प्रश्न
कई परमेसर के मौजुदगी को कई परमाण हें।? कई परमेसर के मौजुदगी को कई परमाण हें।?
जवाब
परमेसर का परमाण को नटारो ने किदो जा सके हे। बाइबल यो भी केवे हे के, आपाँने विस्वास का हाते अणी बात ने मान लेणी छावे हे के, परमेसर मौजुद हे, अन बना विस्वास के वाँने राजी करणो दौरो हे, काँके परमेसर का नके आबावाळा ने विस्वास करणो छावे, के वीं हे, अन आपणे होदबावाळा ने फळ देवे हे। (इब्रानियों 11:6)। यद्याँ परमेसर की अस्यी मरजी वेती, तो वीं बेस अस्यानईंस परगट वीं जाता अन आकी दनियाँ में साबित कर देता के, वाँकी मौजुदगी हे। पण यद्याँ वीं अस्यान करता, तो पच्छे विस्वास की कई जरुरत ने रेती। ईसु वणीऊँ क्यो, थें मने देक्यो हे, ईंवाते विस्वास किदो हे, पण धन्न हे वाँने जणा मने बना देक्याईं विस्वास किदो।樗 (यूहन्ना 20:29)।
ईंको यो मतलब ने हे के, परमेसर का मौजुदगी को कुई परमाणईस ने हें। बाइबल घोसणा करे हे के, आकास ईसवर की मेमा को बखाण कररियो हे , अन गरे-नंगतर वाँकी हाता की कळा ने परगट कररियो हे। दन-दनऊँ बाताँ कररियो हे, अन रात रात ने ग्यान हिकावे हे। ने तो कस्यी बोली हे अन नेई कस्यी भासा जटे वींको सबद हुणाई ने देवे हे। वाँका सबद आकी धरती पे गुंज रिया हे, अन वींका बचन धरती का एक खुणाऊँ दुजाँ खुणा तईं पोंछ ग्या हे। (भजना की किताब 19:1-4)। तारा का आड़ी देकीन, अणी भरमाण्ड की मोटाई ने हमजता तका, धरती का अचम्बा पे ध्यान देता तका, सुरज की सुन्दरता ने देकता तका- ईं हारी चिजाँ दनिया ने बणाबा वाळा परमेसर का आड़ी हान्नी करे हे। यद्याँ यो पुरो ने हे, तो आपणा खुद का हरदा में भी परमेसर का वाते एक परमाण हे सभोपदेसक 3:11 आपाने केवे हे के, वणा मनकाँ का मना में हमेस्या का वाते अन अमर-काळ का ग्यान ने पेदा किदो हे। आपणा में अस्यी कई पेंचाण हे के, अणी जीवनऊँ भी बारणे कई हे अन अणी दनियाँऊँ भी बारणे कुई हे। आपाँ अणी ग्यान ने अकलबंदीऊँ जुटो हमजा हाँ, पण आपाँ में अन आपणे च्यारुमेर परमेसर की मोजुदगी पच्छे भी खुला रुप बणी तकी हें। अणा हाराई का केड़े भी, बाइबल आपाँ ने चेतावे हे के, कुई मनक पच्छे भी परमेसर की मौजुदगी वेबा का बारा में मना कर देई, मुरक आपणा मन में केवे हे के, कुई परमेसर हेई कोयने樗 ( भजना की किताब 14:1)। काँके अबाणु तईं का इतिहास में, हारी संस्करतिया में, हाराई रिवाजा में, हाराई देसा में घणा मनकाँ को मत कस्यान कस्या तरियाँ का परमेसर की मोजुदगी में विस्वास राके हे।, तो अणी विस्वास कौ मस कुईन कुई तो वेई।
