settings icon
share icon
Fehu’i

Ko e Ma’u’anga ‘o e Mo’ui Ta’engatá?

Tali


‘Oku fakahä mai ‘e he Tohitapú ‘a e hala mo’oni mo totonu ke ma’u ai ‘a e mo’ui ta’engatá. ‘Uluaki, kuo pau ke tau fakatokanga’i kuo tau faihala ki he ‘Otuá: “Kuo fai angahala ‘a e kakai kotoa pē, pea kuo nau motu ai mo e ‘Otuá.” (Loma 3:23) Kuo tau ‘osi fai kotoa ‘a e ‘uuni me’a ‘oku ‘ikai hoifua ki ai ‘a e ‘Otuá, pea ‘oku tuha ai mo taau ke tautea kitautolu. Kuo tau fai angahala foki ki he ‘Otua ta’engatá, ko ia ai ko hotau tuhá ko e tautea ta’engata. “He ‘oku ‘i ai ‘a e ‘inasi ‘o ha taha ‘oku pōpula ki he fai angahalá, ko e mate. Ka ko e ‘Otuá ia, ‘oku ‘i ai ‘ene me‘a‘ofa ‘oku fie ‘omi ma‘atautolu, ko e mo‘ui ta‘engata. Pea ‘oku tu‘unga ia ‘i hotau ‘Eikí ko Sīsū Kalaisí.” (Loma 6:23).

Kai kehe, ko Sïsü Kalaisi, ‘aia na’e ‘ikai ha’ane momo’i angahala (1 Pita 2:22), na’e hoko ia, ‘a e ‘Alo pele ‘o e ‘Otuá, ‘o tangata (Sione 1:1,14) peá ne pekia ke totongi ‘etau hia. “Ko e ‘Otuá ‘okú ne fakahā ‘a e mo‘oni ‘o ‘ene ‘ofa ‘a‘ana kiate kitautolu - lolotonga pē ‘etau kei angahalá kuo pekia ‘a Kalaisi ma‘atautolu! " (Loma 5:8). Ne pekia ‘a Sïsü Kalaisi ‘i he kolosi (Sione 19:31-42), ‘o ne fua ai ‘e ia ‘a e tautea na’e totonu mo taau ke fai mai kiate kitaua (2 Kolinito 5:21). Pea ‘osi ha ‘aho ‘e tolu mei ai, na’á ne toetu’u mei he pekia (1 Kolinito 15:1-4), ke fakamo’oni’i ‘a ‘ene ikuna’i ko ia ‘a e angahala pea mo e mate. “Ko e ‘Otua manava‘ofa lahi ia. He ko ‘ene fokotu‘u ‘a Sīsūú mei he maté, ko ‘ene foaki mai ia ma‘atautolu ha mo‘ui ‘oku fo‘ou, mo ha fakatu‘amelie ‘oku mo‘ui mo tu‘uloa”. (1 Pita 1:3).

Tu’unga ‘i he’ete tui ki he ngaahi folofola kuó te laú ‘i ‘olunga, te te ala fulihi ‘a e tu’unga fakakaukau fakaetangata ‘o hoto ‘atamai fekau’aki mo Kalaisi- ko hai ia, ko e hä e me’a na’á ne faí, mo hono ‘uhinga kia kita. Tä ko hotau fakamo’ui’anga pë taha ia. Ko Sīsūú, ‘oku ‘iate Ia pë ‘a e ivi ke fakamo‘uí kotau laumälie! ‘Oku ‘ikai ha toe taha ‘i māmani kātoa kuo fakamafai‘i ‘e he ‘Otuá ke fakamo‘ui ai ha taha!” (Ngäue 4.12). Kapau `e falala ha taha kiate ia, ‘o tui ko ‘ene pekia ‘i he kolosi ke totongi’aki ‘a ‘etau ngaahi angahala, ‘e fakamolemole’i leva kitautolu, pea te tau ma’u ‘a e palomesi ko ia ko e mo’ui ta’engatá. “Naʻe ‘ofa ʻa e ‘Otuá ki māmani̇, ko ia, naʻá ne foaki hono ʻAlo pē ‘e taha mei ʻitāniti̇́, koe‘uhi̇̄ ko ia kotoa pē ‘e tui kiate iá, ke ʻoua naʻa ‘auha, ka ne ma‘u ʻa e mo‘ui ta‘engatá. " (Sione 3:16). “Pea kapau te ke pehē, “Ko e ‘Eikí ‘a Sīsū” mo ke tui mo‘oni ‘i ho lotó na‘e fokotu‘u ‘e he ‘Otuá ‘a Sīsū ke mo‘uí, pea te ke mo‘ui.” (Loma 10:9). Ko e tuí pë , ‘a ‘ete tui ki he ngäue kakato na’e fakahoko ‘e Kalaisi ‘i he kolosí, ko e häla mo’oni pë ia ki he mo’ui ta’engatá! “He ko ho‘omou haó ko ho‘omou tui ki he ‘Otuá. Pea ‘oku hulu atu ‘a e ‘ofa ‘a e ‘Otuá ‘iate kitautolú ‘i he me‘a ‘oku tau tuha mo iá. Ko ho‘omou haó, ko e me‘a‘ofa ‘ata‘atā pē ia ‘a e ‘Otuá ma‘amoutolu. Na‘e ‘ikai ke lava ia ‘i ha‘amou fai mālohi. Ka na‘e lava ia ko hono foaki atu ‘e he ‘Otuá. Pea ‘oku taau leva ke ‘oua ‘e fakamāfutofuta ha taha he‘ene haó.” (Efeso 2:8-9).

“Kapau leva ko ho lotó ke ke tali ‘a Sïsü Kalaisi ko ho Fakamo’uí, ko eni ko ha lotu fakatätä pë ke ke ngäue’aki. Manatu’i ange, ko ‘ete fai ‘a e lotu ko eni pe ko ha toe lotu ange pë, ‘e ‘ikai fakahäofi ai kita ia. Ka ko e tuí pë kia Kalaisi te ne fakahäofi koe mei he angahalá. Ko e lotu ia ko ení, ko e founga pë ia ke ke fakahä ai ki he ‘Otuá ho’o tui kiate ia. Pea ai foki mo ho fakamälö kiate ia ‘i he’ene malu’i mo fakahäofi koe.

“‘Eiki Sïsü, ko hoku fakamo`oni pë eni, kuó u fai angahala kiate koe pea ‘oku tuha mo taau `a e mate ta`engata. Ka kuo to’o ‘e Sïsü Kalaisi ‘a e tautea ne totonu ke u ma’u koe‘uhí ka u fou ‘i he tui kiate ia, ke fai ai ‘a hoku fakamolemole’i. ‘Oku ou falala kiate koe pea mo ho tala’ofa ke fakahaofi au. Mälö ‘Eiki ‘a e ‘omi ho’o kelesi ma’ongo’onga pea mo ho’o fakamolemole – ko e me’a’ofa ia ‘o e mo’ui Ta’engata ‘Emeni!”

Kuó ke fai nai ha’o fakakaukau fekau’aki mo Kalaisi koe’uhi pë ko e me’a ko ia kuó ke lau/? Kapau leva ko ia, peá ke kataki mu’a ‘o lomi’i ‘a e fo’i me’a lomi ko ena ‘i lalo ‘oku pehë “Kuó u tali ‘a Sïsü ‘i he ‘ahó ni.”

English



Foki ki he peesi mu’a Faka-Tonga

Ko e Ma’u’anga ‘o e Mo’ui Ta’engatá?
© Copyright Got Questions Ministries