ত্রিঙৈদগী, ঐদি লৈরে!’” অমুক হন্না, মদু তাবদা, যিহুদিশিং নুং খুন্দুনা যীশুদা নুংনা থানবা হোৎনখি (যোহান 8:59)। যীশুনা “ঐনি” হায়না পিখিবা পাউখুম অসিনা অরিবা ৱালেপ্নবদা শেম্বিবা মপুনা মহাক্কী মমিং তাকপদা “ঐনি” হায়বা ময়েক শেংনা তাকই (খোংশানবা 3:14)। শেম্বিবা মপুনি হায়না হায়বা অসি শেম্বিবা মপুগী মাইওক্তা থীনা ঙাংবনি হায়না যিহুদিশিংনা থাজরিবা ৱাহৈ অদু যীশুনা হায়খিবা লৈতে, অদুগা করিগী দমক যিহুদিশিংনা যীশুদা নুংনা থাগে তৌরিবনো?
যোহান 1:1 না হায়, “ৱাহৈ অদু শেম্বিবা মপু ওইরম্মি।” যোহান 1:14 দা, “ৱাহৈ অদুনা হকচাং ওল্লকখি।” মসিনা ময়েক শেংনা তাকই মদুদি যীশু হকচাংদা শেম্বিবা মপু অদুনি। তুংইনবা থোমানা যীশুদা ফোংদোকখি, “ঐগী ইপুরোই অমসুং ঐগী শেম্বিবা মপু” (যোহান 20:28)। যীশুনা মশাবু চুমথোকচদে। পাখোন চৎপা পোলনা ইবুংঙো মহাক্কী মরমদা অসুম্না হায়খি, “. . . ঐখোয়গী অচৌবা শেম্বিবা মপু অমসুং কনবিবা মপু, যীশু খৃষ্ট” (তীতা 2:13)। পাখোন চৎপা পিতরনসু অদুগা মান্ননা হায়খি, “. . . ঐখোয়গী শেম্বিবা মপু অমসুং কনবিবা মপু যীশু খৃষ্ট” (2 পিতর 1:1)। যীশুগী অশেংবা শক্তমগী মরমদা শেম্বিবা মপু ইপানা খঙহৌ-উহৌবনি। “তৌইগুম্বসুং মচানিপাগী মরমদা মহাক্না অসুম্না হায়, ‘হে শেম্বিবা মপু, নহাক্কী ফম্বাল মতম লৈবা খিবিক্তা লৈঙদনা পানগনি, অমসুং লাইনিং চেৎপনা ইবুংঙো নহাক্কী নিংথৌ লৈবাক্কী শাজৈ ওইগনি।’” অরিবা ৱালেপ্নবদা যীশুগী মরমদা মাইচৌশিংনা লাউথোকপদা মঙোন্দা লৈরিবা শেম্বিবা মপুগী ওইবা শক্তম অদু পন্দুনা লাউথোকখি, “ঐখোয়গী দমক অঙাং অমা পোকলে, ঐখোয়গী দমক মচানিপা অমা পিবিরে, অমসুং লৈবাক্কী লৈঙাকনা মহাক্কী মরেংবান্দা লৈগনি। অদুগা ইবুংঙো মহাকপু অঙকপা পাউতাক পিবা, খ্বাইদগী অকনবা শেম্বিবা মপু, লোম্বা নাইদবা ইপা, ইংথবগী নিংথৌ মচা হায়না কৌগনি” (য়াই: 9:6)।
অদুনা সি: এস: লুৱিসনা হায়খিবগুম, যীশু অফবা তম্বিবা মীশক অমনি হায়না থাজবা অসিনা মপুং ফাবা ওইদে। যীশুনা ময়েক শেংনা অমসুং শেম্বিবা নত্তে হায়বা য়ারোইদবা মওংদা হায়খি। করিগুম্বা মহাক শেম্বিবা মপু নত্তে হায়রবদি মহাক মচীন থীবা মীশক অমা ওইরে, মরম অসিনা মহাক মাইচৌ, অফবা তম্বিবা, নৎত্রগা লাইনিং চেৎপা মীশক অমা ওইদ্রে। যীশুনা হায়রম্বা ৱাহৈশিং অদু শন্দোক্না তাকনবা মতম অসিগী “অখঙ-অহৈশিংনা অসুম্না হায়, “পারি-পুরিগী ওইবা যীশুনা” বাইবলদা মহাক্কী মরমদা হায়রিবা মখৈ অসি ময়েক শেংনা হায়দে। যীশুনা করি তৌখি নৎত্রগা তৌখিদে হায়বগী মরমদা ঐখোয় কনা ওইদুনা মরৈ য়েৎনগনি? যীশুগা লোইন্দুনা হিংমিন্নরম্বা, পুন্না থৌগল তৌরম্বা, অমসুং যীশুনা মখোয়দা তম্বিরম্বা (যোহান 14:26) মীশিংনা হায়রম্বা অদুদগী চহি লিশিং অনিগী মতুং “অখঙ-অহৈশিংনা” যীশুনা তৌখিবা নৎত্রগা তৌখিদবা অদুগী মরমদা হপতোক-হপচিন তৌদুনা মখোয়না মতৌ করম্না যীশুগী মরমদা হেন্না খঙবা ঙমগনি?
যীশুগী অশেংবা শক্তমগী মরমদা হংলিবা ৱাহং অসি করিগী মরু য়াম্না ওইরিবনো? যীশু শেম্বিবা মপুনি নৎত্রগা নত্তে হায়বা ৱাফম অসি করিগী মরূ ওইরিবনো? খ্বাইদগী মরু ওইবা ৱাফমদি, করিগুম্বা যীশু শেম্বিবা মপু ওইরমদ্রবদি, মহাক্না তাইবংপান অপুম্বগী অয়োল-অরানগী অতৌমল ওইনা মমল পিনবা মহাক্না শিখিবা অদু মপুং পাদ্রে (1 যোহান 2:2)। শেম্বিবা মপু খক্তনা অদুগুম্বা মনতিক্নবা ঙম্লরোইদবা মমল পিবা ঙম্মি (রোমীয়: 5:8; 2 কোরিন্থ: 5:21)। ঐখোয়গী তোল্লিবা শেন্দোন অদু পিনবা যীশু শেম্বিবা মপু ওইবা তাই। শিবা য়ানবা যীশু মী ওইবা তাখি। অরান-খুভম যীশু খৃষ্ট খক্তদা ফংই। যীশু শেম্বিবা মপু ওইরবদা, মহাক অরান-খুভমগী লম্বী ওইবা ঙম্মি। যীশু শেম্বিবা মপু ওইবগী মরম্না মহাক্না লাউথোকখি, “লম্বী অদুসু অমসুং অচুম্বা অদুসু অমসুং হিংবা অদুসু ঐনি। ঐগী ইপান্না নত্তনা কনা অমতা ইপাগী নাক্তা লাকপা ঙমদে” (যোহান 14:6)।
English
যীশু খৃষ্ট কনানো?