سوال
کیہ مکتی اُکا ایمان دے نال اے، یاں ایمان دے نال عمل وی؟
جواب
ایہہ خورے مسیحی مذہب دا سب توں ضروری سوال اے۔ ایس سوال دی وجہ سدھار دا عمل اے۔ ایہہ پروٹسٹنٹ کلیسیا تے کتھولک کلیسیا دے وچکار فرق اے۔ ایہہ سوال کلام پاک موجب مسیحت تے بوہتے "مسیحی" بدعتی گروپاں دے وچکار اک اہم فرق اے ۔ کیہ مکتی اُکا ایمان دے نال اے، یاں ایمان دے نال عمل وی؟ کیہ میں صرف یسوع تے ایمان لیاؤن نال ای مکتی پا سکناں، یاں کیہ میں یسوع تے ایمان رکھاں تے چنگے کم کراں؟
سوال اُکا ایمان یاں ایمان دے نال عمل وی، اوس ویلے اوکھا ہوندا اے جدوں ایہنوں کلام پاک دے نال ملاؤن دا جتن کیتا جائے۔ تول کرو رومیوں 3 باب 28 آیت، 5 باب 1 آیت تے گلتیوں 3 باب 24 آیت دے نال یعقوب 2 باب 24 آیت۔ کجھ فرق اے جیویں پولوس "مکتی صرف ایمان دے نال" تے یعقوب "مکتی ایمان تے عمل دے نال"۔ اصل وچ پولوس تے یعقوب پورے طور تے اک دوجے دے نال نامتفق نہیں۔ چھڑا اک نکتہ اے نا اتفاقی دا کہ کجھ لوک ایمان تے عمل دے ایس سانگے وچکار فرق نوں ودھا چڑھا کے دسدے نیں۔ پولوس اپنی رائے وچ چھڑا ایمان نوں ای ٹھیک دسدا اے (افسیوں 2 باب 8 توں 9 آیت) جدوں کہ یعقوب ایمان دے نال عمل دی حمایت وی کردا اے۔ ایس مسئلے دا حل ایس پڑتال دے نال کر سکنے آں کہ اصل وچ یعقوب کیہدے بارے گل کردا اے ۔ یعقوب ایس نظریئے نوں جھوٹا ثابت کردا کہ جہیڑا بندہ ایمان تے رکھدا اے پر اوہدے وچ کجھ چنگے کم نہیں( یعقوب 2 باب 17 تے 18 آیت)۔ یعقوب ایس نکتے تے زور دیندا اے کہ مسیح تے اصل ایمان چنگے کماں نوں پیدا کردا اے (یعقوب 2 باب 20 توں 26 آیت)۔ یعقوب ایہہ نہیں کہندا اے کہ ایمان دے نال کماں دا پج دیتا جائے، پر ایہدے الٹ اوہ بندہ اصل وچ سچا اے جہیڑا ایمان دے نال اپنی حیاتی وچ چنگے کم کردا اے۔ جے کوئی بندہ ایماندار ہون دا دعویٰ کردا اے، پر اوہدی حیاتی وچ چنگے کم نہیں، تے فیر اوہ بندہ خورے مسیح تے ٹھیک ایمان نہیں رکھدا (یعقوب 2 باب 14 آیت، 17 آیت، 20 آیت، 26آیت)۔
پولوس وی انج ای اپنیاں چٹھیاں وچ کہندا اے۔ چنگے ایماندار اپنیاں حیاتیاں ایس لسٹ دے مطابق گزارن جیویں گلتیوں 5 باب 22 تے 23 آیت۔ تُرت دسن مگروں کہ ایمان دے نال مکتی پا سکنے آں، کماں دے نال نہیں (افسیوں 2 باب 8 تے 9 آیت)، پولوس سانوں خبردار کردا اے کہ اسیں چنگے کم کرن لئی پیدا ہوئے سی (افسیوں 2 باب 10 آیت)۔ پولوس امید رکھدا اے کہ بوہتی بدلی ہوئی حیاتی جیویں یعقوب نے آکھیا، "ایس لئی جے کوئی مسیح وچ اے تے اوہ نواں مخلوق اے۔ پرانیاں شیواں جاندیاں رہیاں۔ ویکھو اوہ نویاں ہو گئیاں"۔ (2۔کرنتھیوں 5 باب 17 آیت) یعقوب تے پولوس مکتی لئی اک دوجے دے نال نامتفق نہیں۔ اوہ دوویں اک ای وچار رکھدے نیں پر وکھری وکھری نظر دے نال۔ پولوس سادگی تے زور دیندا سی کہ چھڑا ایمان دے نال جدوں کہ یعقوب زور دیندا کہ مسیح تے ایمان چنگے کم پیدا کردا اے۔
English
کیہ مکتی اُکا ایمان دے نال اے، یاں ایمان دے نال عمل وی؟
