Pregunta
Bo tin pordon? Kon mi por risibí pordon di Dios?
Kontesta
Echonan 13:38 ta deklará: “P’esei anto, rumannan, boso mester sa ku pa medio di djE pordon di piká ta proklamá na boso”.
Kiko ta pordon i dikon mi tin mester di dje?
E palabra “pordona” ta nifiká lubida tur errornan di pasado i kuminsá dinobo, i pordon, pa kanselá un debe. Ora nos hasi algu malu kontra un hende, nos ta buska nan pordon pa asina e relashón por wordu restourá. Pordon no ta wordu duná paso un hende ta meresé di wordu pordona. Niun hende no ta meresé di wordu pordona. Pordon ta un akto di amor, mizerikórdia i grasia. Pordon ta un desishon pa no tin nada mas kontra e otro persona, apesar di loke nan a hasi kubo.
Beibel ta bisa nos ku nos tur tin e nesesidat di haña pordon di Dios. Nos tur a kometé piká. Predikador 7:20 ta proklamá, “Riba mundu no tin niun hende hustu ku ta hasi bon sin peka nunka.” 1 Huan 1:8 ta bisa, “Si nos ta bisa ku nos no tin piká, ta nos mes nos ta gaña i nos no tin e bérdat den nos.” Tur piká ta en bèrdat un akto di rebeldia kontra Dios (Salmonan 51:4). Komo resultado, nos mester desesperadamente di Dios su pordon. Si nos pikánan no wordu pordoná, nos lo pasa eternidat sufriendo e konsekuenshanan di nos pikánan (Mateo 25:46; Huan 3:36).
Pordon – Kon mi ta hanj’é?
Danki Dios, Dios ta amoroso, mizerikòrdioso – ansioso pa pordona nos di nos pikánan! 2 Pedro 3:9 ta bisa nos, “Ta pasenshi E tin ku boso. Señor no ke pa niun hende bai pèrdí. E ke pa tur hende kombertí i sigui su boluntat”.
E úniko kastigu hustu pa nos pikánan ta morto. E promé mitar di Romanonan 6:23 ta deklará, “Pasobra e pago di piká ta morto...” Morto eterno ta loke nos ta meresé pa nos pikánan. Dios, den Su plan perfekto, a bira un ser humano – Hesu-Kristu (Huan 1:1,14). Hesus a muri na krus, tumando e kastigu ku nos ta meresé – morto. 2 Korintionan 5:21 ta siña nos, “Kristu tabata sin piká, pero Dios a pone nos pikánan riba djE pa asina Dios por aseptá nos komo hustu.” Hesus a muri na krus, tumando e kastigu ku nos ta meresé! Komo Dios, Hesus su morto a perkurá pa pordon di piká pa henter mundu. 1 Huan 2:2 ta proklamá, “Hesus mes a bira e sakrifisio pa pordon di nos pikánan, no solamente pa esnan di nos, ma pa piká di tur hende.” Hesus a lanta for di morto, proklamándo Su viktoria riba piká i morto (1 Korintionan 15:1-28). Gloria na Dios, pa medio di morto i resurekshon di Hesu-Kristu, e otro mitar di Romanonan 6:23 ta bèrdat, “...pero e regalo ku Dios ta duna ta bida eterna, ku nos por haña den nos Señor Kristu-Hesus.”
Bo ke pa bo pikánan wordu pordona? Bo tin un sentimentu di kulpabilidat ku ta keda ferfelabu i ku ta mane kos ku e no ke bai? Pordon di bo pikánan ta disponibel si bo pone bo fe den Hesu-Kristu komo bo Salbador. Efesionan 1:7 ta bisa, “ Nos ta librá, pasobra Kristu a drama su sanger pa nos, i E ta pordoná nos aktonan di desobediensia, danki na su grasia inmenso.” Hesus a paga nos debenan pa nos, pa asina nos por wordu pordoná. Úniko kos ku bo tinku hasi ta pidi Dios pordonabu pa medio di Hesus, keriendo ku Hesus a muri pa paga bo pordon – i lo E pordonabu! Huan 3:16-17 tin un mensahe maravioso, “Pasobra Dios a stima mundu asina tantu ku El a duna su úniko Yu, pa tur esnan ku pone konfiansa den djE no bai pèrdí, ma haña bida eterno. Dios no a manda su Yu den mundu pa kondená mundu, ma pa salba mundu pa medio di djE.”
Pordon – asina fásil e ta bèrdat?
Si, asina fásil e ta! Bo no por gana pordon di Dios. Bo no por paga pa bo pordon di Dios. Solamente bo por risibí’é, pa medio di fe, dor di grasia i mizerikórdia di Dios. Si bo ke aseptá Hesu-Kristu komo bo Salbador i risibí pordon di Dios, ataki un orashon ku bo por resa. Bisando e orashon aki or kualke otro orashon lo no salbabu. Solamente konfiándo ku Hesu-Kristu ta trese pordon di piká. E orashon aki ta simplemente un manera pa bo ekspresa na Dios bo fe den djE i yam’É danki paso El a perkurá pa bo pordon. “Señor, mi sa ku mi a peka kontra bo i ku mi ta meresé kastigu. Pero Hesu-Kristu a tuma e kastigu ku mi ta meresé pa asina pa medio di fe den djE mi por wordu pordoná. I ta pone mi konfiansa den Bo pa salbashon. Danki pa Bo maravioso grasia i pordon! Amèn!”
Bo a tuma e desishon di aseptá Kristu dor di algu ku bo a lesa akiriba? Si ta asina, porfabor klék riba e boton akibounan “Mi a aseptá Kristu awe”.
English
Bo tin pordon? Kon mi por risibí pordon di Dios?
