प्रश्न
थाँका वाते खुदका मुगतीदाता का रुप में ईसु ने मानबा को कई अरत हे?
जवाब
कई थाँ कदी ईसु मसी ने आपणा खुदका मुगतीदाता का रुप में मान्या हे? अणी परसन ने हव तरियाँऊँ हमजबा का वाते पेल्याँ थाँने “ईसु मसी”, “खुदका” अन “मुगतीदाता” जस्या सबदा का बारा में हव हमज वेणी छावे।
ईसू मसी कुण हे? नरई मनक इसु मसी ने एक हव मनक, एक मोटो हिक देबावाळो, कन अटाँ तईं के, परमेसर का आड़ीऊँ बोलबावाळा का रुप में मानी। ईं बाताँ ईसु का बारा में पाकातोरऊँ हाँची हे, पण ईं पुरी तरियाँऊँ यो बखाण ने करे हे के, हाँची में वो कुण हे। बाइबल आपाँ ने बतावे हे के, ईसु देह में परमेसर हे, परमेसर मनक का रुप में हे(देके यहुन्ना 1:1,14)। परमेसर धरती पे आपाँने हिक देबा, हव करबा, आपाँने हुदारबा, माप करबा अन आपणा वाते मरबा ने आया। ईसु मसी परमेसर, दनिया बणाबावाळा अन परबुताऊँ भरिया तका परबु हे। कई थाँ अणा ईसु ने मान्या हे।?
एक मुगतीदाता कुण वेवे हे अन आपाँने एक मुगतीदाता कि जरुरत काँ हे।? बाइबल आपाँने बतावे हे के, आपाँ हाराई पाप किदो हे; आपाँ हाराई जणा बुरा काम किदा हे (रोमियों 3:10-18)। आपणा पापाँ का मस, आपी परमेसर का गुस्सा अन न्याव का भागी हा। एक बना सीमा अन जुग-जुग का परमेसर की नजराँ में पाप करबा का वाते एक सई सजा बना सीमा को दण्ड हे(रोमियों 6:23; परकासित वाक्य 20:1-15)। ईं वाते आपाँने मुगतीदाता की जरुत हे
ईसु मसी धरती पे आया अन वणा आपणी जगाँ पे मोत ले लिदी। ईसु की मोत आपणा पापाँ का वाते बना सीमा को मोल चुकाणो हो (2कुरिन्थियों 5:21)। ईसु आपणा पापाँ का दण्ड को मोल चुकाबा का वाते मोत पा लिदी(रोमियों 5:8)। ईसु ईं वाते मोल चुकाया के, जणीऊँ आपाँने चुकाणो ने पड़े। ईसु कि मोतऊँ पाच्छो जीवतो वेणो यो परमाण कर दिदो के, वींकी मोत आपणा पापाँ का जुरमाना देबा का वाते खुब ही। योईस मस हे के, ईसुईस एक अन खाली वोईस मुगतीदाता हे (यूहन्ना 15:6 प्रेरितों के काम 4:12)! कई थाँ ईसु पे आपणा मुगतीदाता का रुप में भरोसो कररिया हो?
कई ईसु थाँका खुदका मुगतीदाता हे? नरई मनक मसीहत ने मण्डळी में जाणो, रिती-रिवाज ने पुरा करणा अनｬ/कन कुई पाका पापाँ ने करबा का रुप में देके हे। या मसीहत ने हे। हाँची मसीहत तो ईसु मसी का हाते खुदका सम्बन्द को वेणो हे। ईसु ने आपणा खुदका मुगतीदाता का रुप में मानबा को अरत हे के, वींमे आपणा खुद ने विस्वास अन भरोसे का हाते राक देणो हे। कस्या भी दुजाँ का विस्वासऊँ मुगती ने पई जा सके हे। कुई खास कामाँ ने करबाऊँ मापी ने पई जा सके हे। मुगती पाबा को एकीस गेलो यो हे के, थाँ खुदका रूपऊँ ईसु ने आपणा मुगतीदाता, वींकी मोत ने आपणा पापाँ को मोल चुकावा का रुप में भरोसो करन अन वींके मरिया तका मेऊँ पाच्छो जीवता वेणा ने अंनत जीवन का वाते आपणी पकाई का रुप में मान हामी भरो। (यूहन्ना 3:16)। कई ईसु खुदका रुप में थाँका मुगतीदाता हे ?
यद्याँ थाँ ईसु मसी ने आपणा मुगतीदाता का रुप में गरण करणा छारिया हो, तो परमेसरऊँ निम्नलिकित सबद केवो। आद राको, या परातना कन कस्यी दुजी परातना बोलणी थाँने बंचा ने सके हे। खाली ईसु मसी अन हुळी पे वाकाऊँ किदा तका काम में विस्वासईस हे ज्यो थाँने थाँका पापाँऊँ बंचा सके हे। या परातना वींपे आपणाँ विस्वास का बारा में बताबा का वाते अन थाँकी मुगती को प्रबन्ध करबा का वाते धन्नेवाद देबा को खाली एक तरिको हे। हो, परमेसर, मू ँजाणू हु के, में थाँकी नजराँ मे में पाप किदो हे, अन मुँ दण्ड के जोगो हूँ। पण ईसु मसी वणी दण्ड ने आपणा खुद का उपरे ले लिदो जिंके लायक मूँ हो, ताँके वींपे विस्वास करबाऊँ मुँ माप किदो जा सकूँ। मूँ मारी मुगती का वाते थाँकाँ में आपणा विस्वास ने राकुँ हूँ। थाँको अचम्बा वाळो अनुगरे अन मापी, ज्याँ अंनत जीवन को ईनाम हे , ईंका वाते मुँ थाँको धन्नेवाद करुँ हू। आमीन, अस्यानीस वेवे।
ज्यो कई थाँ अटे भण्यो हे, कई थाँ ईंके मस आपणा ईसु मसी के पाच्छे चालबा का वाते ते कर लिदो हे? यद्याँ अस्यान हे तो रेटे दिदो तको में आज ईसु ने मान लिदा हे वाळो बटन दवावो।
जो कई थाँ अटे भण्यो हे, कई वींके मस थाँ मसी का पाच्छे चाबा का वाते ते कर लिदो हे? यद्याँ अस्यान हे तो रेटे दिदो तको “आज में ईसु ने मान लिदा हे”, वाळो बटन दबावो।
English
थाँका वाते खुदका मुगतीदाता का रुप में ईसु ने मानबा को कई अरत हे?