प्रश्न
कई मापी पा लिदी? मूँ परमेसरऊँ कस्यान मापी पा सकुँ हूँ?
जवाब
प्रेरितों के काम 13:38 घोसणा करे हे के, ईं वाते, हो भाइयो, थाँ जाण लो के, अणीस ईसु मसीऊँ पापाऊँ मापी पाबा को हव-हमच्यार थाँने दिदो ग्यो हे।
मापी कई हे अन मने ईकी जरुत काँ हे?
मापी सबद को अरत पाटी ने पोछीन साप करणी, माप करणा,मुगती ने रद कन खतम कर दिदो जाणो हे। जद्याँ आपाँ किंका वाते कई गलत करा हा,तो आपाँ वणीऊँ मापी पाबा की कोसीस करा हा, ताँके आपणो सम्बन्द पाच्छो बण जावे। मापी ईं वाते ने दिदी जावे हे, काँके कुई मनक मापी का पाबा के जोगो ने हे। कुई भी मापी का पाबा के जोगो ने हे। मापी परेम, दया अन अनुगरे का एक जस्यान काम हे। मापी दूजाँ मनक का नजराँ में कई पकड़्यो तको राकबा का वाते एक ते किदी तकी चिज हे,पलई वणी थाँके लारे कई भी काँ ने किदो वे। बाइबल आपाँने बतावे हे के, आपाँ हाराई ने परमेसरऊँ मापी पाबा की जरुत हे।
आपाँ हाराई पाप किदो हे। सभोपदेश्क 7:20 घोसणा करे हे के, बना भेंम करिया धरती पे अस्यो कुई धरमी मनक कोयने ज्यो बेस भलाईस करे अन जणीऊँ कई पाप ने व्यो हे। 1यहुन्ना 1:8केवे हे, यद्याँ आपी केवा के, आपाँ में कई पाप ने हे, तो आपी आपणा खुद ने धोको देवा हाँ।, अन आपाँ में हाँच कोयने हे। हाराई पाप आकरी में परमेसर की नजराँ में जगड़ा को एक काम हे। (भजना की किताब 51:4)| ईं वाते ईंको यो हे के ,आपाँ ने परमेसरऊँ मापी पाबा की घणी जरुत वेवे हे। यद्याँ आपणा पाप माप ने व्या, तो आपी अंनत जीवन तईं आपणा पापाँ का मस दक जेलता तका रेवा (मत्ती 25:46, यहुन्ना 3:36)।
मापी- या मने कस्यान मल सके हे?
धन्नेवाद की बात या हे के,प्रेमी अन दयाळु परमेसर आपाँने आपणा पापाँ की मापी देबा का वाते त्यार हे। 2पतरस 3:9आपाँने बतावे हे के, परमेसर थाँका बारा में धिरज राके हे,अन ने छावे के, कुई नास वे, पण यो हे के, हाराई ने मन फेरवा को मोको मले। परमेसर आपाँने मापी देबा की मनसा राके हे, ईं वाते वाँकाऊँ आपणा वाते मापी त्यार हे।
आपणा पापाँ का वाते न्याव का हस्याबूँऊँ दण्ड का रुप में मोत हे। रोमियों 6:23 को सुरुवात को हिस्सो यो बतावे हे के, काँके पाप की दानकी तो मोत हे, अंनत मोत वाईस हे जिंने आपाँ आपणा पापाँ का वाते भेळी किदी हे। परमेसर,आपणी पाकी ओजणा का जस्यान, मनक ईसु मसी (यहुन्ना 1:1;14)बण्या। ईसु हुळी पे,वणी दण्ड ने लेता तका मरिया जिंके जोगा आपी था मतलब मोत। 2कुरिन्थियों 5:21आपाँ ने हिक देवे हे के, जो पापऊँ अणजाण हे, वींनेईस वणा आपणाँ वाते पापी ठेरायो के, आपाँ वींमें वेन परमेसर की धारमिकता बण जावा। ईसु हुळी पे, वणी दण्ड ने लेता तका मरिया जिंके जोगा आपा हा। परमेसर का रुप में, ईसु की मोत हाराई दनिया का पापा का वाते मापी को परबन्द किदो। यहुन्ना 2:2 घोसणा करे हे, अन वोईस आपणा पापाँ को पछतावो हे, अन खाली आपणा वातेईंस ने,पण हारी दनिया का पापा को भी। ईसु मरिया तका मेऊँ, पाप अन मोत पे आपणी जीत की घोसणा करता तका जीवता वेग्या। 1कुरिन्थियों 15:1-28) परमेसर की मेमा वेवे, ईसु की मोत अन मरिया तका मेऊँ पाच्छो जीवता वेवाऊँ, रोमियों 6:23 को दुसरो भाग हाँचो वेग्यो ,पण परमेसर को वरदान आपणा परबू ईसु मसी में अंनत जीवन हे।
कई थाँ थाँका पापी की मापी छावो हो?
