ৱাহং
পাপচেনবগী হায়জবা হায়বসি করিনো?
পাওখুম
পাপচেনবগী হায়জবা হায়বসি মীওই অমনা ঐখোয় পাপচেনবা অমা ঐরে খঙলকপদগী লানবিহৈবা মপু অমা মথৌ তারে খঙলকপদগী হায়জবা অদুবুনি। পাপচেনবগী হায়জবা অমা পাঙথোকপনা মসিনা ফংনিংলিবা অমত্তা ফংবা ঙমলোই। পাপচেনবগী হায়জবা হায়বসি ঐখোয়গী পাপচেনবা মতৌ অমসুং অরান খুবমগীদমক মথৌ তাবগী মতাঙদা মীওই অমনা খঙলিবা, উরিবা, অমদি থাজরিবা মসিদা মপুং ফান য়াওহল্লবা অদুদতা মহৈ লোক্কনি।
পাপচেনবগী হায়জবা হায়বসিগী অহানবা মতাংদি ঐখোয় পুম্নমক পাপচেনবা ঙাক্তনি হায়না খঙমিন্নবসিনি। রোমীয় 3:10 না লাওথোক্লি, “মসি ইদুনা লৈরবনি, অচুম্বতা তৌবা কনামত্তা লৈতে, লৈতে, অমা ফাওবা লৈতে।” বাইবলনা ঐখোয় পুম্নমক অরানবা তৌই হায়না ময়েক শেংনা হায়। ঐখোয় পূম্বা ঈপুরোয়দগী থৌজাল অমসুং ঙাকপীবা পাম্বা পাপচেনবা ঙাক্তনি (তিতা 3:5-7)। ঐখোয়গী পাপনা, ঐখোয় মতমচুপ্পগী ঐনা ফংগদবা চৈরাক ফংফম থোকপনি (মাথি 25:46)। পাপচেনবগী হায়জবা হায়বসি অচুম অরান ৱায়েল তৌবগী মহুত্তা থৌজাল পীবীনবা হায়জবা অমনি। মসি অশাওবগী মহুত্তা থৌজাল পীবীনবা হায়জবা অমনি।
পাপচেনবগী হায়জবা হায়বসিগী অনীশুবা মতাঙদি ঐখোয়গী মাঙখিবা অমসুং পাপকী মশক ওইবা থবক মেনখতনবা হায়দুনা ঈপুরোয়না তৌখিবা থবক অদু মশক খঙবনি (যোহন 1:1,14)। যীশুনা ঈপুরোয়গী অচুম্বগী মরমদা ঐখোয়দা তম্বীরম্বগা লোয়ননা চপ চান চুম্বা অমসুং পাপ চেন্দবা পুন্সি অমদা হিংবিরমই (যোহন 8:46; 2 কোরিন্থীয় 5:21)। অদুদগীদি ঐখোয়গী মহুততা ক্রোস মথক্তা শিবিখি, ঐখোয়না ফংগদবা চৈরাক মহাক্না ফংখি (রোমীয় 5:8)। যীশুনা পাপ, অশিবা, অমসুং নোরোক মায়থীবা পীবা ঙমলে উতনবা শিরুরগা হিংগতলকখি (কোলো 2:15; 1 কোরিন্থীয় পন্দুপ 15)। মসি পুম্নমকসিনা মরম ঐদুনা, ঐখোয়গী থাজবা যীশু খৃস্টদা লৈরগদি- ঐখোয়গী পাপশিং কোকপিদুনা লাইরৈপাক্তা লোমনাইদবা য়ুম অমা পীনবিগনি। ঐখোয়না হেক তৌগদবা হায়ববু মহাক্না ঐখোয়গী মহুত শিন্দুনা শিবিখিবগা লোয়ননা শিরুবদগী হিংগতলকখি (রোমীয় 10:9-10)। এফিসিয়া 2:8 না অসুম্না লাওথোক্লি, “ঐখোয়বু লানবীরিবসি ইবুঙো মহাক্কী থৌজালননি, নিংজবগী মতেঙনা- হায়বদি ঐখোয় ইশাদগী নত্তে, ঈপুরোয়গী খুদোলদগীনি।“
অদোমনা ঈপুরোয়গা চুমথোকমিন্নবা পামলবদি, অশেম্বা লাইশোল অমা লৈ। নিংশিংবীয়ু, লাইশোল অসি নত্রগা অতোপ্পা লাইশোন অমা হায়বনা অদোমবু কনবিবদি ঙমলোই। খৃষ্টদা থাজবা থম্বখক্তনা অদোমবু পাপতগী কনবীবা ঙমগনি। লাইশোন অসি অদোমদা অরান খুবম পীবীনবা অদোমনা ঈপুরোয়বু থাজবা অমসুং মঙোন্দা তৌবীমল খঙবা উতপা ঐনা মহাক্কী মফমদা হায়জনবগী ইচম চম্বা মওং অমনি। ‘‘ঈপুরোয়, নহাক্কী মফমদা ঐহাক লাল্লুরে হায়বা ঐহাক খঙজৈ অদুনা মসিগীদমক ঐহাকপু চৈরাক পীবীবা য়ারবনি। অদুবু ঐহাকনা ফংগদবা চৈরাক অদু যীশু খৃষ্টনা ফংবীখিবদগী মহাকপু থাজরুবগী মপান্না ঐহাকপু ঙাকপীরে। ঐহাক ঐহাক্কী পাপতগী মায় লৈথোকচরে অমসুং অরান খুবমগীদমক্তা নহাক্কী মফমদা থাজবা থমজরি। নহাক্কী অঙকপা ফংলবা থৌজাল অমসুং ঙাকপীহৈবা অসিগীদমক নহাকপু থাগতচরি-মসিনি লোমনাইদবা পুন্সিগী খুদোল! আমেন!’’
অইবা অসি পাবদগী নহাক খৃষ্টগী দমক ৱারেপ লৌরব্রা? করিগুম্বা ৱারেপ লৌবা লৈরবদি, মখাগী ‘‘ঐহাক ঙসি খৃষ্টবু লৌশিঞ্জরে’’ হায়বা অসিদা নম্বিয়ু।
English
পাপচেনবগী হায়জবা হায়বসি করিনো?