प्रश्न
कई अंनत जीवन मल्यो हे?
जवाब
बाइबल अंनत जीवन का आड़ी एक साप गेलो बतावे हे। हाराऊँ पेल्याँ, आपाँ ने यो मान लेणो छावे हे के, आपाँ परमेसर का नजराँ में पाप किदो हे। ईं वाते के हाराई पाप किदो हे अन परमेसर की मेमाऊँ छेटी हाँ। (रोमियों 3:23)|आपाँ हाराई अस्यान काम किदा हा, जीं परमेसर ने राजी ने करे हे, जीं काम आपाँने दण्ड हकदार बणावे हे। काँके आपणा हाराई पाप एक जुग-जुग का परमेसर की नजराँ में हे, ईं वाते खालि एक अंनत काल को दण्डईस खुब हे। पाप की दानकी तो मोत हे, पण परमेसर को वरदान आपणा परबु ईसु मसी में अंनत जीवन हे। (रोमियों 6:23)।
पण पच्छे भी, ईसु मसी, जीं बना पाप का हे (पतरस 2:22) परमेसर का अंनत बेटो एक मनक बण्यो (यहुन्ना 1:1; 14)अन आपणा जुरमानो देवा का वाते मर ग्यो। परमेसर आपणा पे आपणा परेम की भलाई ईं तरियाँऊँ परगट करे, के, जद्याँ आपाँईस हा, तद्याँ मसी आपणा वाते मर ग्या।(रोमियों 5:8)। ईसु मसी हुळी पे मरिया(यूहन्ना 19:31-42),वणी दण्ड ने तोक्यो जिंका हकदार आपाँ हा (2 कुरिन्थियों 5:21)। तीन दना केड़े वीं मरिया तका मेंऊँ (1कुरिन्थियों 15:1-4) पाप अन मोत का उपरे जीत को परमाण देन जीवता वेग्या। जणा ईसु मसी का मरिया तकाऊँ मेंऊँ जीव उटबाऊँ, आपणी मोटी दयाऊँ आपाँ ने जीवती आस का वाते नुवो जनम दिदो। (1पतरस {1:3)।
विस्वासऊँ, आपाँ ने मसी का गट-जोड़ में आपणा मनाँ ने बदल लेणा छावे हे के, वीं कुण हे, मुगती का वाते वणी कई, अन काँ किदो (प्रेरितों के काम 3:19)। यद्याँ आपाँ वींपे आपणो विस्वास राका हा, वींकी हुळी पे आपणा पापाँ को मोल देबा का वाते वीं मोत पे विस्वास करता तका आपाँ माप किदा जावा अन आपीं हरग में अंनत जीवन का वादा ने पावा। काँके परमेसर दनियाऊँ अस्यो परेम किदो, के वणी आपणा एकाएक पुत ने दे दिदो, ताँके जो कुई वींपे विस्वास करे, वो नास ने वे, पण अंनत जीवन पावे। (यहुन्ना 3:16)।
यद्याँ थाँ आपणा मुण्डाऊँ ‘ईसु ने परबु' जाणीन मानो अन आपणा मनऊँ विस्वास करो के, परमेसर वींने मरिया तका मेंऊँ पाच्छो जिवतो किदो ,तो थाँ हाँची में मुगती पावो। (रोमियों 10:9)। हुळी पे किदा तका ईसु का काम पे विस्वास करणोईस खालि अंनत जीवन को हाँचो गेलो हे। काँके विस्वासऊँ अन अनुगरेऊँईस थाँकी मुगती वीं हे अन यो थाँकी आड़िऊँ कोयने पण परमेसर को दान हे अन ने यो कमजोरी का मस,अस्यो ने वे के, कुई मेपणौ करे। (इफिसियों 2:8-9)।
यद्याँ थाँ ईसु मसी ने आपणा मुगतीदाता का रुप में गरण करणा छारिया वो,तो अटे एक नेनी परातना दिदी गी हे। याद राकज्यो, या परातना कन कुई दुजी परातना बोलणी थाँने बंचा ने सके हे। खाली ईसु मसी में विस्वासईस हे ज्यो थाँने थाँका पापाँऊँ बंचा सके हे। या परातना वींपे आपणाँ विस्वास का बारा में बताबा का वाते अन थाँकी मुगती को प्रबन्ध करबा का वाते धन्नेवाद देबा को खाली एक तरिको हे। हो,परमेसर,मूँ जाणू हूँ में थाँकी नजराँ में पाप किदो हे,अन मुँ दण्ड के जोगो हूँ। पण ईसु मसी वणी दण्ड ने आपणा खुद का उपरे ले लिदो जिंके जोगो मूँ हो, ताँके वींपे विस्वास करबाऊँ मुँ माप किदो जा सकूँ। मूँ मारा उद्दार का वाते थाँकाँ में आपणा विस्वास ने राकुँ हूँ। थाँको अचम्बा वाळो अनुगरे अन मापी, ज्याँ अंनत जीवन को ईनाम हे, ईंका वाते मुँ थाँको धन्नेवाद करुँ हू। आमीन, (अस्यानीस वेवे।) ज्यो कई थाँ अटे भण्यो हे, कई थाँ ईंके मस आपणा ईसु मसी के पाच्छे चालबा का वाते ते कर लिदो हे? यद्याँ अस्यान हे तो रेटे दिदो तको में आज・ ईसु ने मान लिदा हे वाळो・ बटन दवावो।
जो कई थाँ अटे भण्यो हे, कई वींके मस थाँ मसी का पाच्छे चाबा का वाते ते कर लिदो हे? यद्याँ अस्यान हे तो रेटे दिदो तको “आज में ईसु ने मान लिदा हे”, वाळो बटन दबावो।
English
कई अंनत जीवन मल्यो हे?