سوال
کیہ مسیحی تے مسلمان اک ای رب دی عبادت کردے نیں؟
جواب
ایس سوال دا جواب ایس گل دے مڈھ تے اے کہ "اکو جہیا" رب توں کیہ مراد اے۔ ایس گل توں انکار نہیں کہ مسلماناں دے وچار وچ رب تے مسیحاں دے وچار وچ رب وچ بہت سارے گُن اکو جہے نیں۔ دوہاں دے وچار وچ رب ای ساریاں توں وڈا حاکم اے، ہر شے تے قادر اے، سبھ کجھ جان دا اے، ہر تھاں تے موجود اے، پاک اے، اوہ ای راست اے۔ دوویں اسلام تے مسیحیت اک رب تے یقین رکھدے نیں جیہنے کائنات دی ہر شے نوں پیدا کیتا اے۔ بس، ہاں ایس طرحاں مسیحی تے مسلمان اکو جہے رب دی عبادت کردے نیں۔
اک ای ویلے وچ مسیحاں تے مسلماناں وچ رب تے وچار پاروں بڑا ڈاڈھا فرق وی اے۔ جدوں مسلماناں دے وچار وچ اللہ وچ ایہہ صفتاں نیں پیار، رحم تے فضل؛ اللہ وچ اجہیاں خوبیاں ظاہر نہیں کیتاں جاندیاں جیویں کہ مسیحی رب کردا اے۔ بھاویں سب توں بہتا فرق، مسلماناں تے مسیحاں وچ رب دے وچار پاروں اے جہیڑا مجسم ہون دے وچار پاروں اے۔ مسیحی یقین رکھدے نیں کہ رب یسوع مسیح دی صورت وچ انسان بن کے آیا۔ مسلمان یقین رکھدے نیں کہ ایہہ وچار بہت ای گستاخانہ اے۔ مسلمان کدی وی ایس وچار نوں قبول نہیں کرسکدے کہ اللہ اک بندہ بن کے آیا تے دنیا دے پاپاں لئی مریا۔ رب دے مجسم ہون تے یقین رکھنا کہ اوہ شخصی طور تے یسوع مسیح اے مسیحاں لئی رب دی صفت تے اک مت ہونا بہت ای ضروری اے۔ رب اک بندہ بن کے آیا بس اوہ ساڈے درد وچ ساڈا شریک ہو سکدا اے تے سب توں ضروری گل، اوہ سانوں مکتی تے پاپاں دی معافی دے سکدا اے۔
بس کیہ مسیحی تے مسلمان اک ای رب دی عبادت کردے نیں؟ ہاں یاں نہیں۔ خورے ایہہ چنگا سوال اے، "کیہ مسیحی تے مسلمان دوویں ٹھیک وچار رکھدے نیں کہ رب کیہ چاہوندا اے؟" ایہدا جواب یقیناً نہیں اے۔ ایتھے مسیحاں تے مسلماناں دے رب دے وچار دے وچکار کئی نتارویں پاڑ نیں۔ دوہاں دے یقین ٹھیک وی نہیں ہو سکدے۔ اسیں یقین رکھدے آں کہ مسیحی رب دے بارے ٹھیک وچار رکھدے نیں کیونجے اوس ویلے تیکر مکتی نہیں جدوں تیکر پاپ دا کفارہ نہ ادا کیتا جائے۔ اُکا رب ای اے جہیڑا ایہہ مُل تار سکدا اے۔ اُکا انسان بنن دے نال ای رب ساڈی تھاں تے مر سکدا اے تے ساڈے پاپاں دا جرمانہ دے سکدا اے (رومیوں 5 باب 8 آیت؛ 2۔کرنتھیوں 5 باب 21 آیت)۔
English
کیہ مسیحی تے مسلمان اک ای رب دی عبادت کردے نیں؟