परमेसर की मोजुदगी का वाते बाइबल की बाता के अलावा, अटे नरी बाताँ भी हे। पेली, बात देविय ग्यान की हे। विग्यान की बात हेली फेली तकि बात का रुप में अणी बच्यार काम में लेवे के, परमेसर नेईंस परमेसर का मोजुदगी को परमाण देणो छावे। वीं परमेसर को बखाण अटु सरु करे हे के, वो , अतरो मोटो हे के, वींका मोटापणा की बराबरी कणीऊँ भी नी किदी जा सके हे।
पच्छे या बेस सरु वे जावे हे के, मौजुद वेणोईस मौजुद ने वेबाऊँ घणो मोटो हे, अन ईं वाते हाराऊँ मोटा जीव को मौजुद वेणो छावे। यद्याँ परमेसर की मोजुदगी ने हे, तो परमेसर हाराऊँ मोटी होच को जीव ने वे सके हे अन या बात परमेसर का बखाण कोईस नटारो कर देई।
दुजी बाताँ उद्देस की हे।उद्देस की बात या घोसणा करे हे के, गरे-नंगतर एक अस्यी अचम्बा की चिज ने परगट करे हे,ईंवाते वटे कुई ईस्वरीय बणाबा वाळो वेणी छावे। उदाहरण का रुप में, यद्याँ धरती खासतोरऊँस सुरजऊँ तीनस्ये कोस भड़े कन छेटी वेती, तो वा जीवन ने वणी तरियाँऊँ मदत करबा जोगी ने वेती जतरी वाँ आज की टेम में करे हे। यद्याँ आपणे अबाणु की टेम में वातावरण में कस्यी भी चिज हेली कन कम वेती, तो धरती पे लगेभगे हाराई जीवता जीव मर जाता। एक एकल प्रोटीन का अणु का संयोग बणबा की संबावना 10243 मेंऊँ1 मेंऊँ वेवे हे (ईंको मतलब हे के 10 ईंके केडे़ 243 मिण्डियाँ को आणो।) एक एकल कोसिका लाकों अणुवाऊँ मलन बणी तकी वेवे हे)।
परमेसर की मोजुदगी का बारा में ज्या तीजी बात हे वाँ गरे-नंगतर का जस्यान बात हे। हरेक परमाण का पाच्छे एक मस वेणो छावे। यो गरे-नंगतर अन ईंकी चिजाँ को एक परमाण हे। कई न कई एक अस्यी चिज वेणी छावे जिके मस हरेक चिज मौजुदगी में आई। आकीरकार, कस्यी चिज बना कारण की भी वेणी छावे ताँके दुजी हारी चिजाँ के मौजुदगी वेबा को कारण बणे। वाँ बना कारण की चिजँ परमेसर हे।
चोती बात नीती की बात का रुपऊँ जाणी जावे हे। इतिहास में अबाणू तईं हारी संस्करतिया का नके कस्यी नी कस्यी तरियाँ की वेवस्ता वेती तकी अई हे। हाराई का नके सई अन गलत को ग्यान हे। हत्या, जुट, चोरी अन खोटी नीती को लगेभगे दनियारुपी में नटारो किदो जावे हे। सई अन गलत को ग्यान यद्याँ पुवितर परमेसर का नकेऊँ ने आयो तो पच्छे कटुऊँ आयो।?
