Pregunta
Kon mi por sa sigur ku lo mi bai Shelu ora mi muri?
Kontesta
Bo sa sigur ku bo tin bida eterna i ku lo bo bai Shelu or abo muri? Dios ke pa bo ta sigur! Beibel ta bisa: “Mi ta skibi boso e kosnan aki, pa boso sa sigur ku boso tin bida eterna, boso ku a pone boso konfiansa den e Yu di Dios.” (1 Huan 5:13). Laga nos suponé ku bo ta pará dilanti Dios aworaki anto E puntrabu, “Dikon mi mester lagabu drenta Shelu?” Kiko lo bo bisa? Porta bo no sa kiko bisa. Loke bo mester sa ta ku Dios ta stima nos i a provee un manera pa nos por sa sigur unda nos lo pasa eternidat. Beibel ta bisa asinaki: “Pasobra Dios a stima mundu asina tantu ku El a duna su úniko Yu, pa tur esnan ku pone konfiansa den djE no bai pèrdí, ma haña bida eterno.” (Huan 3:16).
Na promé lugá nos tinku komprondé kiko ta e problema ku ta stroba nos di drenta Shelu. Esaki ta e problema– nos naturalesa pekaminoso ta stroba nos di tin un relashon ku Dios. Di naturalesa nos ta pekaminoso i tambe paso nos mes a skohe esei. “Tur hende a peka i ta karesé di Dios su gloria.” (Romanonan 3:23). Nos no por salba nos mes. “Pasobra boso ta salbá dor di grasia di Dios, pa medio di fe den Kristu! Anto boso no ta haña salbashon a base di boso mes esfuerso, ma e ta un regalo di Dios. No por hasi nada pa gan’é, ya niun hende no por broma.” (Efesionan 2:8-9). Nos ta meresé morto di fiérnu. “Pasobra e pago di piká ta morto” (Romanonan 6:23).
Dios ta santu i hustu i mester kastiga piká, pero asina mes El a stima nos i a provee pordon pa nos piká. Hesus a bisa: “Ami ta e kaminda, bèrdat i bida; niun hende no por yega serka Tata, si no ta pa medio di Mi.” (Huan 14:6). Hesus a muri pa nos riba krus; “Pasobra Kristu a muri un bia i pa semper pa nos pikánan; E tabata un hende hustu ku a muri pa hende inhustu pa E por hiba boso serka Dios.” (1 Pedro 3:18). Hesus a resusitá fo’i morto; “Hesus a keda entregá na morto pa nos pikánan i a lant’É for di morto pa Dios por aseptá nos komo hustu.” (Romanonan 4:25).
Awor lagá nos ban bèk na e pregunta original – “Kon mi por sa sigur ku lo mi bai Shelu ora mi muri?” E kontesta ta esaki – kere den Señor Hesu-Kristu i lo bo ta salbá (Echonan 16:31). “Esnan ku sí asept’É, ku a pone nan konfiansa den su nòmber, El a duna derecho pa bira yu di Dios.” (Huan 1:12). Bo por risibí bida eterna komo un regalo GRATIS. “… e regalo ku Dios ta duna ta bida eterna, ku nos por haña den nos Señor Kristu-Hesus.” (Romanonan 6:23). Bo por biba un bida di abundansha i signifikante aworaki mes. Hesus a bisa: “Ami a bini pa duna bida, bida na abunansha.” (Huan 10:10). Bo por pasa eternidat huntu ku Hesus den Shelu, pasobra El a primintí: “Despues di prepará un lugá pa boso, Mi ta bolbe bini i tuma boso serka Mi pa boso ta kaminda Mi ta.” (Huan 14:3).
Si bo ke aseptá Hesu-Kristu komo bo Salbador i risibí pordon di Dios, ata aki un orashon ku bo por hasi. Ripitiendo e orashon aki of kualke otro lo no salbabu. Konfiansa den Hesu-Kristu so por dunabu pordon pa bo pikánan. E orashon aki ta simplemente un manera pa bo ekspresá na Dios bo fe den djE i yam’É danki pa a perkurá pa bo pordon. “Señor, mi sa ku mi a peka kontra Bo i ku mi ta meresé kastigu. Pero Hesu-Kristu a tuma e kastigu ku ami ta meresé pa asina pa medio di fe den djE ami por wòrdu pordoná. Mi ta pone mi konfiansa den Bo pa salbashon. Danki pa Bo maravioso grasia i pordon! Amen!”
Bo a tuma e desishon di aseptá Kristu dor di algu ku bo a lesa akiriba? Si ta asina, porfabor klék riba e boton akibounan “Mi a aseptá Kristu awe”.
English
Kon mi por sa sigur ku lo mi bai Shelu ora mi muri?
