Pregunta
Kon mi por bira bon bèk ku Dios?
Kontesta
Pa por bira “bon” ku Dios, na promé lugá nos mester komprondé kiko ta “robes”. E kontesta ta piká. “Nò, no tin ningun ku ta hasi bon, ni sikiera ún!” (Salmonan 14:3). Nos a rebeldiá kontra Dios su mandamentunan; “nos tur a kana dualu manera karné” (Isaías 53:6).
E mal notisia ta ku e kastigu di piká ta morto. “Solamente hende ku peka, ta muri” (Ezekiël 18:4). E bon notisia ta ku un Dios amoroso a buska nos pa asina trese salbashon pa nos. Hesus a deklará ku Su propósito tabata pa “pa buska i salba esun ku ta pèrdí ” (Lukas 19:10), i El a deklará su propósito kumplí ora El a muri riba krus ku e palabranan, “ta kumplí!” (Huan 19:30).
Un bon relashon ku Dios ta kuminsá ku un rekonosementu di bo piká. Despues di esei, un humilde konfeshon di bo piká na Dios (Isaías 57:15) i e determinashon pa legumai e piká. “Pasobra ku bo kurason bo ta kere pa Dios aseptá bo komo hustu i ku bo boka bo ta proklam’É públikamente pa asina bo haña salbashon.”(Romanonan 10:10).
E arepentímentu mester wòrdu akompaña ku fe, spesífikamente e fe ku Hesus Su sakrifisio di morto i milagroso resurekshon ta kwalifiká Hesus pa ta bo Salbador. “Pasobra si ku bo boka bo ta proklamá ku Kristu ta Señor i den bo kurason bo ta kere ku Dios a lant’É for di morto, lo bo ta salbá!” (Romanonan 10:9). Hopi otro pasashinan di Beibel ta papia di e nesesidat di fe, manera Huan 20:27; Echonan 16:31; Galatanan 2:16; 3:11, 26; i Efesionan 2:8.
Ser bon ku Dios ta depende di bo reakshon na loke Dios a hasi na bo lugá. El a manda e Salbador, El a provee e sakrifisio pa kita bo piká (Huan 1:29), anto El a ofresé bo e promesa: “tur hende ku invoká nòmber di Señor lo keda salbá!” (Echonan 2:21).
Un bunita ilustrashon di arepentímentu i pordon ta e parábola di e yu pèrdí (Lukas 15:11-32). E yu mas chikí a gasta e regalo di su tata na pikánan bergonsoso (versíkulo 13). Ora el a rekonosé ku el a hasi malu, el a disidí di bai kas bèk (versíkulo 18). El a asumí ku lo e no wòrdu konsiderá mas komo yu di su tata (versíkulo 19), pero e tabata robes. E tata a stima e yu rebelde aki mas ku nunka (versíkulo 20). Tur su pikánan a wòrdu pordoná, i nan a pone un selebrashon grandi (versíkulo 24). Dios ta bon i E ta kumpli ku Su promesanan, inkluyendo e promesa di pordon. “Señor ta serka esnan ku ta kibrá, E ta salba hende abatí. Un hende hustu ta haña hopi sla, ma Señor ta skap’é di tur esei.” (Salmonan 34:18).
Si bo ke ta bon ku Dios, ata aki un ehèmpel di un orashon ku bo por hasi. Kòrda, resando e orashon aki lo no salba bo. Konfiansa den Kristu so por salba bo di piká. E orashon aki ta simplemente un manera pa ekspresá na Dios bo fe den djE i yam’É danki pa a perkurá pa bo salbashon. “Señor, mi sa ku mi a peka kontra Bo i ku mi ta meresé kastigu. Pero Hesu-Kristu a tuma e kastigu ku ami ta meresé, pa asina pa medio di fe den djE, ami por wòrdu pordoná. Mi ta pone mi konfiansa den Bo pa salbashon. Danki pa Bo maravioso grasia i pordon-e regalo di bida eterna! Amen!”
Bo a tuma e desishon di aseptá Kristu dor di algu ku bo a lesa akiriba? Si ta asina, porfabor klék riba e boton akibounan “Mi a aseptá Kristu awe”.
English
Kon mi por bira bon bèk ku Dios?