कई थाँ गुना का पाछे पड़ जाबा वाळी मनसा में भस्या तका हो के, थाँ वणीऊँ छुटकारो ने पा सको हो? थाँके थाँका पापा का वाते मापी त्यार हे यद्याँ थाँ मुगतीदाता का रुप में ईसु मसी में आपणो विस्वास राको हो। इफिसियों 1:7 केवे हे के,आपाँ ने विंमें वींका लुइऊँ छुटकारो, मलतब गुनावा की मापी वींका वणी अनुगरे का धन का जस्यान मल्यो हे। ईसु आपणा वाते आपणो करजो चुका दिदो, ताँके आपी मापी पा सका। थाँने खालि अतरोक करनो हे के, थाँ परमेसरऊँ यो विस्वास करता तका अरज करो के, वीं थाँने ईसुऊँ मापी देवे, काँके ईसु आपणी मापी को मोल देवा का वाते मरिया अन वीं आपाँने माप कर देई। यहुन्ना 3:16-17 में यो हव संदेस मले हे के, काँके परमेसर दनियाऊँ अस्यो परेम किदो हे आपणा एकाएक बेटा ने दे दिदो, ताँके जो कुई वींपे विस्वास करे वीं नास ने वेवे, पण अंनत जीवन पावे। परमेसर आपणा बेटा ने दनिया में ईं वाते खन्दायो के, दनिया पे दण्ड को हुकम देवे, पण ईं वाते खन्दायो के दनिया वणीऊँ मुगती पावे।
मापी- कई या मापी पाणी हाँची में अतरी हेल हे?
हाँ,या अतरी हेल हे। थाँ परमेसरऊँ मापी ने कमा ने सको हो। थाँ परमेसरऊँ दिदी गी मापी को मोल ने दे सको हो। थाँ खाली ईंने विस्वासऊँ, परमेसर का अनुगरे अन दयाऊँ पा सको हो। यद्याँ थाँ ईसु मसी ने आपणा मुगतीदाता रुप में गरण करणा छारियो हो ,तो अटे एक नेनी परातना दिदी गी हे, जिंने थाँ कर सको हो। या परातना कन कस्यी दुजी परातना बोलणी थाँने बंचा ने सके हे। खाली ईसु मसी में विस्वासईस हे ज्यो थाँने थाँका पापाँऊँ बंचा सके हे। या परातना वींपे आपणाँ विस्वास का बारा में बताबा का वाते अन थाँकी मुगती को प्रबन्ध करबा का वाते धन्नेवाद देबा को खाली एक तरिको हे। हो, परमेसर,मू ँजाणू हु के, में थाँकी नजराँ में पाप किदो हे,अन मुँ दण्ड के लायक हूँ। पण ईसु मसी वणी दण्ड ने आपणा खुद का उपरे ले लिदो जिंके जोगो मूँ हो, ताँके वींपे विस्वास करबाऊँ मुँ माप किदो जा सकूँ। मूँ मारी मुगती का वाते थाँकाँ में आपणा विस्वास ने राकुँ हूँ। थाँको अचम्बावाळो अनुगरे अन मापी, ज्याँ अंनत जीवन को ईनाम हे, ईंका वाते मुँ थाँको धन्नेवाद करुँ हू। आमीन, ज्यो कई थाँ अटे भण्यो हे, कई थाँ ईंके मस आपणा ईसु मसी के पाच्छे चालबा का वाते ते कर लिदो हे? यद्याँ अस्यान हे तो रेटे दिदो तको में आज・ ईसु ने मान लिदा हे वाळो・ बटन दवावो।
जो कई थाँ अटे भण्यो हे, कई वींके मस थाँ मसी का पाच्छे चाबा का वाते ते कर लिदो हे? यद्याँ अस्यान हे तो रेटे दिदो तको “आज में ईसु ने मान लिदा हे”, वाळो बटन दबावो।
English
कई मापी पा लिदी? मूँ परमेसरऊँ कस्यान मापी पा सकुँ हूँ?