Kibii:
Dong inongo kica meweko bal woko? Atwero jolo kica me weko bal ma a ki bot Lubanga?
Lubo:
Tic pa Lukwena 13:38 waco ni, “Umegina, myero wunge ni, pi dano man en aye Lubanga weko bal pa dano.”
Weko bal en aye ngo dok pingo myero kiwek bala?
Nyiglok ni “Weko bal” tere ni rucu woko liweng, timo kica, ngolo banya woko. Ka wabalo ikom ngatmo, walego ni kitimwa kica ikom balwa meno wek waroc wat ikinwa. Pe kitimo kica ikom ngatmo ni pien en myero me nongo kica. Timo kica obedo tim me mar, me kica pe me nongo pwod ma imyero kwede, ki me kica me nongo gin ma pe myero kwedi. Timo kica obedo gin ma iyero pe me mako ngat ma obalo ikomini i cwinyi, kadi ka balle dit rom mene.
Baibul waco botwa ni wan ducu wamito kica me weko bal ki bot Lubanga. Wan ducu lubalo. Latit lok 7:20 waco ni, “Adada pe tye dano mo ma kite atir i lobo man, ma timo gin maber keken ma pe balo.” 1 Jon 1:8 waco ni, “Ka ce wawaco ni wape ki bal, meno noŋo wabwolle abwola kenwa, lok ada noŋo pe i iwa.” Bal ducu obedo tim me jemo ikom Lubanga. (Jabuli 51:4). I adwogine, cwinywa puke matek pi nongo kica ki bot Lubanga me weko balwa. Ka pe kiweko balwa, ci wabicito i kwo ma pe tum kun nongo wabedo i adwogi me balwa (Mateyo 25:46; Jon 3:36).
Kica me weko bal – atwero nongone ningning?
Ber ni, Lubanga lamar dano dok lakica- tye atera me weko balwa woko! 2 Petero 3:9 waco botwa ni, “…ento En pud tye ka diyo cwinye i komwu, pien en pe mito ni ngat mo orweny woko matwal, ento mito ni jo ducu guo i ningut.” Miti pa Lubanga tye me timo kica ikomwa, piman omiyo en onongo yo me kwanyo balwa woko.
Pwod acel keken mupore pi balwa aye to. Dul mukwongo me Jo Roma 6:23 waco ni, “Pien mucara me bal en to…” To matwal en aye mucara ma wanongo ki ikom balwa. Lubanga, i yub ma mere muporeni, oloke odoko dano- Yecu Kricito (Jon 1:1,14).Yecu oto ikom yatariya, otingo mucarawa mupore kwedwa en- to. 2 Jo Korint 5:21 pwonyowa ni, “Ngat ma yam pe ongeyo bal, Lubanga oloke odoko bal piwa, wek pire wadok jo ma nywako kit pa Lubanga ma tye atir.” Yecu oto ikom yatariya, kun otingo pwod ma wan wapore me nongone! Macalo Lubanga, to pa Yecu okelo kica me weko bal ikom wi lobo ducu. 1 Jon 2:2 tucu ni, “Dok en kikome bene obedo gitum pi kwanyo balwa, pe balwa keken ento kadi wa bal ma i wi lobo ducu.” Yecu ocer ki i lyel, kun tucu pi loc man ikom bal ki ikom to (1 Korint 15:1-28). Kipak Rwot, pien ki i to ki cer pa Yecu Kricito, dul me aryo me Jo Roma 6:23 obedo me ada, “…ento mot ma Lubanga miyowa nono, en aye kwo ma pe tum i Yecu Kricito Rwotwa.”
Imito ni ki timi kica ikom bali? Itye kun iwinyo cwinyi pidi miyo cwinyi pa yom ikom bal ma itimoni? Kica me weko bali ducu tye ka ce iketo niyeni ikom Yecu Kricito me bedo lalar ma meri. Jo Epeco 1:7 waco ni, “Pi remo pa Wode ma ocwer piwa, dong gikokowa woko, giweko balwa, kit macalo lonyo me kicane dwong kwede.” Yecu oculu pi banyawa, wek kiwek balwa woko. Gin ma mite me atima en aye me kwayo kica ki bot Lubanga kun wok ki i Yecu, kun nongo i ye ni Yecu oto me culu pi bal ma meri! Jon 3:16-17 tye ki kwena madit atika, “Pien Lubaŋa con omaro lobo kumeno, omiyo iye Wode acel keken, wek dano ducu ma ye en pe to, ento obed ki kwo ma pe tum. Lubaŋa pe ooro Wode i lobo ni oŋol kop i kom lobo, ento wek lobo olarre pi en.”
Kica me weko bal – tika mono yot?
Yot gire ada! Pe itwero timo gin mo wek inong iye kica me weko bal ki bot Lubanga. Pe itwero culu gin mo bot Lubanga pi nongo kica me weko bali. Itwero mere jolone, kun wok ki i niye, ma tye i kica pa Lubanga ma weko pe inongo pwod ma imyero kwede, ki me kicane me nongo gin ma pe myero kwedi. Ka imito jolo Yecu Kricito macalo lalari wek inong kica me weko bali kibot Lubanga, ci man aye lega ma itwero lego. Nwoyo waco lega man nyo mukene ducu aye pe bilari. Keto gen ma meri keken ikom Yecu Kricito aye twero mini kica man me weko bali. Lega man mere obedo yo me nyutu niyeni ki me miyo pwoc pi miyo boti weko bal. “Lubanga, angeyo ni an abalo ikomi dok apore me nongo pwod ikom bala. Ento Yecu Kricito otingo bala iwiye wek ki i niyena ikome kiwek bala woko. Dong aketo gen ma mera ikome pi lare. Apwoyi pi kicani maber atikani ki pi weko bala ducu! Amen!”
Dong ityeko moko tami me jolo Kricito pi lok ma ikwano ki kany? Ka kumeno, ci gwet kanget lok man ni “Ajolo Kricito inino ma tin.” English
Itye ki lapeny mo?