अणा हाराई का केड़े भी, बाइबल आपाँ ने बतावे हे के, मनक परमेसर का साप अन नट्यो ने जाबा वाळा ग्यान ने भी नट जाई अन ईंके अलावा एक जुट पे विस्वास करी। रोमियो 1:25 घोसणा करे हे के, वणा परमेसर का हाँच ने बदलन जुट बणा दिदो, अन वणी दनिया बणाबा वाळा की ने जो हमेस्या धन्य हे, पण अणी दनिया की भगती अन सेवा किदी। आमीन, (अस्यानीस वेवे। ”बाइबल या भी घोसणा करे हे के, परमेसर पे विस्वास ने करबा का वाते मनकाँ का नके कणी भी तरिया को कुई बायनो कोयने हे। काँके विंका अनदेक्याँ गुण, जस्यान के, वींकी अमर सामरत,अन परमेसर का गुण जीं दनियाँ की रचना की टेम ऊँ वींका कामाँ ऊँ देकता तका आया हा।, अटा तई वींका काम अबाणु भी हे। (रोमियो 1:20)।
मनक परमेसर की मोजुदगी, ने वेबा का वाते ईवाते नट जावे हे, काँके वींमें वेग्यानिकता ने हे कन काँके・ वींको कुई परमाण ने हे।” हाँचो कारण यो हे के, एक दाण मनक मान लेवे हे के, परमेसर हे , तो वाँने यो भी मानणो पड़े के, वीं परमेसर का वाते जिमेदार हे अन वाँने परमेसरऊँ मापी मागबा की जरुत (रोमियो {3:13, 6:23यद्याँ परमेसर की मोजुदगी हे, तो पच्छे आपाँने वींका वाते आपणा कामाँ का वाते जिमेदार हा। यद्याँ परमेसर की मोजुदगी ने हे, तो पच्छे आपी जो छावा वो ईं बात की परवा नी करता तका कर सकाँ हा के, परमेसर आपणो न्याव करी। ईं वातेईस वणा मनकाँ मेऊँ घणा जी परमेसर का वजुद को नकारो कर देवे हे अन दनिया का विकासवाद की बात में तागत का हाते विस्वास करता तका चपक्या तका रेवे हे- यो वाँका वाते एक दनिया बणाबा वाळा परमेसर पे विस्वास करबा का बदले में एक मोको देवे हे। परमेसर हे अन आकिरकार हाराई जाणे हे के, परमेसर हे। खास बात या हे के, कुई मनक तो वींके वजुद ने वेबा का वाते अतरी मेनतऊँ कोसीस करे हे के, वाँको यो काम परमेसर के मौजुद वेबा का वाते एक गवा बण जावे हे।
आपाँ कस्यान जाण सका हा के, परमेसर की मोजुदगी हे।? मसी का विस्वासी वेबा के खातिर, आपाँ जाणा हा के, परमेसर की मोजुदगी हे, काँके आपाँ रोज वाँकाऊँ बात करा हाँ। आपाँ वींने ऊसी अवाज में आपाँऊँ बोलता तका तो ने हुण सका हा, पण आपाँ वींकी मोजदुगी ने मेसुस के सका हाँ, आपाँ वींकी आगेवाणी ने मेसुस कर करा हा, आपाँ वींका परेम ने जाणा हाँ, आपाँ वींके अनुगरह का आस राक सका हाँ। आपणा जीवन में अस्यी घटना घटी तकी हे ज्याको बखाण परमेसर के अलावा कुई दुजो ने कर सके हे। परमेसर आपाँने घणा हेला अचम्बा वाला रुपऊँ बंचाया हे अन आपणा जीवन ने एक अस्या तरिकाऊँ चलाया हे के, आपाँ वींके मोजुदगी की पेचाण अन वींकी मेमा करबा के अलावा ओरी कई ने कर सका हाँ। अणा मेंऊँ अस्यी कस्यी भी बात आपणा खुद में किंने भी परेतित ने कर सके जी अणी बात ने पेचाणबाऊँ नटे हे ज्या पेल्याँईऊँ अतरी खुली हे। आकरी में, परमेसर की मोजुदगी ने विस्वासऊँ मान लेणी छावे। (इबारानियों 11:6) परमेसर पे विस्वास करणो अंदारा में भाटो फेकबा का जस्यान ने हे, यो तो एक हव तरियाऊँ उजिता वाळा ओवरा में होचो-हमज्यो तको कदम हे, जटे पेल्याँईऊँ घणा मनकाँ को मत हे।
English
कई परमेसर के मौजुदगी को कई परमाण हें।? कई परमेसर के मौजुदगी को कई परमाण हें।?