Fehu’i
Ko e ha ‘a e palani ‘o e Fakamo’ui/mo e founga ‘o e fakamo’ui?
Tali
‘Oku ke fiekaia? ‘Ikai ko e fiekaia ‘a e sino matelie, ka ‘oku ‘iai nai ha me’a ‘oku ke hoholi kiai ‘I he mo’ui ni? ‘Oku ‘iai nai ha me’a ‘I loto ‘iate koe, ‘oku ‘ikai pe ke fiemalie ia? Kapau ‘oku ‘iai ha me’a pehee, Ko Sisu pe ‘a e hala, Na’e pehee ‘e Sisu, “Ko au pe ‘a e ma ‘o e mo’ui. Ko ia pe ‘e ha’u kiate au, ‘e ‘ikai ke to e fiekaia ia, pea ko ia ‘e tui kiate au ‘e ‘ikai to e fie inua ia” (Sione 6:35).
‘Oku ke puputu’u? ‘Oku hangee nai ‘oku ‘ikai pe lava ke ke ma’u koe ia ha taumu’a ki he mo’ui pe ko e hala totonu nai? ‘Oku hange nai kuo hanga ‘e taha ia ‘o tamate’i ‘a e maama pea ‘oku ke fiu hono kumi ‘a e me’a kamosi? Kapau koia, ko Sisu pe ‘a e hala! Na’e pehee ‘e Sisu, “Ko au pe ‘a e maama ‘o mamani. Ko ia pe ‘e muimui mai kiate au ‘e ‘ikai ke lue ia ‘I he fakapo’uli, ka te ne ma’u ‘a e maama ‘o e mo’ui” (Sione 8:12).
‘Oku ke ongo’i hangee ‘oku loka’i koe ‘I tu’a mei he mo’ui? Kuo ke feinga nai ke hu ‘I he ngaahi matapa lahi, ka ke ‘ilo ‘I loto ai ko e hala’ata mo e ‘u me’a ta’e’uhinga pe? ‘Oku ke fakasio nai ha hu’anga ki ha mo’ui ‘oku faka’ofo’ofa? Kapau koia, Ko Sisu pe ‘a e hala! Na’e pehee ‘e Sisu, “Ko au pe ‘a e matapa; ko ia pe ‘e hu mai ‘o fou ‘iate au ‘e fakamo’ui. ‘E hu mai pea hu atu ‘o ma’u ‘a e me’atokoni” (Sione 10:9)
‘Oku fa’a hanga nai ‘e he kakai kehe ‘o tukuhifo ma’u pe koe ki lalo? ‘Oku mamaha nai ‘a ho’o ngaahi ‘u vaa pea masivesiva? ‘Oku ngalingali nai, hangee ‘oku faka’aonga’i pe koe ‘e he tokotaha kotoa pe? Kapau koia, Ko Sisu pe ‘a e Hala! Na’e folofola ‘a Sisu ‘o pehee, “Ko au pe ‘a e tauhi Sipi lelei. ‘Oku fakatokilalo ma’u pe ‘a e tauhi sipi ko e ‘uhii pe ko ‘ene fanga sipi. Ko au ‘a e tauhi Sipi Lelei; ‘Oku ou ‘ilo ‘a ‘eku fanga Sipi pea ‘oku ‘ilo au ‘e he’eku fanga Sipi” (Sione 10:11, 14).
‘Oku ke fa’a fifili nai pe ko e ha e me’a ‘e hoko atu kiai hili ‘a e mo’ui ko eni? Kuo ke fo’i ko e ‘I he nofo aipe he mo’ui tatau mo e ‘u me’a ‘oku ‘auha mo popo? ‘Oku ‘iai ha taimi ‘e ni’ihi ‘oku ke fa’a veiveiua nai pe ‘oku ‘iai koaa ha ‘aonga ‘o e mo’ui pe ‘ikai? ‘Oku ke fiema’u ke ke mo’ui hili ho’o mate? Kapau ‘oku ke ‘io, Ko Sisu pe ‘a e Hala! Na’e pehee ‘e Sisu, Ko au ‘a e toetu’u mo e mo’ui. Ko ia ‘oku tui kiate au ‘e mo’ui, neongo kuo ne ‘osi mate; pea koia ‘oku mo’ui ka ‘oku tui kiate au, ‘e ‘ikai mate” (Sione 11:25-26).
Ko e ha ‘a e Hala? Ko e ha ‘a e Mo’oni? Ko e ha ‘a e Mo’ui? Ko e tali ‘a Sisu, “ Ko au ‘a e hala, mo’oni pea mo e mo’ui. ‘E ‘ikai ha’u ha taha ki he tamai ta’e fou mai ‘ia au” (Sione 14:6).
