کیہ سدا دی حیاتی پائی جا سکدی ہے؟




سوال: کیہ سدا دی حیاتی پائی جا سکدی ہے؟

جواب:
پاک کلام سدا دی حیاتی پاؤن دا اک سدھا راہ وکھاؤندا ہے۔ پہلاں سانوں ایہہ مننا پوے گا بئی اسیں پاپ کیتے ہین: "ایس لئی بئی ساریاں نے پاپ کیتا اتے رب دے جلال توں وکھ ہو گئے" (رومیوں باب 3 آیت 23)۔ اسیں ساریاں نے ایہو جہے کرتوت کیتے ہین جیہڑے رب نوں نہیں بھاؤندے، جیہڑے سانوں سزاوار بناؤندے ہین۔ کیوں جے ساڈے سارے پاپ اخیریں سدا لئی رہن والے رب دے خلاف ہین، ایہناں پاپا نوں اک سدا رہن والی سزا ہی دھو سکدی ہے۔ "پاپ دا بدلہ موت ہے، پر رب ولوں کرم ساڈے خداوند یسوع مسیح راہیں سدا دی حیاتی ہے" (رومیوں باب6 آیت 23)۔

پر کیوں جے، یسوع مسیح، پاپ توں پاک (1 پطرس باب 2 آیت 22)، رب دا سدا لئی رہن والا پُتر اک بندے دی جُون وچ آیا (یوحنا باب 1 آیت 1 اتے 14) اتے ساڈے پاپاں دے کفارے لئی مویا۔ "رب سانوں ساڈے لئی اپنی محبت انج وکھاؤندا ہے: کہ جدوں اسیں حالے پاپی ہی سی، یسوع ساڈے لئی مویا" (رومیوں باب 5 آیت 8)۔ یسوع مسیح نے سولی تے جان دتی (یوحنا باب 19 آیت 31 توں 42)، اوہ سزا سہندیاں جیہدے سزاوار اسیں سی (2 کرنتھیون باب 5 آیت 21)۔ تن دیہاڑیاں مگروں اوہ مردیاں وچوں جی اُٹھیا (1 کرنتھیون باب 15 آیت 1 توں 4)، پاپ اتے موت تے اپنی جِت ثابت کردیاں۔ "حمد ہے اوہدی انتاں دی رحمت دی اوہنے یسوع مسیح نوں مردیاں چوں جیوندا کر کے ساڈے تے بڑی رحمت کیتی اتے سانوں اک جیوندی آس لئی مُڑ کے جنم دتا" (1 پطرس باب 1 آیت 3)۔

سانوں ایمان دے نال یسوع بارے اپنی وچاردھارا نوں بدلنا چاہیدا ہے ۔ اوہ کون ہے، اوہنے کیہ کیتا، اتے کیوں کیتا ۔ مُکتی لئی (اعمال باب 3 آیت 19)۔ جے اسیں اوہدے تے ایمان رکھدے ہاں، ایس بھروسے نال بئی اوہنے ساڈے پاپ دھون لئی سولی تے جان دتی، سانوں معافی لبھ جاوے گی اتے اسیں وعدہ کیتی گئی بہشتاں وچ سدا دی حیاتی پا لواں گے۔ "کیوں جے رب نے جہان دے نال اجیہی محبت کیتی بئی اپنا اکو اک پُتر دے دتا تاں جے جیہڑا کوئی اوہدے تے ایمان لیاوے اوہ مرے ناں سگوں سدا دی حیاتی پاوے" (یوحنا باب 3 آیت 16)۔ "جے توں اپنے مونہوں منیں گا بئی یسوع خداوند ہے اتے اپنے دل وچ ایمان رکھیں گا بئی رب نے اوہنوں مردیاں چوں جیوندا کیتا، توں مُکتی پا جاویں گا" (رومیوں باب 10 آیت 9)۔ یسوع دے سُولی اُتے مکائے ہوئے کم تے پکا ایمان ہی سدا دی حیاتی وال جان دا سچا راہ ہے! "کیوں جے تہانوں ایمان راہیں فضل دے نال ہی مُکتی ملی ہے اتے ایہہ تہاڈے ولوں نہیں سگوں رب دی دات ہے اتے نہ ایہہ تہاڈے چنگے عملاں دے پاروں ہے تاں جے کوئی مان نہ کرے" (افسیوں باب 2 آیت 8 توں 9)۔

جے تُسیں یسوع نوں اپنے مُکتی داتا دے طور تے قبولنا چاہوندے ہو، ایتھے اک نمونے دی دعا ہے۔ چیتے رکھو بئی ایہہ دعا یاں کوئی وی ہور دعا پڑھنا تہانوں مُکت نہیں کرے گا۔ اُکا مسیح تے ایمان ہی ہے جیہڑا تہانوں پاپ توں مُکت کر سکدا ہے۔ ایہہ دعا رب اُتے تہاڈے ایمان دے اقرار دا اتے تہانوں مُکتی دین لئی اوہدے شکرانے دا اک سادہ جیہا راہ ہے۔ "ربا، مینوں پتہ ہے کہ میں تیرے خلاف پاپ کیتا ہے اتے سزاوار ہاں۔ پر یسوع مسیح نے اوہ سزا اپنے اُتے لے لئی جیہدا میں سزاوار سی ایس لئی اوہدے تے ایمان لیاؤن نال ہی مینوں مکتی مل سکدی سی۔ مُکتی لئی میں اپنا ایمان تیرے تے رکھناں۔ میں تیرا شکر کرداں تیرے انتاں دے فضل اتے رحمت لئی ۔۔ سدا دی حیاتی دی سوغات لئی! آمین!"

جو کجھ تسیں ایتھے پڑھیا ہے اوہدے پاروں کیہ تسیں مسیح لئی کوئی فیصلہ کر لیا ہے؟ جے انج ہے، مہربانی کرکے ہیٹھاں "میں اج مسیح نوں قبول کیتا" دے بٹن تے کلک کرو۔



پنجابی دے مڈھلے صفحے تے جاؤ



کیہ سدا دی حیاتی پائی جا سکدی ہے؟