Ko e fiekaia koia ‘oku ke ongo’i ko e fiekaia faka-laumalie, pea ko Sisu pe te ne lava ‘o fafanga koe. Ko Sisu pe te ne lava ‘o hiki ‘a e fakapo’uli. Ko e Sisu pe ‘a e matapa ki he mo’ui ‘oku faka-fiemalie. Ko Sisu pe ‘a ho’o kaume’a pea mo e tauhi sipi na’a ke fekumi kiai. Ko Sisu ‘a e mo’ui- ‘I he mamani ko eni pea mo e hoko mai. Ko Sisu pe ‘a e hala ki he fakamo’ui!
Ko e ‘uhinga ‘oku ke fiekaia ai, Ko e ‘uhinga ‘oku ke he ai he fakapo’uli, ko e ‘uhinga ‘oku ‘ikai ke ke ma’u ai ha taumu’a lelei ‘o e mo’ui, he ‘oku ke mama’o mei he ‘Otua. ‘Oku talamai ‘e he tohitapu kia kitautolu, kuo tau fai angahala kotoa, pea ko e ‘uhinga ia ‘oku tau fai kehekehe ai mo e ‘Otua. (Koheleti 7:20; Loma 3:23). Ko e ongo’i mahaia koia ‘a loto ko e ‘uhii ko e ‘ikai ke ‘iai ‘a e ‘Otua ‘I ho’o mo’ui. Ne ngaohi pe kitautolu ia ke ‘iai hotau vaa mo e ‘Otua. Ka ko e ‘uhi ko ‘etau angahala, ‘oku tau mavae ai mei he fo’I feohi koia. Pea ‘oku to e koviange, ‘o ka hanga ‘e he’etau angahala ‘o fakamavaeua’i aipe kitautolu ia mei he ‘Otua ‘I ‘Itaniti kotoa, ‘I he mo’ui ni pea mo e mo’ui hoko (Loma 6:23, Sione 3:36).
‘E anga fefee leva ‘a hono solova ‘a e fo’i palopalema ko eni? Ko Sisu pe ‘a e Hala! Ne to’o ‘e Sisu ‘a ‘etau hia ‘iate ia pe ( 2 Kolinito 5:21). Na’e pekia ‘a Sisu ‘I hotau tu’unga ‘o kitautolu (Loma 5:8), ‘o ne fua mo ‘ave ‘a e tautea na’e tuha mo kitautolu. ‘I he ‘aho ‘e tolu mei ai, na’e toetu’u ‘a Sisu ia mei he pekia, ‘o fakamo’oni’i ‘a ‘ene ikuna’i ‘a e angahala pea mo e mate (Loma 6:4-5). Ko e ha hono ‘uhinga na’a ne fai pehe ai? Na’e tali pe ‘e Sisu ‘a e fehu’i ko ia: “’Oku ‘ikai ha ‘ofa ‘e to e lahi hake ‘I heni, he na’a ne tuku ‘ene mo’ui ma’a hono ngaahi kaungame’a (Sione 15:13). Na’e pekia ‘a Sisu ka tau mo’ui. Kapau leva te tau ‘oatu ‘etau falala kia Sisu, ‘o tui ko ‘ene pekia ko e totongi ia ‘o ‘etau angahala, ‘e fakamolemole’i kotoa leva ‘a ‘etau angahala pea ‘e fakama’a ai. Pea ‘e fakanonga leva ai ‘a ‘etau fiekaia faka-laumalie. ‘E fakaulo ai ‘a e maama. Pea ‘e malava leva ke tau a’usia ‘a e mo’ui ‘oku faka-fiemalie. Te tau ‘ilo leva ‘a hotau kaume’a mo’oni ai pea mo e tauhi sipi lelei. Te tau ‘ilo leva ‘e ‘iai ‘a e toe mo’ui ‘I he hili ‘etau mate- ko e mo’ui toetu’u ‘I hevani mo ‘Itaniti pea mo Sisu!
“He na’e ‘ofa pehe ‘a e ‘Otua ki mamani, ko ia na’a ne foaki hono ‘Alo tofu-pe-taha-ne-fakatupu, koe’uhi ko ia kotoa pe ‘oku tui pikitai kiate ia ke ‘oua na’a ‘auha, ka e ma’u ‘a e mo’ui ta’engata” (Sione 3:16).
Kuó ke fai nai ha’o fakakaukau fekau’aki mo Kalaisi koe’uhi pë ko e me’a ko ia kuó ke lau/? Kapau leva ko ia, peá ke kataki mu’a ‘o lomi’i ‘a e fo’i me’a lomi ko ena ‘i lalo ‘oku pehë “Kuó u tali ‘a Sïsü ‘i he ‘ahó ni.”
English
Ko e ha ‘a e palani ‘o e Fakamo’ui/mo e founga ‘o e fakamo’ui?